ସାଙ୍ଗ ହେବ ତ ଏମିତି…. ବନ୍ଧୁର ସୁରକ୍ଷା ପାଇଁ ବୁଲେଟ୍ ପ୍ରୁଫ କାର ଉପହାର

ପାଟନା: ସାଂସଦ ପପୁ ଯାଦବଙ୍କୁ ମିଳିଛି ଉପହାର, ଯାହାକୁ ନେଇ ଗଣମାଧ୍ୟମରେ ଖୁବ୍ ଚର୍ଚ୍ଚା ଜୋର୍ ଧରିଛି । ପପୁଙ୍କୁ ତାଙ୍କର ଜଣେ ଶୁଭଚିନ୍ତଙ୍କ ସାଙ୍ଗ ବୁଲେଟ୍ପ୍ରୁଫ୍ କାର ଉପହାର ଦେଇଛନ୍ତି । ଯାହା ସ୍ଥାନୀୟ ଅଞ୍ଚଳ ଲୋକଙ୍କ ଦୃଷ୍ଟି ଆକର୍ଷଣ କରୁଛି । ବିଗତ ଦିନରେ ପପୁ ଯାଦବଙ୍କୁ ଲରେନ୍ସ ବିଷ୍ଣୋଇ ଗ୍ୟାଙ୍ଗ ତରଫରୁ ହତ୍ୟା ଧମକ ଆସିଥିଲା । ଯାହାପର ତାଙ୍କର ଜଣେ ସାଙ୍ଗ ପପୁଙ୍କୁ ବୁଲେଟ୍ ପ୍ରୁଫ୍ କର ଉପହାର ସ୍ୱୀରୂପ ତାଙ୍କ ସୁରକ୍ଷାକୁ ଦୃଷ୍ଟିରେ ରଖି ଦେଇଛନ୍ତି । ଏ ନେଇ ବିହାର ପୁର୍ନିଆ ଏମ୍ପି ପପୁ ଯାଦବ କହିଛନ୍ତି, ସରକାରଙ୍କୁ ହୁଏତ ମୋ ସୁରକ୍ଷା ଚିନ୍ତା ନ ଥାଇପାରେ କିନ୍ତୁ ମୋ ବନ୍ଧୁ ଏବଂ ବିହାର ଲୋକ ସବୁବେଳେ ମୋ ସୁରକ୍ଷା ଚିନ୍ତା କରନ୍ତି । ବୁଲେଟପପ୍ରୁଫ୍ କାର ଲାଣ୍ଡ କ୍ରୁଜର ୫୦୦ ରାଉଣ୍ଡ ଗୁଳି ସହିବା ପାଇଁ ସକ୍ଷମ ହୋଇଥିବାବେଳେ ରକେଟ୍ ଲଞ୍ଚର ମଧ୍ୟ କାରରେ ଥିବା ଲୋକର କ୍ଷତି କରିପାରିବ ନାହିଁ ବୋଲି ପପୁ ପ୍ରତିକ୍ରିୟା ରଖିଛନ୍ତି ।

ଏନସିପି ନେତା ବାବା ସିଦ୍ଦିକିଙ୍କ ହତ୍ୟା ପରଠାରୁ ପପୁଙ୍କୁ ଲରେନ୍ସ ଗ୍ୟାଙ୍ଗ ତରଫରୁ ହତ୍ୟା ଧମକ ଆସିବାରେ ଲାଗିଛି । ଯେଉଁକାରଣରୁ ପପୁଙ୍କ ଘର ଓ କାର୍ଯ୍ୟାଳୟରେ ସୁରକ୍ଷା ବଳୟକୁ ବଢ଼ାଇ ଦିଆଯାଇଛି । ସେ ବାହାରକୁ ଗଲାବେଳେ ତାଙ୍କ ସହ ଶସ୍ତ୍ରଧାାରୀ ସୁରକ୍ଷାକର୍ମୀ ରହୁଛନ୍ତି । ତାଙ୍କ ଘରକୁ ଆସୁଥିବା ବ୍ୟକ୍ତିଙ୍କର ଚେକିଂ ପରେ ଭିତରକୁ ଛଡ଼ାଯାଉଛି । ଲରେନ୍ସ ବିଷ୍ଣୋଇ ଗ୍ୟାଙ୍ଗ ତରଫରୁ ବଲିଉଡ୍ଠାରୁ ଆରମ୍ଭ କରି ପଲିଟିକ୍ସ ସମସ୍ତଙ୍କ ପାଖକୁ ହତ୍ୟା ଧମକ ଯାଉଛି । ଯେଉଁକାରଣରୁ ଧମକ ଯାଇଥିବା ପ୍ରତ୍ୟେକ ବ୍ୟକ୍ତି ନିଜ ନିଜ ସୁରକ୍ଷା ବ୍ୟବସ୍ଥାକୁ ବଢ଼େଇ ଦେଇଛନ୍ତି । ମୁଖ୍ୟତଃ ଦବଙ୍ଗ ହିରୋ ସଲମାନ ଖାନ୍ ଲରେନ୍ସ ଗ୍ୟାଙ୍ଗର ଟାର୍ଗେଟ୍ରେ ଅଛନ୍ତି ।