ନବରାତ୍ରୀରେ କ’ଣ କରିବେ ଗର୍ଭବତୀ ମହିଳା; ଜାଣନ୍ତୁ ସେମାନଙ୍କ ପାଇଁ କିଛି ଜରୁରୀ ଟିପ୍ସ୍

ଓଡ଼ିଶା ଭାସ୍କର: ଅକ୍ଟୋବର ୩ରୁ ଆରମ୍ଭ ହୁଏ ନବରାତ୍ରୀ, ଏହି ସମୟରେ ଅନେକ ଲୋକ ଉପବାସ ରଖନ୍ତି । ପ୍ରାର୍ଥନା ଏବଂ ପାରିବାରିକ ସମାବେଶ ସହିତ ଏହାକୁ ପାଳନ କରିବାକୁ ଉତ୍ସାହିତ । ତେବେ ଗର୍ଭବତୀ ମହିଳାଙ୍କ ପାଇଁ ଏହା ଚ୍ୟାଲେଞ୍ଜ ହୋଇପାରେ । ଉପବାସ କରିବା ଦ୍ୱାରା ଶରୀର ଓ ମନ ସଫା ହେବା ସହ ଶରୀରର ମଇଳା ଦୂର ହୋଇଥାଏ। କିନ୍ତୁ ଗର୍ଭବତୀ ମହିଳା ଏହି ସମୟରେ କିଛି ବିଶେଷ କଥାର ଯତ୍ନ ନେବା ଉଚିତ୍ ।

ଗର୍ଭବତୀ ମହିଳାମାନେ ପୋଷକ ତତ୍ତ୍ୱରେ ଭରପୂର ଖାଦ୍ୟ ଗ୍ରହଣ କରିବା ଉଚିତ୍ । ନବରାତ୍ରୀ ସମୟରେ ଆପଣଙ୍କ ଶରୀରକୁ କେତେ ପ୍ରତିଶତ ପୋଷକ ତତ୍ତ୍ୱ ମିଳୁଛି ତାହା ନିଶ୍ଚିତ କରିବା ସବୁଠାରୁ ଗୁରୁତ୍ୱପୂର୍ଣ୍ଣ । ପୂରା ଦିନ ଉପବାସ କରିବା ପରିବର୍ତ୍ତେ ନିଜ ଖାଦ୍ୟରେ ସ୍ୱାସ୍ଥ୍ୟକର, ପୋଷକ ତତ୍ତ୍ୱ ଯୁକ୍ତ ଖାଦ୍ୟ ସାମିଲ କରନ୍ତୁ।

ଇଣ୍ଟରନ୍ୟାସନାଲ ଜର୍ଣ୍ଣାଲ ଅଫ୍ ହେଲ୍ଥ ପଲିସି ଆଣ୍ଡ ମ୍ୟାନେଜମେଣ୍ଟ ଅନୁଯାୟୀ, ଗର୍ଭାବସ୍ଥାରେ ଉପବାସ କରିବା ଦ୍ୱାରା ମା’ଙ୍କୁ ଶୀଘ୍ର ଭୋକ ଲାଗିଥାଏ ଏବଂ ଗର୍ଭସ୍ଥ ଶିଶୁକୁ କ୍ଷତି ପହଞ୍ଚାଇଥାଏ। ଏପରି କରିବା ଦ୍ୱାରା ଗର୍ଭସ୍ଥ ଶିଶୁର କ୍ଷତି ହୋଇପାରେ । ଖାଲି ସେତିକି ନୁହେଁ, ଏପରି କରିବା ଦ୍ୱାରା ଶିଶୁ ଓ ମା’ଙ୍କୁ କିଡନୀ ରୋଗ, ଟାଇପ-୨ ମଧୁମେହ ଓ କୋରୋନାରୀ ହୃଦ୍ ରୋଗ ଭଳି ଅନେକ ରୋଗ ହୋଇପାରେ ।

ଗର୍ଭବତୀ ମହିଳାମାନେ ଖାଦ୍ୟଠାରୁ ସମ୍ପୂର୍ଣ୍ଣ ଦୂରେଇ ରହିବା ପରିବର୍ତ୍ତେ ଆଂଶିକ ଉପବାସ କିମ୍ବା ଫଳ ଉପବାସ କରିବା ଉଚିତ୍ । ଫଳ, ବାଦାମ ଏବଂ ଦହି ଭଳି ସହଜରେ ହଜମ ହୋଇପାରୁଥିବା ଖାଦ୍ୟକୁ ଆପଣ ନିଜ ଖାଦ୍ୟରେ ସାମିଲ କରିପାରିବେ । ଭିଟାମିନ୍-ମିନେରାଲ୍ସରେ ଭରପୂର ଖାଦ୍ୟ ଖାଆନ୍ତୁ।

ଉପବାସ ସମୟରେ ନିଶ୍ଚୟ ଖାଆନ୍ତୁ ଏହି ସବୁ ଜିନିଷ

• ଫଳ: କଦଳୀ, ସେଓ ଏବଂ ଡାଳିମ୍ବ ଭିଟାମିନ୍ ଏବଂ ଫାଇବର ପ୍ରଦାନ କରିଥାଏ।
• ବାଦାମ: ବାଦାମ ଏବଂ ଅଖରୋଟ ଗୁଡ୍ ଫ୍ୟାଟ୍ ଏବଂ ପ୍ରୋଟିନର ଉତ୍ତମ ଉତ୍ସ ହୋଇଥାଏ।
• ଦୁଗ୍ଧ: ଦହି କିମ୍ବା ପନିର କ୍ୟାଲସିୟମ ଏବଂ ପ୍ରୋଟିନର ଉତ୍ତମ ଉତ୍ସ ହୋଇପାରେ।

ବିଶେଷକରି ଗର୍ଭାବସ୍ଥାରେ ହାଇଡ୍ରେଟେଡ୍ ରହିବା ହାଇଡ୍ରେସନ୍ ଗୁରୁତ୍ୱପୂର୍ଣ୍ଣ, ଉପବାସ ସମୟରେ ପ୍ରଚୁର ପରିମାଣରେ ତରଳ ପଦାର୍ଥ ପିଇବା ଜରୁରୀ ।