ଜମ୍ମୁ କାଶ୍ମୀରର ଭବିଷ୍ୟତ ରଣନୀତି ଉପରେ ଏନସି ଅଧ୍ୟକ୍ଷଙ୍କ ଦୃଷ୍ଟିଭଙ୍ଗୀ
ଶ୍ରୀନଗର: ଜମ୍ମୁ କାଶ୍ମୀର ଭୋଟ ଗଣତିରେ ନାସନାଲା କନଫେରେନ୍ସ ଓ କଂଗ୍ରେସ ମେଣ୍ଟ ବିଜୟ ପଥରେ ଆଗେଇ ଚାଲିଛି । ଫଳାଫଳ ପ୍ରକାଶ ପାଇ ନଥିଲେ ମଧ୍ୟ ମେଣ୍ଟର ବିଜୟ ନିଶ୍ଚିତ ହେବା ପରେ ଏହି କେନ୍ଦ୍ରଶାସିତ ଅଞ୍ଚଳର ମୁଖ୍ୟମନ୍ତ୍ରୀ ନାଁ ଘୋଷଣା ହୋଇଛି । ଏନସି ମୁଖ୍ୟ ଫାରୁକ ଅବଦ୍ଦୁଲା ନାଁ ଘୋଷଣା କରିଛନ୍ତି ଜମ୍ମୁ କାଶ୍ମୀରର ପ୍ରଥମ ମୁଖ୍ୟମନ୍ତ୍ରୀଙ୍କର ।
ଧାରା ୩୭୦ ହଟିବା ପରେ ଜମ୍ମୁ କାଶ୍ମୀର କେନ୍ଦ୍ରଶାସିତ ଅଞ୍ଚଳର ପ୍ରଥମ ବିଧାନସଭା ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ଏନସି ଓ କଂଗ୍ରେସ ମେଣ୍ଟ ବାଜିମାତ କରିବାକୁ ଯାଉଛି । ଫଳାଫଳ ପ୍ରକାଶ ପାଇବା ଆଗରୁ ଏନସି ପ୍ରମୁଖ ଫାରୁକ ଅବଦ୍ଦୁଲା କହିଛନ୍ତି ଉମର ଅବଦୁଲା ହେବେ ଏହି କେନ୍ଦ୍ରଶାସିତ ଅଞ୍ଚଳର ପ୍ରଥମ ମୁଖ୍ୟମନ୍ତ୍ରୀ । ଶ୍ରୀନଗରରେ ମିଡିଆକୁ ଏହା କହିଛନ୍ତି ଫାରୁକ ।
ଫାରୁକ କହିଛନ୍ତି କି, ୧୦ ବର୍ଷ ପରେ ଜନତା ଆମକୁ ଜନାଦେଶ ଦେଇଛନ୍ତି । ଆମେ ସେମାନଙ୍କ ଆଶାରେ ସଫଳ ହେବାକୁ ଚେଷ୍ଟାକରିବୁ । ଏଠିପୋଲିସ ରାଜ ବଦଳରେ ଲୋକଙ୍କ ରାଜ ହେବ । ଆମେ ଜେଲରେ ବନ୍ଦ ଥିବା ନିର୍ଦ୍ଦୋଷ ଲୋକଙ୍କୁ ମୁକ୍ତ କରିବୁ । ମିଡିଆ ସ୍ୱତନ୍ତ୍ର ହେବ । ଆମକୁ ହିନ୍ଦୁ ଓ ମୁସଲମାନଙ୍କ ମଧ୍ୟରେ ବିଶ୍ୱାସ ସ୍ଥାପନ କରିବାକୁ ହେବ । ଏଥିସହ ଫାରୁକ ଆଶା କରିଛନ୍ତି କି, ଇଣ୍ଡିଆ ମେଣ୍ଟ ସହ ମିଶି ପୁଣି ଏହି କେନ୍ଦ୍ରଶାସିତ ଅଞ୍ଚଳକୁ ରାଜ୍ୟର ମାନ୍ୟତା ମିଳିବ । ଏଥିପାଇଁ ସେ ଇଣ୍ଡି ମଣ୍ଟେ ସହ ମିଶି ଲଢେଇ ଜାରି ରଖିବେ । ମତେ ଲାଗୁଛି ଉମବ ଅବଦ୍ଦୁଲା ମୁଖ୍ୟମନ୍ତ୍ରୀ ହେବେ ବୋଲି କହିଛନ୍ତି ଫାରୁକ ।
ଏଥିସହ ଫାରୁକ କହିଛନ୍ତି କି, ଜମ୍ମୁ କାଶ୍ମୀରର ଲୋକ ମତଦାନ ମାଧ୍ୟମରେ ସାବ୍ୟସ୍ତ କରିଛନ୍ତି କି, ଧାରା ୩୭୦କୁ ଉଚ୍ଛେଦକୁ ସେମାନେ ସ୍ୱୀକାର କରି ନାହାନ୍ତି । ଏଥିସହ ସେ ଶାସନ ବ୍ୟବସ୍ଥାରେ ଆସିଥିବା ପରିବର୍ତ୍ତନ ଉପରେ ମଧ୍ୟ ମତ ଦେଇଛନ୍ତି । ଏବେ ଉପରାଜ୍ୟପାଳ ଓ ତାଙ୍କ ୪ ଜଣ ପରାମର୍ଶଦାତା ଆଉ ଶାସନ କରିବେ ନାହିଁ । ବିଧାୟକମାନେ ଜମ୍ମୁ କାଶ୍ମୀରକୁ ଚଳାଇବେ ବୋଲି କହିଛନ୍ତି ଫାରୁକ ।
#WATCH | Srinagar, J&K | National Conference chief Farooq Abdullah says, “After 10 years the people have given their mandate to us. We pray to Allah that we meet their expectations…It will not be ‘police raj’ here but ‘logon ka raj’ here. We will try to bring out the innocent… pic.twitter.com/j4uYowTij4
— ANI (@ANI) October 8, 2024
