ଆଉ ପାଦେ ଦୂରରେ ପଦକ; ପ୍ୟାରିସ୍ ଅଲିମ୍ପିକ୍ସର ଫାଇନାଲରେ ପ୍ରବେଶ କଲେ ଗୋଲ୍ଡେନ୍ ବୟ ନୀରଜ ଚୋପ୍ରା
ନୂଆଦିଲ୍ଲୀ: ଭାରତୀୟ ଆଥଲେଟିକ୍ସ ପାଇଁ ଅନେକ ରେକର୍ଡ ସୃଷ୍ଟି କରିଥିବା ନୀରଜ ଚୋପ୍ରା ଦ୍ୱିତୀୟ ଅଲିମ୍ପିକ୍ସରେ ନିଜ ଜାଭେଲିନ ଜରିଆରେ ପୁଣି ଥରେ ଇତିହାସ ରଚିବାକୁ ଯାଉଛନ୍ତି । ହରିୟାଣାର ଏହି ୨୬ ବର୍ଷୀୟ ଖେଳାଳି ଅଲିମ୍ପିକ୍ସ ୨୦୨୪ ଯୋଗ୍ୟତା ପର୍ଯ୍ୟାୟରେ ଚମତ୍କାର ଜାଭେଲିନ୍ ଫିଙ୍ଗି ଫାଇନାଲରେ ପ୍ରବେଶ କରିଛନ୍ତି । ୨୦୨୪ ଅଗଷ୍ଟ ୮ତାରିଖରେ ତାଙ୍କର ଟାଇଟଲ ମ୍ୟାଚ୍ ଖେଳାଯିବ ।
ଏଥିରେ ସେମାନେ ପୁଣି ଥରେ ସୁନା ଆଶା ରଖିବେ । ଯୋଗ୍ୟତା ପର୍ଯ୍ୟାୟରେ ନୀରଜ ଚୋପ୍ରା ପ୍ରଥମ ଥର ପାଇଁ ଜାଭେଲିନ୍ ୮୯.୩୪ ରେ ଫିଙ୍ଗିଥିଲେ । ଚଳିତ ଋତୁରେ ଏହା ତାଙ୍କର ଶ୍ରେଷ୍ଠ ପ୍ରଦର୍ଶନ ଥିଲା।ଚୋପ୍ରା ଯଦି ସ୍ୱର୍ଣ୍ଣ ପଦକ ଜିତିବେ ତେବେ ସେ ଅଲିମ୍ପିକ୍ସ ଇତିହାସରେ ପଞ୍ଚମ ଖେଳାଳି ଭାବେ ଟାଇଟଲ ବଜାୟ ରଖିବେ । ବ୍ୟକ୍ତିଗତ ଅଲିମ୍ପିକ୍ସ ଇଭେଣ୍ଟରେ ଦୁଇଟି ସ୍ୱର୍ଣ୍ଣ ପଦକ ଜିତିବାରେ ସେ ପ୍ରଥମ ଭାରତୀୟ ହେବେ ।
ଏରିକ୍ ଲେମିଙ୍ଗ୍ (ସ୍ୱିଡେନ୍ ୧୯୦୮ ଓ ୧୯୧୨), ଜୋନି ମାୟରା (ଫିନଲ୍ୟାଣ୍ଡ ୧୯୨୦ ଓ ୧୯୨୪), ଚୋପ୍ରାଙ୍କ ଆଦର୍ଶ ଜନ୍ ଜେଲେଞ୍ଜି (ଚେକ୍ ରିପବ୍ଲିକ୍ ୧୯୯୨ ଓ ୧୯୯୬) ଏବଂ ଆଣ୍ଡ୍ରିଆସ୍ ଟି (ନରୱେ ୨୦୦୪ ଓ ୨୦୦୮) ଅଲିମ୍ପିକ୍ସ ଜାଭେଲିନ୍ ଥ୍ରୋ ଟାଇଟଲ ବଜାୟ ରଖିଛନ୍ତି । ଚଳିତ ବର୍ଷ ଚୋପ୍ରା ମାତ୍ର ୩ଟି ଇଭେଣ୍ଟରେ ଭାଗ ନେଇଥିଲେ ହେଁ ତାଙ୍କ ବାକି ପ୍ରତିଯୋଗୀମାନେ ମଧ୍ୟ ଭଲ ପ୍ରଦର୍ଶନ କରିପାରି ନାହାନ୍ତି ।
