ଇମ୍ରାନ ସରକାରଙ୍କୁ ଶକ୍ତ ଚାପୁଡ଼ା: ସୁରକ୍ଷା ଦୃଷ୍ଟିରୁ ପାକିସ୍ତାନରେ ମ୍ୟାଚ୍ ଖେଳିପାରବେନି ବୋଲି କହିଲେ ନ୍ୟୁଜିଲାଣ୍ଡ କ୍ରିକେଟ୍ ଟିମ୍
ନୂଆଦିଲ୍ଲୀ: ପାକିସ୍ତାନକୁ ନ୍ୟୁଜିଲାଣ୍ଡର ଝଟକା । ଆଫଗାନିସ୍ତାନରେ ତାଲିବାନ ସରକାରଙ୍କୁ ସମର୍ଥନ କରୁଥିବା ପାକିସ୍ତାନକୁ ନ୍ୟୁଜିଲାଣ୍ଡ ଶକ୍ତ ଝଟକା ଦେଇଛି । ନ୍ୟୁଜିଲାଣ୍ଡ କ୍ରିକେଟ୍ ଟିମ୍ ନିଜର ସୁରକ୍ଷାକୁ ଦୃଷ୍ଟିରେ ରଖି ପାକିସ୍ତାନ ସହିତ ହେବାକୁ ଥିବା ଦିନିକିଆ ସିରିଜ୍ କୁ ରଦ୍ଦ କରିଦେଇଛନ୍ତି । ନ୍ୟୁଜିଲାଣ୍ଡ ଟିମ୍ ପକ୍ଷରୁ ପାକିସ୍ତାନ ଗସ୍ତକୁ ଅଧାରୁ ହିଁ ରୋକି ଦେଇଛନ୍ତି । ମ୍ୟାଚ୍ ରଦ୍ଦ ହେବା ପରେ ପାକିସ୍ତାନ ଏବେ ବିଶ୍ୱ ଦରବାରରେ ନିନ୍ଦିତ ହୋଇଛି । ତେବେ ଶୁକ୍ରବାର ଦିନ ମ୍ୟାଚ୍ ଆରମ୍ଭ ହେବାର କିଛି ସମୟ ପୂର୍ବରୁ ହିଁ ନ୍ୟୁଜିଲାଣ୍ଡ ଏହି ବଡ଼ ନିଷ୍ପତି ନେଇଛି ।
Earlier today, the New Zealand cricket board informed us that they had been alerted to some security alert and have unilaterally decided to postpone the series.
PCB and Govt of Pakistan made fool proof security arrangements for all visiting teams. 1/4
— Pakistan Cricket (@TheRealPCB) September 17, 2021
ଯୋଜନା ଅନୁସାରେ, ନ୍ୟୁଜିଲାଣ୍ଡ ଟିମ୍ ରାଓଲପିଣ୍ଡି ଠାରେ ତିନିଟି ମ୍ୟାଚ୍ ଓ ଲାହୋର୍ ଠାରେ ୫ଟି ଟି-୨୦ ମୁକାବିଲା ହେବାର ଥିଲା । ଏବେ ଏହି ଟିମ୍ ପାକିସ୍ତାନ ଗସ୍ତ ପୂର୍ବରୁ ହିଁ ଖେଳକୁ ରଦ୍ଦ କରିଦେଇଛନ୍ତି । ଏନେଇ ପାକିସ୍ତାନ କ୍ରିକେଟ୍ ବୋର୍ଡ ପକ୍ଷରୁ ସୂଚନା ଦିଆଯାଇଛି । ଏନେଇ ଟୁଇଟ୍ କରି କୁହାଯାଇଛି ଯେ, “ଆଜି ନ୍ୟୁଜିଲାର୍ଡ କ୍ରିକେଟ୍ ବୋର୍ଡ ସୂଚନା ଦେଇଛନ୍ତି ଯେ, ସେମାନେ ସୁରକ୍ଷା ଆଲର୍ଟ ପାଇଁ ସତର୍କ କରିଦିଆଯାଇଛି । ସେମାନେ ଏକତରଫା ଭାବରେ ସିରିଜ୍ କୁ ସ୍ଥଗିତ କରିବାନେଇ ନିଷ୍ପତି ନେଇଛନ୍ତି । ପାକିସ୍ତାନରେ ସେମାନଙ୍କ ପ୍ରତି ବିପଦ ରହିଛି। ଏହି ଘଟଣା ପରେ ଇମ୍ରାନ ଖାନ ଓ ପିସିବିର ଅଧିକାରୀ ନ୍ୟୁଜିଲାଣ୍ଡ କ୍ରିକେଟ୍ ବୋର୍ଡ ଏବଂ ଖେଳାଳିଙ୍କ ସହ ଆଲୋଚନା ଆରମ୍ଭ କରି ଦେଇଛି” ।