ଆୟର ନାହିଁ କୌଣସି ପ୍ରମାଣ : ତଥାପି ବ୍ୟବହାର କରିପାରିବେ କ୍ରେଡିଟ କାର୍ଡ, ଜାଣିନିଅନ୍ତୁ ଏହାର ପଦ୍ଧତି
ନୂଆଦିଲ୍ଲୀ : କ୍ରେଡିଟ୍ କାର୍ଡ ବ୍ୟବହାର କରି ଆପଣ ନିଜର ଖର୍ଚ୍ଚକୁ ଭଲ ଭାବରେ ପରିଚାଳନା କରି ପାରିବେ । କିନ୍ତୁ କ୍ରେଡିଟ କାର୍ଡ ପାଇବା ପାଇଁ ଅନେକ ଡକ୍ୟୁମେଣ୍ଟ ଆବଶ୍ୟକ, ଯାହା କି ଦେବା ସମସ୍ତଙ୍କ ପାଇଁ ସମ୍ଭବ ନୁହେଁ । ଏକ କ୍ରେଡିଟ୍ କାର୍ଡ ପାଇବା ପାଇଁ ଆୟର ପ୍ରମାଣ ପତ୍ର ଏକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଅଟେ । ବର୍ତ୍ତମାନ ଏପରି ପରିସ୍ଥିତିରେ, ଯଦି କାହାର ଆୟ ପ୍ରମାଣ ନାହିଁ ତେବେ ସେ କିପରି କ୍ରେଡିଟ୍ କାର୍ଡ ପାଇପାରିବେ? ଯଦି ଆପଣଙ୍କ ମନରେ ମଧ୍ୟ ଏଭଳି ପ୍ରଶ୍ନ ଅଛି, ତେବେ ଆୟର ପ୍ରମାଣ ବିନା ଆପଣ କିପରି କ୍ରେଡିଟ୍ କାର୍ଡ ପାଇପାରିବେ ।
ଯେକୌଣସି କ୍ରେଡିଟ କାର୍ଡ ପ୍ରଦାନକରିବ ପୂର୍ବରୁ, ବ୍ୟାଙ୍କ ସେମାନଙ୍କ ପାଇଁ ମାସିକ ଆୟର ସୀମା ସ୍ଥିର କରନ୍ତି ଯେଉଁମାନଙ୍କୁ କ୍ରେଡିଟ୍ କାର୍ଡ ଦିଆଯିବ । ଯଦି ଆପଣ କାମ କରୁଛନ୍ତି ଏବଂ ଆପଣଙ୍କର ଆୟ ବ୍ୟାଙ୍କ ଦ୍ୱାରା ସ୍ଥିର ହୋଇଥିବା ଆୟ ସୀମାଠାରୁ ଅଧିକ, ତେବେ ଆପଣ ସହଜରେ ଏକ କ୍ରେଡିଟ୍ କାର୍ଡ ପାଇପାରିବେ । ସାଧାରଣତଃ ବ୍ୟାଙ୍କଗୁଡିକ ଏଭଳି ମୂଲ୍ୟାଙ୍କନ କରନ୍ତି, କାରଣ ଏହା ଦ୍ୱାରା ସେମାନେ ଜାଣିପାରିବେ ଯେ କ୍ରେଡିଟ୍ କାର୍ଡ ନେଉଥିବା ବ୍ୟକ୍ତି ଖର୍ଚ୍ଚ ହୋଇଥିବା ଅର୍ଥ ପରିଶୋଧ କରିବାରେ ସକ୍ଷମ ହେବ କି ନାହିଁ ।
ଏଭଳି ମିଳିବ କ୍ରେଡିଟ କାର୍ଡ :
ଇକୋନୋମିକ ଟାଇମ୍ସ ସହିତ କଥାବାର୍ତ୍ତା ବେଳେ ଡିବିଏସ ବ୍ୟାଙ୍କର ସାଜିସ ପିଲ୍ଲାଇ କହିଛନ୍ତି ଯେ, ଯଦି ଜଣେ ବ୍ୟକ୍ତିଙ୍କର ଆୟ ପ୍ରମାଣ ନଥାଏ, ତେବେ ଏପରି ପରିସ୍ଥିତିରେ ସେ ଏକ କ୍ରେଡିଟ୍ କାର୍ଡ ତିଆରି କରିପାରିବେ । ଯଦି କୌଣସି ଆୟ ପ୍ରମାଣ ନାହିଁ, ତେବେ ସେହି ବ୍ୟକ୍ତିଙ୍କ ପରିଶୋଧର କ୍ଷମତା ଜାଣିବା ପାଇଁ କ୍ରେଡିଟ କାର୍ଡ ପ୍ରଦାନକାରୀ ବ୍ୟାଙ୍କ ଅନ୍ୟ ବିକଳ୍ପ ଖୋଜନ୍ତି । ବ୍ୟକ୍ତିର ଋଣ ଆକାଉଣ୍ଟ, କ୍ରେଡିଟ ବ୍ୟୁରୋରୁ ପରିଶୋଧ ଇତିହାସ କିମ୍ବା ବ୍ୟକ୍ତିର ସମ୍ପତ୍ତି ସମ୍ପର୍କ ଉପରେ ଆଧାର କରି ବ୍ୟାଙ୍କ ମୂଲ୍ୟ ନିର୍ଧାରଣ କରିପାରିବେ । ଏଥି ସହିତ, ଯଦି ଜଣେ ଗ୍ରାହକ କ୍ରେଡିଟ୍ ବ୍ୟୁରୋ ଦ୍ୱାରା ପରୀକ୍ଷିତ ଗ୍ରାହକ ଅଟନ୍ତି ଏବଂ ତାଙ୍କ ବ୍ୟୁରୋ ବହୁତ ଭଲ ଏବଂ ଅନ୍ୟ କାର୍ଡ କିମ୍ବା ଋଣ ପରିଶୋଧ କରିବାର ଭଲ ଟ୍ରାକ ରେକର୍ଡ ଥିବେ, ତେବେ ବ୍ୟାଙ୍କ ତାଙ୍କୁ ଏକ କ୍ରେଡିଟ୍ କାର୍ଡ ପ୍ରଦାନ କରିପାରନ୍ତି ।
