ବର୍ତ୍ତମାନ ୨୦୧୪ ମସିହାର ଦରରେ ମିଳିବ LPG : ଆସନ୍ତୁ ଜାଣିବା କେତେ ଦରରେ ଦିଆଯିବ ସିଲିଣ୍ଡର
Advertisement
ନୂଆଦିଲ୍ଲୀ : ବର୍ତ୍ତମାନ ବିନା ସବସିଡିର ଘରୋଇ ଗ୍ୟାସ ୨୦୧୪ରେ ଥିବା ଦରରେ ମିଳିବ । ଇଣ୍ଡିୟାନ ଅଏଲ ଅନୁସାରେ ସେପ୍ଟେମ୍ବର ୧ ୨୦୧୪ରେ ଘରୋଇ ଗ୍ୟାସ ସିଲିଣ୍ଡରର ଦର ଦିଲ୍ଲୀରେ ୯୦୧ ଟଙ୍କା, କୋଲକାତାରେ ୯୪୫ ଟଙ୍କା, ମୁମ୍ବାଇରେ ୯୨୬.୫ ଟଙ୍କା ଏବଂ ଚେନ୍ନାଇରେ ଏହାର ଦର ୯୦୨.୫୦ ଟଙ୍କା ଥିଲା । ତାହାର ଦାମ ଏବେ ସେପ୍ଟେମ୍ବର ୨୦୨୩ ଅର୍ଥାତ ୯ ବର୍ଷ ପରେ ମଧ୍ୟ ଦିଲ୍ଲୀରେ ୯୦୩ ଟଙ୍କା, କୋଲକାତାରେ ୯୨୯ ଟଙ୍କା, ମୁମ୍ବାଇରେ ୯୦୨.୫୦ ଟଙ୍କା ଏବଂ ଚେନ୍ନାଇରେ ୯୧୮.୫୦ ଟଙ୍କା ରହିଛି ।
ବାସ୍ତବରେ ସରକାର ଏବେ ଘରୋଇ ସିଲିଣ୍ଡରର ମୂଲ୍ୟରେ ଏକ ବୃହତ ହ୍ରାସ ଘୋଷଣା କରିଛନ୍ତି ଏବଂ ଅଗଷ୍ଟ ୩୦ରୁ ଏଲପିଜି ସିଲିଣ୍ଡର ୨୦୦ ଟଙ୍କା ଶସ୍ତା ହୋଇଛି । କେବଳ ଏହା ହିଁ ନୁହେଁ ସରକାର ଉଜ୍ୱଳା ଯୋଜନାର ହିତାଧିକାରୀଙ୍କୁ ୨୦୦ ଟଙ୍କାର ସବସିଡି ମଧ୍ୟ ଦେଇଛନ୍ତି । ଅର୍ଥାତ ସେମାନଙ୍କ ପାଇଁ ସିଲିଣ୍ଡର ୪୦୦ ଟଙ୍କା ଶସ୍ତା ହୋଇଛି । ଏହା ପରେ ସେପ୍ଟେମ୍ବର ୧ରୁ ବ୍ୟବସାୟୀକ ଗ୍ୟାସ ସିଲିଣ୍ଡରର ଦାମରେ ମଧ୍ୟ ୧୫୮ ଟଙ୍କା ହ୍ରାସ ପାଇଛି । ଏହାର ଦର ଗତ ମାସରେ ମଧ୍ୟ ୯୯.୭୫ ଟଙ୍କା କମ ହୋଇଥିଲା ।
ଏଲପିଜି ଦର ୨୦୧୪ ଏବଂ ୨୦୨୩ର
ସହର ୨୦୧୪ର ଦର ୨୦୨୩ର ଦର
ଦିଲ୍ଲୀ ୯୦୧ ୯୦୩
କୋଲକାତା ୯୪୫ ୯୨୯
ମୁମ୍ବାଇ ୯୨୬.୫ ୯୦୨.୫୦
ଚେନ୍ନାଇ ୯୦୨.୫୦ ୯୧୮.୫୦