ପେପରରେ ଅନିୟମିତତା ପ୍ରମାଣିତ ହେଲେ ପୁଣିଥିରେ ହେବ CUET-UG ପରୀକ୍ଷା: NTA କହିଲା କେବେ

ନୂଆଦିଲ୍ଲୀ: ନିଟ୍-ୟୁଜି ପରୀକ୍ଷାରେ ଅନିୟମିତତା ସମ୍ପର୍କରେ ଜାତୀୟ ପରୀକ୍ଷା ଏଜେନ୍ସି (ଏନଟିଏ) ମଧ୍ୟ ପ୍ରଶ୍ନ ଘେରରେ ରହିଛି । ଏହି ସମୟରେ ଏନଟିଏ କହିଛି ଯେ ସିୟୁଇଟି-ୟୁଜି ପରୀକ୍ଷା ପୁଣି କରାଯାଇପାରେ ।

ବାସ୍ତବରେ ଏହି ପରୀକ୍ଷାରେ ଅନିୟମିତତା ହୋଇଥିବା ନେଇ କିଛି ପ୍ରାର୍ଥୀ ଅଭିଯୋଗ କରିଛନ୍ତି । ଏହାର ଉତ୍ତରରେ ଏନଟିଏ କହିଛି ଯେ ଯଦି ପ୍ରାର୍ଥୀଙ୍କ କୌଣସି ଅଭିଯୋଗ ସତ୍ୟ ତେବେ ଜୁଲାଇ ୧୫ ରୁ ୧୯ ମଧ୍ୟରେ ସିୟୁଇଟି-ୟୁଜି ପରୀକ୍ଷା କରାଯିବ ।

ସ୍ନାତକୋତ୍ତର ପ୍ରବେଶିକା ପରୀକ୍ଷା ପାଇଁ ଆନ୍ସର କି’ ମଧ୍ୟ ଏନଟିଏ ଦ୍ୱାରା ଜାରି କରାଯାଇଛି । ଜଣେ ଅଧିକାରୀ କହିଛନ୍ତି ଯେ ଯଦି ପ୍ରାର୍ଥୀମାନେ ଆନ୍ସର କି’ ରେ କୌଣସି ଅସୁବିଧା ପାଆନ୍ତି, ତେବେ ସେମାନେ ଜୁଲାଇ ୯ ରେ ସନ୍ଧ୍ୟା ୬ ଟା ପର୍ଯ୍ୟନ୍ତ ଅଭିଯୋଗ କରିପାରିବେ । ଅଧିକାରୀ କହିଛନ୍ତି, ଜୁନ୍ ୩୦ ପର୍ଯ୍ୟନ୍ତ ଏନଟିଏ ମଧ୍ୟ ସିୟୁଇଟି-ୟୁଜି ପରୀକ୍ଷା ସମ୍ବନ୍ଧରେ କିଛି ଅଭିଯୋଗ ଗ୍ରହଣ କରିଛି । ଯଦି କୌଣସି ଅଭିଯୋଗ ସତ୍ୟ ବୋଲି ପ୍ରମାଣିତ ହୁଏ ତେବେ ପୁନର୍ବାର ଜୁଲାଇ ୧୫ ରୁ ଜୁଲାଇ ୧୯ ମଧ୍ୟରେ ପରୀକ୍ଷା କରାଯିବ ।