ବିଜୟ ପରେ ଷ୍ଟାଡିୟମରେ ଉତ୍ପାତ କଲେ ପାକିସ୍ତାନୀ ପ୍ରଶଂସକ, କ୍ରୋଧିତ ଆଫଗାନିସ୍ତାନ ସେମାନଙ୍କୁ ଚେୟାରରେ ପିଟିଲେ, ଭାଇରାଲ ହେଲା ଭିଡିଓ
ନୂଆଦିଲ୍ଲୀ: ଏସିଆ କପ୍ ୨୦୨୨ରୁ ଭାରତ ବାଦ ପଡି ସାରିଛି। ପାକିସ୍ତାନ ଏବଂ ଶ୍ରୀଲଙ୍କାଠାରୁ ଲଗାତାର ଦୁଇଟି ମ୍ୟାଚ୍ ହାରିବା ପରେ ଭାରତ ଫାଇନାଲରୁ ବାଦ୍ ପଡିଛି। ତେବେ ଗତକାଲିର ମ୍ୟାଚ୍ ଶେଷରେ ପାକିସ୍ତାନୀ ପ୍ରଶଂସକ ଏବଂ ଆଫଗାନିସ୍ତାନ ପ୍ରଶଂସକଙ୍କ ମଧ୍ୟରେ କିଛି ଏପରି ଘଟିଥିଲା ଯାହା ସମସ୍ତ କ୍ରିକେଟ ପ୍ରଶଂସକଙ୍କୁ ନିରାଶ କରିଛି। ଏହି ରୋମାଞ୍ଚକର ମ୍ୟାଚ୍ରେ ପାକିସ୍ତାନ ଆଫଗାନିସ୍ତାନ ଉପରେ ବିଜୟ ହାସଲ କରିଥିଲା। ଏହାପରେ ଦୁଇ ପକ୍ଷର ପ୍ରଶଂସକ ମୁହାଁମୁହିଁ ହୋଇଯାଇଥିଲେ।
ଏହି ସମୟରେ ପାକିସ୍ତାନ ଏବଂ ଆଫଗାନିସ୍ତାନର ପ୍ରଶଂସକମାନେ ଷ୍ଟାଡିୟମର ଚେୟାର ଉପାଡି ପାକିସ୍ତାନୀ ପ୍ରଶଂସକଙ୍କୁ ପିଟିଥିଲେ। ଷ୍ଟାଡିୟମ ବାହାରେ ପାକିସ୍ତାନୀ ପ୍ରଶଂସକଙ୍କ ମଧ୍ୟରେ ଝଗଡା ମଧ୍ୟ ହୋଇଥିଲା। ଏହି ଘଟଣାର ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି ଏବଂ ବର୍ତ୍ତମାନ ଏହି ମାମଲାରେ ଶାରଜା ପୋଲିସ ପକ୍ଷରୁ ତଦନ୍ତ ଦାବି କରାଯାଇଛି। ଏହି ମ୍ୟାଚ୍ରେ ଦ୍ୱିତୀୟ ଇନିଂସର ୧୯ତମ ଓଭର ଆଫଗାନିସ୍ତାନର ବୋଲର ଫରୀଦ ଏବଂ ପାକିସ୍ତାନର ଆସିଫ ଅଲି ମୁହାଁମୁହିଁ ହୋଇଥିଲେ ଏବଂ ମାମଲା ଏତେ ବଢିଯାଇଥିଲା ଯେ ଫରିଦଙ୍କୁ ବାଡେଇବା ପାଇଁ ଆସିଫ ଏକ ବ୍ୟାଟ୍ ଉଠାଇ ଦେଇଥିଲେ। ଶେଷରେ ଅମ୍ପାୟାର ଆସି ମାମଲାକୁ ସମାଧାନ କରିଥିଲେ।
This is what Afghan fans are doing.
This is what they've done in the past multiple times.This is a game and its supposed to be played and taken in the right spirit.@ShafiqStanikzai your crowd & your players both need to learn a few things if you guys want to grow in the sport. pic.twitter.com/rg57D0c7t8— Shoaib Akhtar (@shoaib100mph) September 7, 2022
ଏହାକୁ ନେଇ ପାକିସ୍ତାନର ପୁର୍ବତ୍ତନ ବୋଲର ଶୋଏବ ଅଖତର ଦୁଖଃ ପ୍ରକାଶ କରିଛନ୍ତି। ସେ ଏକ ଟ୍ୱିଟ୍ କରି କହିଛନ୍ତି ଯେ, ‘ଆଫଗାନିସ୍ତାନ ପ୍ରଶଂସକମାନେ ପୁଣି ଏହା କରିଛନ୍ତି। ବିଗତ ଦିନରେ ମଧ୍ୟ ସେମାନେ ଏହା କରିଥିଲେ। ଏହା ଏକ ଖେଳ ଏବଂ ଏହା ସଠିକ୍ ଭାବନା ମଧ୍ୟରେ ଖେଳାଯିବା ଏବଂ ନିଆଯିବା କଥା। ଏହା ସହିତ ସେ ଆଫଗାନିସ୍ତାନ କ୍ରିକେଟ୍ ବୋର୍ଡର ପୁର୍ବତ୍ତନ ମୁଖ୍ୟ ଶାଫିକ୍ ଷ୍ଟାନିକଜାଇଙ୍କୁ କହିଥିଲେ କି ଆପଣଙ୍କ ଦର୍ଶକ ଏବଂ ଆପଣଙ୍କ ଖେଳାଳି ଉଭୟ କିଛି ଜିନିଷ ଶିଖିବା ଆବଶ୍ୟକ କରନ୍ତି ଯଦି ଆପଣମାନେ କ୍ରୀଡ଼ାରେ ବଢିବାକୁ ଚାହାଁନ୍ତି।’
You can’t control the emotions of the crowd and such incidents happened in the world of cricket multiple, you should go ask Kabir Khan, Inzimam Bhai and @iRashidLatif68 how we treated them. Am giving you an advice next time baat ko nation pe Mat lena https://t.co/JQTgzWBNqL
— Shafiq Stanikzai (@ShafiqStanikzai) September 7, 2022
ଅଖତରଙ୍କ ଟ୍ୱିଟରେ ଶାଫିକ୍ ଷ୍ଟାନିକଜାଇ ମଧ୍ୟ ଉତ୍ତର ଦେଇ କହିଛନ୍ତି ଯେ ‘ଆପଣ ଦର୍ଶକଙ୍କ ଭାବନାକୁ ନିୟନ୍ତ୍ରଣ କରିପାରିବେ ନାହିଁ ଏବଂ କ୍ରିକେଟ୍ ଦୁନିଆରେ ଏପରି ଘଟଣା ଘଟିଛି, ଆପଣ କବୀର ଖାନ, ଇଞ୍ଜିମ ଭାଇଙ୍କୁ ପଚାରନ୍ତୁ ଯେ ଆମେ ସେମାନଙ୍କ ପ୍ରତି କିପରି ବ୍ୟବହାର କରିଛୁ। ତେବେ ପରବର୍ତ୍ତୀ ସମୟରେ ଏଭଳି କଥାକୁ ‘ଦେଶ ଉପରକୁ ନଆଣିବାକୁ’ ସେ ଶୋଏବଙ୍କୁ ପରାମର୍ଶ ଦେଇଥିଲେ।’