ପୁଣି ଥରେ ପାକିସ୍ତାନୀ ତାରକାଙ୍କ ଇନଷ୍ଟାଗ୍ରାମ ଆକାଉଣ୍ଟ ବ୍ୟାନ କଲା ଭାରତ, ପିଏମ ମୋଦୀଙ୍କୁ AICWAର ନିବେଦନ

ନୂଆଦିଲ୍ଲୀ: ଏପ୍ରିଲ ମାସରେ ପହଲଗାମରେ ହୋଇଥିବା ଆତଙ୍କୀ ହମଲା ପରେ ଇଣ୍ଡିଆ ପକ୍ଷରୁ ପାକିସ୍ତାନୀ ତାରକାମାନଙ୍କର ଆକାଉଣ୍ଟକୁ ବ୍ୟାନ କରାଯାଇଥିଲା। ହେଲେ ଗତ କିଛି ଦିନ ତଳେ କିଛି ପାକିସ୍ତାନୀ ଅଭିନେତା ଏବଂ ଅଭିନେତ୍ରୀଙ୍କ ପ୍ରୋଫାଇଲ ଇଣ୍ଡିଆରେ ଦେଖିବାକୁ ମିଳିଥିଲା।

ଭାରତୀୟ ୟୁଜର୍ସ ମଧ୍ୟ ଏହା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। କିନ୍ତୁ ବର୍ତ୍ତମାନ ଭାରତ ସରକାର ଦ୍ୱିତୀୟ ଥର ପାଇଁ ଏହି ପାକିସ୍ତାନୀ ଷ୍ଟାର୍ସଙ୍କ ଇନଷ୍ଟାଗ୍ରାମ ଆକାଉଣ୍ଟକୁ ଇଣ୍ଡିଆରେ ବ୍ୟାନ କରିଛନ୍ତି।

ରିପୋର୍ଟ ମୁତାବକ, AICWA ପାକିସ୍ତାନୀ ତାରକାଙ୍କ ସୋସିଆଲ ମିଡିଆ ଆକାଉଣ୍ଟକୁ ଭାରତରେ ପୁଣି ଥରେ ଦେଖାଯିବାକୁ ନେଇ ନିଜର ଚିନ୍ତା ବ୍ୟକ୍ତ କରିଛି।

ସେ ସଙ୍ଗେ ସଙ୍ଗେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଚିଠି ଲେଖି ପାକିସ୍ତାନୀ ସେଲିବ୍ରେଟିଙ୍କ ଆକାଉଣ୍ଟକୁ ପୁଣିଥରେ ବ୍ୟାନ କରାଯିବାର ଦାବି କରିଛି। AICWA କହିଛି ଯେ, ପାକ୍ ଷ୍ଟାର୍ସଙ୍କର ଇଣ୍ଡିଆରେ ସୋସିଆଲ ଆକ୍ଟିଭିଟି, ଆମ ସହିଦ ଯବାନଙ୍କ ବଳିଦାନର ସିଧା ଅପମାନ।