ପୁଣି ବିବାଦରେ ପପୁ ପମପମ: ସାଧୁସନ୍ଥଙ୍କୁ ନେଇ ରିଲିଜ୍ କଲେ ଅଶ୍ଲୀଳ ଗୀତ
ଭୁବନେଶ୍ୱର (ଓଡ଼ିଶା ଭାସ୍କର): ଓଡ଼ିଶାର ପ୍ରଖ୍ୟାତ କମେଡିଆନ୍ ପପୁ ପମପମ ପୁଣି ଥରେ ଅଡୁଆରେ । ପୂର୍ବରୁ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଉପରେ ବିବାଦୀୟ ଟିପ୍ପଣୀ ଦେଇଥିବା ପପୁ ପମ ପମ ପୁଣି ଥରେ ହିନ୍ଦୁ ଧର୍ମକୁ ଅସମ୍ମାନ କରିଥିବା ଅଭିଯୋଗ ହୋଇଛି । ଏହି ଭିଡିଓଟିରେ ନାନାଦି ଅରୁଚିକର ଶବ୍ଦର ପ୍ରୟୋଗ ହୋଇଥିବା ବେଳେ ହିନ୍ଦୁ ଧର୍ମର ସାଧୁ ସନ୍ଥ ମାନଙ୍କୁ ବଦନାମ କରିବାର ପ୍ରୟାସ କରାଯାଇଥିବା ନେଇ ଅଭିଯୋଗ ହେଉଛି ।
ପପୁ ପମ ପମ ଏଭଳି କାମ ପଇସା ଲୋଭରେ ମଝିରେ ମଝିରେ କରିବ , ଜନତାଙ୍କ ଆକ୍ରୋଶ ର ଶିକାର ହେବ । ପୁଣି ସର୍ବ ସମ୍ମୁଖ ରେ ଭୁଲ ମାଗିବ ।ରୀତିମତ ଅଭ୍ୟାସ ରେ ପରିଣତ ହେଇଗଲାଣି । ଉଚିତ ଶିକ୍ଷା ମିଳିବା ଦରକାର । ଯଥା ଶୀଘ୍ର ଭିଡ଼ିଓ ହଟା ଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । @odisha_police @sarojsays https://t.co/eXFwxLbXTX
— Mantu Jena (ମଣ୍ଟୁ)✈️ (@MantuTweetz) August 6, 2021
ପପୁଙ୍କ ଏହି ବିବାଦୀୟ ଭିଡିଓକୁ ନେଇ ମଧ୍ୟ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ବିଭିନ୍ନ ସୋସିଆଲ ମିଡିଆ ବ୍ୟବହାରକାରୀ ଏହାକୁ ବିରୋଧ କରିବା ସହିତ କାର୍ଯ୍ୟାନୁଷ୍ଠାନ ମଧ୍ୟ ଦାବି କରିଛନ୍ତି । ଏହା ସହିତ ପପୁ ପମପମଙ୍କ ୱେବସାଇଟରୁ ଏହି ଭିଡିଓ ହଟାଇବା ପାଇଁ ମଧ୍ୟ ସାଧାରଣରେ ଦାବି କରାଯାଇଛି । ଅଗଷ୍ଟ ୩ ତାରିଖରେ ଏହି ଗୀତର ଷ୍ଟୁଡିଓ ଭର୍ସନ ରିଲିଜ୍ ହୋଇଥିଲା । ପପୁ ଓ ଟିକି ଏହି ଗୀତଟିକୁ ଗାଇଥିବା ବେଳେ ପପୁ ଏହାର ମ୍ୟୁଜିକ ମଧ୍ୟ ଦେଇଛନ୍ତି ।