Breaking: ରୋଗୀ ହେବେ ଉପକୃତ, କ୍ୟାପିଟାଲ ହସ୍ପିଟାଲରୁ SCBକୁ ଗଡ଼ିବ ‘ଆମ ବସ୍’

ଭୁବନେଶ୍ୱର: ରୋଗୀ ହେବେ ଉପକୃତ। ରୋଗୀଙ୍କ ସହ ସମ୍ପର୍କୀୟ ମଧ୍ୟ ଯିବା ଆସିବାରେ ପାଇବେ ସୁବିଧା। ଭୁବନେଶ୍ୱର ମୋଡିକାଲରୁ କଟକ ମେଡିକାଲ ଯିବା ପାଇଁ ସରକାର ଗଡାଇବେ ଇ-ବସ୍।

ହଁ ଆଜି ଆଜ୍ୟରେ ଆଉ ୪୦ଟି ନୂଆ ଇ-ବସର ହେଲା ଉଦଘାଟନ। ନୂଆ ବସର ଉଦଘାଟନ କଲେ ଗୃହ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର। ଏବଂ କଥା ଦେଲେ ଖୁବଶୀଘ୍ର କ୍ୟାପିଟାଲ ହସ୍ପିଟାଲରୁ SCBକୁ ଗଡ଼ିବ ‘ଆମ ବସ୍’।

ରୋଗୀ କିମ୍ୱା ରୋଗୀଙ୍କ ସମ୍ପର୍କୀୟଙ୍କ ପାଇଁ ଏହା ସହାୟକ ହେବ। ସବୁଧାରେ ରୋଗୀ ଏବଂ ତାଙ୍କ ସମ୍ପର୍କୀୟ କମ୍ ଖର୍ଚ୍ଚରେ କ୍ୟାପିଟାଲ ହସ୍ପିଟାଲରୁ SCBକୁ ଯିବା ଆସିବା କରିପାରିବେ।

ଏହାସହ ଖୁବଶୀଘ୍ର ୮ଟି ସହରରେ ‘ଆମ ବସ୍’ ସେବା ଆରମ୍ଭ ହେବା ନେଇ କହିଛନ୍ତି ଗୃହ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର। ଏଥିପାଇଁ କେନ୍ଦ୍ର ସରକାର ଓଡ଼ିଶାକୁ ୪୦୦ ଇ-ବସ୍ ଯୋଗାଇବେ।