ମହିଳାଙ୍କୁ ଋତୁସ୍ରାବ ପାଇଁ ମିଳିବ ଛୁଟି, ସୁପ୍ରିମକୋର୍ଟରେ ଦାଖଲ ହେଲା ଯାଚିକା; ୨୪ରେ ଶୁଣାଣି

ନୂଆଦିଲ୍ଲୀ:ଆସନ୍ତା ୨୪ ରେ ମହିଳା ମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ସୂଚନା ଆସିବାକୁ ଯାଉଛି। ସାରା ଦେଶରେ କାର୍ଯ୍ୟରତ ମହିଳାମାନଙ୍କୁ ସେମାନଙ୍କ ଋତୁସ୍ରାବ ସମୟରେ ଛୁଟି ଦିଆଯିବା ଉଚିତ୍ କି ନାହିଁ ଏ ବାବଦରେ ନିୟମ କରିବାକୁ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଛି। ବର୍ତ୍ତମାନ ପ୍ରଧାନ ବିଚାରପତି ଡିଏ ଚନ୍ଦ୍ରଚୁଡ଼ ଙ୍କ ବେଞ୍ଚ ଫେବୃଆରୀ ୨୪ ରେ ଏହି ଆବେଦନ ଉପରେ ଶୁଣାଣି କରିବ।

ସୂଚନାନୁସାରେ, ଏହି ଆବେଦନ ଓକିଲ ବିଶାଲ ତିୱାରୀଙ୍କ ଦ୍ୱାରା ଦାଖଲ କରାଯାଇଛି। ଏପରି କେତେକ କମ୍ପାନୀ ଆବେଦନରେ ଉଲ୍ଲେଖ କରାଯାଇଛି ଯେଉଁଠାରେ ଦେୟ ସହିତ ଋତୁସ୍ରାବ ଛୁଟି ଦିଆଯାଏ। ଆବେଦନରେ ଦର୍ଶାଯାଇଛି ଯେ ମେଘାଳୟ ନିଜେ ୨୦୧୪ ରେ ଏ ସମ୍ପର୍କରେ ବିଜ୍ଞପ୍ତି ଜାରି କରିଛନ୍ତି। ବିହାରରେ ୧୯୯୨ ର ନୀତି ଅନୁଯାୟୀ ସ୍ୱତନ୍ତ୍ର ଋତୁସ୍ରାବ ଛୁଟି ପ୍ରଦାନ କରାଯାଇଥିଲା । କିନ୍ତୁ ଋତୁସ୍ରାବ ଛୁଟି ମଞ୍ଜୁର କରିବା ସମ୍ବିଧାନର ଧାରା ୧୪ କୁ ଉଲ୍ଲଂଘନ ଅଟେ ।

ଆହୁରି ମଧ୍ୟ, ଆବେଦନରେ ଦର୍ଶାଯାଇଛି ଯେ କୌଣସି ରାଜ୍ୟ ଋତୁସ୍ରାବ କୁ ଛୁଟି ମଞ୍ଜୁର କରିବା ସମ୍ବିଧାନର ଧାରା ୧୪ ର ଉଲ୍ଲଂଘନ । ଋତୁସ୍ରାବ ଛୁଟି ପାଇଁ ନିୟମାବଳୀ ପ୍ରସ୍ତୁତ କରିବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଜାରି କରିବାକୁ ଆବେଦନକାରୀ ଅନୁରୋଧ କରିଛନ୍ତି। ମାତୃତ୍ୱ ସୁବିଧା ଅଧିନିୟମର ଧାରା ୧୪ ଫଳପ୍ରଦ ଭାବରେ କାର୍ଯ୍ୟକାରୀ ହେବା ଉଚିତ୍ । ମହିଳାମାନଙ୍କ ପାଇଁ ଗୋଟିଏ ନାଗରିକତା ଏବଂ ସମାନ ବ୍ୟବହାର ହେବା ଆବଶ୍ୟକ।

ଆବେଦନ ଅନୁଯାୟୀ ମହିଳାମାନେ ଋତୁସ୍ରାବ ସମୟରେ ଶାରୀରିକ ଏବଂ ସ୍ୱାସ୍ଥ୍ୟଗତ ସମସ୍ୟାରେ ପୀଡିତ ହେଇଥାନ୍ତି । ଭାରତର ବିଭିନ୍ନ ରାଜ୍ୟରେ ସେମାନଙ୍କୁ ଭିନ୍ନ ବ୍ୟବହାର କରାଯାଏ ।ଆବେଦନକାରୀଙ୍କ ଅନୁଯାୟୀ, ଯେତେବେଳେ ମହିଳାମାନଙ୍କର ନାଗରିକତା ଥାଏ ସେତେବେଳେ ସେମାନଙ୍କୁ ସମାନ ବ୍ୟବହାର କରାଯିବା ଉଚିତ୍।