(Video)ସାଂସଦ ରବି କିଷନ ମୋଦୀଙ୍କୁ ନେଇ ରଖିଲେ ବଡ ବୟାନ; କହିଲେ, ‘ପ୍ରଧାନମନ୍ତ୍ରୀ ମୋଦୀଙ୍କ ସାଧନା ସୂର୍ଯ୍ୟଦେବଙ୍କୁ ଶାନ୍ତ କରିଛି’
ନୂଆଦିଲ୍ଲୀ: ଲୋକସଭା ନିର୍ବାଚନର ଅନ୍ତିମ ପର୍ଯ୍ୟାୟରେ ଆଜି ଦେଶର ୫୭ ସିଟ୍ରେ ଭୋଟିଂ ହୋଇଛି । ଉତ୍ତରପ୍ରଦେଶ ପୂର୍ବାଞ୍ଚଳରେ ବି ଲୋକମାନେ ଆଜି ମତଦାନ କରୁଛନ୍ତି । ଏହି କ୍ରମରେ ଗୋରଖପୁରରେ ଆଜି ଭୋଟ୍ ଦେବା ପରେ ସାଂସଦ ରବି କିଷନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନେଇ ବଡ ବୟାନ ଦେଇଛନ୍ତି ।
ରବି କିଶନ ଗୋରଖପୁରରେ ଏକ ପୋଲିଂ ବୁଥ୍ରେ ଭୋଟ୍ ଦେବା ପରେ କହିଛନ୍ତି, ପାଗ ବଦଳିଯାଇଛି । କନ୍ୟାକୁମାରୀରେ ପ୍ରଧାନମନ୍ତ୍ରୀ ସାଧନାରେ ବସି ସୂର୍ଯ୍ୟ ଦେବତାଙ୍କୁ ଶାନ୍ତ କରି ଦେଇଛନ୍ତି । ଏହା ନିଶ୍ଚିତ ଭାବରେ ଐତିହାସିକ ହୋଇ ରହିବ । ଭୀଷଣ ତାତି ମଧ୍ୟରେ ଆଜି ଥଣ୍ଡା ପବନ ବହିବାରେ ଲାଗିଛି । ଏହା ବହୁତ ବଡ ସଂକେତ ହେଉଛି ରାମରାଜ୍ୟର । ତୃତୀୟ ଥର ନରେନ୍ଦ୍ର ମୋଦୀ ଭାରତର ପ୍ରଧାନମନ୍ତ୍ରୀ ହେବେ ଓ ଭାରତ ବହୁତ ବିରାଟ ଓ ବିକଶିତ ହେବ । ଭାରତ କେବେ କାହା ପାଖରେ ନଇଁବ ନାହିଁ । ସବୁ ଦେଶ ତା’ ସାମ୍ନାରେ ମଥାନତ ହେବେ ।’
गोरखपुर लोकसभा सीट से बीजेपी प्रत्याशी Ravi Kishan पहली बार इस क्षेत्र में मतदान करने जा रहे हैं। यूपी Tak के साथ खास बातचीत के दौरान उन्होंने प्रधानमंत्री मोदी और विकसित भारत को लेकर बड़ी बात कह दी।#Gorakhpur #RaviKishan #LokSabhaElections | @ravikishann pic.twitter.com/emZHdXCfX1
— UP Tak (@UPTakOfficial) June 1, 2024
ଏଠାରେ ସୂଚାଇ ଦିଆଯାଇପାରେ କି ଜୁନ୍ ୩୦ରେ ଶେଷ ପର୍ଯ୍ୟାୟ ଭୋଟିଂ ଲାଗି ନିର୍ବାଚନ ପ୍ରଚାର ସରିବା ପରେ ପ୍ରଧାନମନ୍ତ୍ରୀ ମୋଦୀ ତାମିଲନାଡୁ ଗସ୍ତରେ ଅଛନ୍ତି ଓ ସେଠାରେ ସେ କନ୍ୟାକୁମାରୀରେ ବିବେକାନନ୍ଦ ରକ୍ ମେମୋରିଆଲ ଉପରେ ବସି ୪୫ ଘଣ୍ଟା ଧ୍ୟାନ କରିଛନ୍ତି । ଶନିବାର ଦ୍ୱିତୀୟ ଦିନ ମୋଦୀ ସୂର୍ଯ୍ୟ ପୂଜା ସହ ସ୍ୱାମୀ ବିବେକାନନ୍ଦଙ୍କ ପ୍ରତିମୂର୍ତ୍ତି ଉପରେ ପୁଷ୍ପ ଅର୍ପଣ କରିଥିଲେ ।