୩୬ ହଜାର କୋଟି ଟଙ୍କାର ଡ୍ରଗ୍ସ ଜାଳିଦେଲା ପୋଲିସ

ପୋର୍ଟବ୍ଲେୟାର,୧୧।୧: ଆଣ୍ଡାମାନ-ନିକୋବର ପୋଲିସକୁ ସବୁଠୁ ବଡ଼ ସଫଳତା ମିଳିଛି । ୩୬ ହଜାର କୋଟି ଟଙ୍କା ମୂଲ୍ୟର ଡ୍ରଗ୍ସ ନଷ୍ଟ କରିଛି ଆଣ୍ଡାମାନ ଏବଂ ନିକୋବର ପୋଲିସ। ଡିଜିପି ଏଚଏସ୍ ଧାଲିୱାଲଙ୍କ ତତ୍ତ୍ୱାବଧାନରେ ଏହି ଅପରେସନ୍ ଚାଲିଛି।

ଡିଜିପି କହିଛନ୍ତି, ଡ୍ରଗ୍ସଗୁଡିକରେ ନିଆଁ ଲଗାଇଦେବାରୁ ଏହା ପାଉଁଶ ଗଦାରେ ପରିଣତ ହୋଇଛି। ପ୍ରଦୂଷଣ ନିୟନ୍ତ୍ରଣ ଏବଂ ଶୀଘ୍ର ପଦକ୍ଷେପ ନେବା ପଦ୍ଧତିକୁ ଚୟନ କରାଯାଇଛି । ଅନ୍ୟାନ୍ୟ ବିକଳ୍ପ ଯେପରିକି ପାଣିରେ ଭସାଇବା , ଖୋଲାରେ ଜଳାଇବା କିମ୍ବା ମାଟି ଖୋଳି ପୋତିବା ଦ୍ଵାରା ଏହା ଅଧିକ ପ୍ରଦୂଷିତ ହୋଇପାରେ । ତେଣୁ ନିଆଁ ଲଗାଇ ଦିଆଯାଇଛି।

ଡିଜିପି କହିଛନ୍ତି, ଆଣ୍ଡାମାନ ଏବଂ ନିକୋବର ପୋଲିସ ୬୦୦୦ କିଲୋଗ୍ରାମରୁ ଅଧିକ ନିଶା ଔଷଧ ନଷ୍ଟ କରିବା ଆରମ୍ଭ କରିଦେଇଛି। ସ୍ଥାନୀୟ କର୍ତ୍ତୃପକ୍ଷଙ୍କ ସହଯୋଗରେ, ରେକର୍ଡ ସମୟରେ ଏତେ ପରିମାଣର ନଷ୍ଟ ହୋଇପାରିଛି।