(See Video) ଏଇଟା ପୋଲିସ ନା ରାକ୍ଷସ? ଛୋଟ ଛୁଆକୁ ବି ଗାଈଗୋରୁ ପରି ପିଟୁଛି: ଭିଡିଓ ଭାଇରାଲ୍ ପରେ ପୋଲିସ ବାବୁ ସସପେଣ୍ଡ
ନୂଆଦିଲ୍ଲୀ: ପୋଲିସ ଯେ ଏତେ ତଳକୁ ଖସିପାରେ, ତା’ର ଏକ ନଗ୍ନଚିତ୍ର ଉତ୍ତରପ୍ରଦେଶରେ ଦେଖିବାକୁ ମିଳିଛି । ଜଣେ ଯୁବକ ନିଜ ଛୋଟ ଛୁଆକୁ ଧରିଥିବା ଅବସ୍ଥାରେ ପଶୁସମ ପୋଲିସ ବାବୁ ଗାଈଗୋରୁ ପରି ପ୍ରହାର କରୁଛି । ଏପରିକି ଜଣେ ବାବୁ ଛୁଆକୁ ଏପରି ଟାଣୁଛନ୍ତି, ଯେମିତି ତାକୁ ଦୁଇଖଣ୍ଡ କରିଦେବେ । ଏହି ଭିଡିଓଟି ଭାରରାଲ୍ ହେବା ପରେ ଚାରିଆଡ଼ୁ ପୋଲିସର ଏପରି ଅମାନବୀୟ କାର୍ଯ୍ୟକୁ ନିନ୍ଦା କରାଯିବା ସହ ଦୋଷୀ ବାବୁଜଣଙ୍କୁ କାର୍ଯ୍ୟରୁ ସସପେଣ୍ଡ କରିଦିଆଯାଇଛି ।
ଏକ ମିନିଟିର ଉକ୍ତ ଭିଡିଓରେ ପୋଲିସ ବାବୁ ଜଣଙ୍କୁ ଜଣେ ଯୁବକଙ୍କୁ ଦୌଡ଼ି ଦୌଡ଼ି ପିଟୁଛନ୍ତି । ଛୁଆ ଦେହରେ ଲାଗିବା ନେଇ ଯୁବକ ଜଣଙ୍କ ଯେତେ ନେହୁରା ହେଉଥିଲେ ହେଁ କେହି ତାଙ୍କ କଥା ଶୁଣିବାକୁ ନାରାଜ । ବାବୁ ଆମର ଦି’ ଟଙ୍କିଆ ଡ୍ୟୁଟିର କରାମତି ଦେଖାଇବାରେ ବ୍ୟସ୍ତ । ସରଳ, ଦୁର୍ବଳିଆ ଲୋକଙ୍କ ଉପରେ ଖାକିବାଲାଙ୍କର ବହୁତ ରାଗ । ସୋସିଆଲ ମିଡ଼ିଆରେ ଏହି ଭିଡିଓଟି ଭାଇରାଲ୍ ହେବାରେ ପରେ ୟୁପି ପୋଲିସର ଏପରି ବିକୃତ କାର୍ଯ୍ୟକୁ ନିନ୍ଦା କରାଯାଇଛି । ତେବେ ବିଜେପି ସାଂସଦ ବରୁଣ ଗାନ୍ଧୀ ଏହି କାର୍ଯ୍ୟକୁ ତୀବ୍ର ସମାଲୋଚନା କରିବା ସହ ଦୁର୍ବଳ ଲୋକଙ୍କୁ ନ୍ୟାୟ ମିଳିବା ପାଇଁ ଆଇନ ବ୍ୟବସ୍ଥାକୁ ଶକ୍ତ କରିବାକୁ ଟ୍ୱିଟ୍ କରିଛନ୍ତି । ଜଣାପଡ଼ିଛି ଯେ, ଜିଲ୍ଲା ହସ୍ପିଟାଲ ସାମନାରେ କିଛି ଖୋଳା କାର୍ଯ୍ୟ ଜାରି ରହିଥିବାର ସେଥିରୁ ଧୂଳି ଉଡ଼ି ହସ୍ପିଟାଲରେ ପଶୁଥିଲା । ତେଣୁ ଏହାକୁ ବିରୋଧ କରି କିଛି ହସ୍ପିଟାଲ କର୍ମଚାରୀ ଧାରଣାରେ ବସିଥିଲେ । ଛୁଆକୁ ଧରି ଲାଠି ମାଡ଼ ଖାଇଥିବା ଯୁବକ ତଥା ହସ୍ପିଟାଲ କର୍ମଚାରୀଙ୍କ ନେତା ରଜନୀଶ ଶୁକ୍ଲା ମଧ୍ୟ ସେଥିରେ ସାମିଲ ଥିଲେ । ତେବେ ଏନେଇ ଏଡିଏମ ବାଗୀଶ ଶୁକ୍ଲା କହିଛନ୍ତି ଯେ, ହସ୍ପିଟାଲ କର୍ମଚାରୀମାନେ ଗେଟ ବନ୍ଦ କରି ଧାରଣା ଦେଇଥିଲେ । ଏଥିସହ ଲାଠି ଚାର୍ଜ କଥାକୁ ସେ ଅସ୍ୱୀକାର କରିଥିଲେ ।
सशक्त कानून व्यवस्था वो है जहां कमजोर से कमजोर व्यक्ति को न्याय मिल सके।
यह नहीं कि न्याय मांगने वालों को न्याय के स्थान पर इस बर्बरता का सामना करना पड़े,यह बहुत कष्टदायक है।भयभीत समाज कानून के राज का उदाहरण नहीं है।
सशक्त कानून व्यवस्था वो है जहां कानून का भय हो,पुलिस का नहीं। pic.twitter.com/xoseGpWzZH
— Varun Gandhi (@varungandhi80) December 10, 2021
