(Video) ଗର୍ଭବତୀଙ୍କୁ ଏମିତି ସମ୍ମାନ ଦେଉଛି ଦୁନିଆ! ମୃତ ସ୍ୱାମୀଙ୍କ ଷ୍ଟ୍ରେଚରରୁ ରକ୍ତକୁ ସଫା କରୁଛନ୍ତି ମହିଳା
ନୂଆଦିଲ୍ଲୀ: ଆମ ସମାଜରେ ଅନେକ ସମୟରେ ଏପରି ଘଟଣା ଦେଖିବାକୁ ମିଳିଥାଏ, ଯାହାକୁ ଯେତେ ନିନ୍ଦା କଲେ ବି କମ୍ ହେବ । ତେବେ ଏହା ମଧ୍ୟରେ ଜଣେ ଗର୍ଭବତୀ ମହିଳାଙ୍କୁ ନେଇ ଆସିଛି ଏକ ବଡ଼ ଘଟଣା । ଏନେଇ ଏକ ଭିଡିଓ ଭାଇରାଲ ହେଉଥିବା ବେଳେ ଲାଗୁଛି ଆମ ସତେ ଯେମିତି ଆମ ସମାଜକୁ ମାନବିକତା ମରିଯାଉଛି । ଗୋଟିଏ ସ୍ୱାସ୍ଥ୍ୟକେନ୍ଦ୍ରରେ ଯେଉଁ ଷ୍ଟ୍ରେଚରରେ ସ୍ୱାମୀଙ୍କ ମୃତ୍ୟୁ ଘଟିଥିଲା ସେହି ଷ୍ଟ୍ରେଚରରୁ ରକ୍ତ ସଫା କରିବା ପାଇଁ ମହିଳାଙ୍କୁ କୁହାଯାଇଥିଲା । ଏହି ଭିଡିଓକୁ ଦେଖିବା ପରେ ଅନେକ ଲୋକ ଦୃଢ଼ ଭାବେ ନିନ୍ଦା କରିଥିବା ବେଳେ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଅଫିସର ଓ ଆୟାଙ୍କୁ ସସପେଣ୍ଡ କରାଯାଇଛି ।
ମଧ୍ୟପ୍ରଦେଶର ଡିଣ୍ଡୋରୀରେ ଘଟିଥିବା ଏହି ଘଟଣା ସତେ ଯେମିତି ମାନବିକତାର ଅନ୍ତ କରିଦେଇଛି । ନିଜ ସ୍ୱାମୀଙ୍କୁ ହରାଇବା ପରେ ଜଣେ ଗର୍ଭବତୀ ମହିଳାଙ୍କ ମାନସିକ ସ୍ଥିତି କିପରି ଥିବ ତାହା ଜଣେ ଅଙ୍ଗେନିଭା ମଣିଷ ହିଁ ହୃଦୟଙ୍ଗମ କରିପାରିବ । ଏପରି ସ୍ଥିତିରେ ତାଙ୍କୁ ସମବେଦନା ଦେବା ବଦଳରେ ସ୍ୱାମୀ ମରିଥିବା ଷ୍ଟ୍ରେଚରରୁ ସ୍ତ୍ରୀଙ୍କ ଦ୍ୱାରା ରକ୍ତ ପରିସ୍କାର କରାଇବା କିପରି ନ୍ୟାୟ? ଯେଉଁ ଷ୍ଟ୍ରେଚରରେ ତାଙ୍କର ପତି ପ୍ରାଣ ହରାଇଥିଲେ ସେହି ଷ୍ଟ୍ରେଚରରୁ ମହିଳା ଜଣଙ୍କ ରକ୍ତ ପରିସ୍କାର କରିଥିଲେ । ସ୍ୱାମୀଙ୍କ ଚିକିତ୍ସା ପାଇଁ ମହିଳାଙ୍କ ସ୍ୱାମୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ମାତ୍ର ଦୁଃଖର କଥା ହେଉଛି, ଯୁବକଙ୍କ ମୃତ୍ୟୁ ପରେ ୫ ମାସର ଗର୍ଭବତୀ ମହିଳା ଓ ତାଙ୍କର ଛୋଟ ଛୋଟ ଶିଶୁ ଏବେ ଦୁଃଖର ସାଗରରେ ବୁଡ଼ି ଯାଇଛନ୍ତି । ମହିଳା ଜଣଙ୍କ ଷ୍ଟ୍ରେଚରରୁ ରକ୍ତ ସଫା କରୁଥିବା ସମୟରେ କେହି ଜଣେ ତାହାକୁ ରେକର୍ଡ କରି ସୋସିଆଲ ମିଡ଼ିଆରେ ଭାଇରାଲ କରିଦେଇଥିଲେ ।
ये महिला सरकारी अस्पताल के जिस बिस्तर को साफ कर रही है उस पर थोड़ी देर पहले इनका पति लेटा था 5 महीने की गर्भवती है अस्पताल ने कथित तौर पर मौत के बाद बिस्तर इनसे साफ करवाया डिंडोरी में तिहरे हत्याकांड का मामला है इसके आगे मानवता और शब्द मर जाते हैं
श्रद्धांजलि… pic.twitter.com/IuDzX3kYM8— Anurag Dwary (@Anurag_Dwary) November 1, 2024
