ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପଶ୍ଚିମ ବଙ୍ଗ ଗସ୍ତ ବାତିଲ
ନୂଆ ଦିଲ୍ଲୀ, ୨୨/୦୪: ଦେଶରେ କୋଭିଡ-୧୯ର ଭୟାବହ ପରିସ୍ଥିତି କୁ ନେଇ ଆସନ୍ତା କାଲି ମୋଦୀ ଏକ ଉଚ୍ଚସ୍ତରୀୟ ବୈଠକ ଡକାଇଛନ୍ତି ଯେଉଁଥିରେ ସେ କୋଭିଡ ସ୍ଥିତି ବିଷୟରେ ସମୀକ୍ଷା କରିବେ । ଫଳରେ ସେ ଏପ୍ରିଲ ୨୩ ରେ ପଶ୍ଚିମବଙ୍ଗରେ ହେବାକୁ ଥିବା ନିର୍ବାଚନୀ ରାଲି ପାଇଁ ପଶ୍ଚିମବଙ୍ଗ ଗସ୍ତକୁ ବାତିଲ କରିଛନ୍ତି ।
ପଶ୍ଚିମବଙ୍ଗ ବିଧାନସଭା ପାଇଁ ସପ୍ତମ ପର୍ୟ୍ୟାୟ ମତଦାନ ପୂର୍ବରୁ ପ୍ରଧାନମନ୍ତ୍ରୀ ଚାରୋଟି ନିର୍ବାଚନ ସମାବେଶକୁ ସମ୍ବୋଧିତ କରିବାର କାର୍ୟ୍ୟକ୍ରମ ରହି ଏନେଇ ପ୍ରଧାନମନ୍ତ୍ରୀ ଟ୍ୱିଟ କରି ସୂଚନା ଦେଇଛନ୍ତି ।
ଏହା ପୂର୍ବରୁ ଗୁରୁବାର ଦିନ ପ୍ରଧାନମନ୍ତ୍ରୀ ଏକ ଉଚ୍ଚ ସ୍ତରୀୟ ବୈଠକରେ ଅଧ୍ୟକ୍ଷତା କରି ସାରା ଦେଶରେ ଅମ୍ଳଜାନ ଯୋଗାଣର ସମୀକ୍ଷା କରିଥିଲେ । ବିଭିନ୍ନ ସହରର ଡାକ୍ତରଖାନାଗୁଡ଼ିକ ଅମ୍ଳଜାନ ଯୋଗାଣରେ ଅଭାବ ଥିବା ଅଭିଯୋଗ କରି ସାହାଯ୍ୟ ପାଇଁ ନିବେଦନ କରିଥିଲେ ।
ମୋଦୀ ବରିଷ୍ଠ ଅଧିକାରୀମାନଙ୍କୁ ଅକ୍ସିଜନର ଉତ୍ପାଦନରେ ବୃଦ୍ଧି, ବିତରଣର ଗତି ବଢାଇବା ଏବଂ ସ୍ୱାସ୍ଥ୍ୟ ସୁବିଧାକୁ ଅମ୍ଳଜାନ ସହାୟତା ଯୋଗାଇବା ପାଇଁ ଅଭିନବ ଉପାୟ ବ୍ୟବହାର କରି ଶୀଘ୍ର କାର୍ଯ୍ୟ କରିବାକୁ କହିଥିଲେ।
