ଉପନିର୍ବାଚନ ଲଢି ଲୋକସଭାରେ ପହଞ୍ଚିଯିବେ ପ୍ରିୟଙ୍କା, ରାହୁଲଙ୍କୁ ରାୟବରେଲୀରୁ ପ୍ରାର୍ଥୀ କରି କଂଗ୍ରେସ ଦେଲା ବଡ ସଂକେତ
ନୂଆଦିଲ୍ଲୀ:କଂଗ୍ରେସ ପ୍ରବକ୍ତା ସୁପ୍ରିୟା ଶ୍ରୀନେତ ଆମେଥି ବଦଳରେ ସୋନିଆଙ୍କ ରାୟବରେଲୀ ଆସନରୁ ରାହୁଲ ଗାନ୍ଧୀଙ୍କୁ ଲଢିବାର ନିଷ୍ପତ୍ତିକୁ ନେଇ ବଡ ଇସାରା କରିଛନ୍ତି । ସେ କହିଛନ୍ତି ପ୍ରିୟଙ୍କା ଗାନ୍ଧୀ ତ କୌଣସି ବି ଉପନିର୍ବାଚନ ଲଢି ଲୋକସଭାରେ ପହଞ୍ଚିଯିବେ । କଂଗ୍ରେସ ନାମାଙ୍କନର ଶେଷ ଦିନରେ ଅର୍ଥାତ୍ ଶୁକ୍ରବାର ଆମେଥି ଓ ରାୟବରେଲୀରୁ ପ୍ରାର୍ଥୀ ଘୋଷଣା କରିଛି । ୨୦୧୯ରେ ବିଜେପିର ସ୍ମୃତି ଇରାନୀଙ୍କ ଠାରୁ ଆମେଥିରେ ହାରି ଯାଇଥିବା ରାହୁଲ ଗାନ୍ଧୀ ଏଥର ରାୟବରେଲୀରୁ ନିର୍ବାଚନ ଲଢୁଛନ୍ତି । ଆମେଥିରେ ସୋନିଆ ଗାନ୍ଧୀଙ୍କ ପ୍ରତିନିଧି କିଶୋରୀ ଲାଲ ଶର୍ମାଙ୍କୁ ପ୍ରାର୍ଥୀ କରାଯାଇଛି । ଏହି ନିଷ୍ପତ୍ତି ଉପରେ କଂଗ୍ରେସ ସମର୍ଥକ ସୋସିଆଲ ମିଡିଆରେ ସଫେଇ ଦେଉଛନ୍ତି କି ରାହୁଲ କେରଳର ୱେୟନାଡରେ ଜିତି ଯଦି ଆମେଥି ଛାଡି ଦେଇଥାନ୍ତେ ତେବେ ସେଠାରେ ସ୍ମୃତି ଦ୍ୱିତୀୟ ବାର ଜିତି ଯାଇଥାନ୍ତେ । କିନ୍ତୁ ସେ ରାୟବରେଲୀ ଛାଡିଲେ ପ୍ରିୟଙ୍କା ଏଠାରେ ଉପନିର୍ବାଚନ ଲଢି ଲୋକସଭାକୁ ଆସିବେ ।
जबसे राहुल जी की रायबरेली से लड़ने की खबर आयी है, हर ओर से खूब सारी टिप्पणियों की भरमार है।
भूलिए मत, राहुल जी शतरंज के माहिर खिलाड़ी हैं। उनकी एक ही चाल से BJP और उनके चरण चुंबकों को मूर्छा आ गई है।
• रायबरेली सिर्फ़ सोनिया जी की नहीं, ख़ुद इंदिरा गांधी जी की सीट रही है. यह…
— Supriya Shrinate (@SupriyaShrinate) May 3, 2024
ତେବେ ରାହୁଲ ଗାନ୍ଧୀ ଆମେଥି ଆସନ ଛାଡିବାକୁ ନେଇ ସୋସିଆଲ ମିଡିଆରେ ଜୋର ଚର୍ଚ୍ଚା ହେଉଛି । ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ନିଜର ଏକ ନିର୍ବାଚନ ଭାଷଣରେ ରାହୁଲଙ୍କୁ ଟାର୍ଗେଟ୍ କରି କହିଛନ୍ତି, ଭୟ କରନିି, ଭୟରେ ଆସନ ଛାଡନି । ସ୍ମୃତି ଇରାନୀ ମଧ୍ୟ ରାହୁଲ ଆମେଥିରୁ ହାରିବା ଭୟରେ ପ୍ରାର୍ଥୀ ହୋଇନାହାନ୍ତି ବୋଲି ବୟାନ ଦେଇଛନ୍ତି । ଏହି ସମସ୍ତ ଆଲୋଚନାର ଜବାବ ଦେଇ ସୁପ୍ରିୟା ଶ୍ରୀନେତ ଏକ୍ସରେ ଲେଖିଛନ୍ତି, ‘ଭୁଲନ୍ତୁ ନାହିଁ ଯେ ରାହୁଲ ଶତରଞ୍ଜ ଖେଳରେ ମାହିର । ତାଙ୍କର ଗୋଟିଏ ଚାଲରେ ବିଜେପି ଓ ତାଙ୍କର ଚେଲା ଚାମୁଡାଙ୍କର ଖେଳ ସରିଯିବ । ରାୟବରେଲୀ କେବଳ ସୋନିଆଙ୍କର ନୁହେଁ ଏହା ଇନ୍ଦିରା ଗାନ୍ଧୀଙ୍କର ବି ଆସନ ଅଟେ । ଏହା ଉତ୍ତରାଧିକାରୀ ସୂତ୍ରରେ ପ୍ରାପ୍ତ ଅଧିକାର ନୁହେଁ ଏହା ଗାନ୍ଧୀ ପରିବାର ଲାଗି ଏକ ବଡ କର୍ତ୍ତବ୍ୟ ।’
