ଅପେକ୍ଷାର ଘଟିଲା ଅନ୍ତ, ପୁଷ୍ପା-୨ ରିଲିଜ ହେବା ମାତ୍ରେ କଲା ଧମାଲ, ଲୋକେ କହିଲେ-ଏହି ଫିଲ୍ମ ‘ଫାୟର’

ନୂଆଦିଲ୍ଲୀ: ବର୍ତ୍ତମାନ ଅପେକ୍ଷାର ଅନ୍ତ ଘଟିଛି। ସିନେମା ହଲରେ ଶୁଭ ମୂହୁର୍ତ୍ତରେ ରିଲିଜ ହୋଇଛି ‘ପୁଷ୍ପା-୨’। ଦ ମୋଷ୍ଟ ଆୱେଟେଡ୍ ଫିଲ୍ମ ‘ପୁଷ୍ପା-୨’ ରିଲିଜ ହେବା ନେଇ ଅନେକ ତାରିଖ ଘୁଞ୍ଚିବା ପରେ ଆଜି ସିନେମା ଘରେ ରିଲିଜ ହୋଇଛି। ‘ପୁଷ୍ପା-୧’ ଫିଲ୍ମ ଦେଖିସାରିବା ପରେ ଫ୍ୟାନ୍ସଙ୍କ ମଧ୍ୟରେ ଏହି ‘ପୁଷ୍ପା-୨’ ଦେଖିବା ଲାଗି ଅନେକ ବ୍ୟାକୁଳତା ଭରିରହିଥିଲା, ଯାହା ବର୍ତ୍ତମାନ ସଫଳ ହୋଇଛି। ଫ୍ୟାନ୍ସଙ୍କର ଏହି ଉତ୍ସାହ ବର୍ତ୍ତମାନ ବାସ୍ତବତାରେ ପରିଣତ ହୋଇଛି। ‘ପୁଷ୍ପା-୨’ ଫିଲ୍ମ ଦେଖିବା ଲାଗି ସିନେମା ହଲରେ ଆଡଭାନ୍ସ ବୁକିଂ ଗତକିଛି ଦିନରୁ ଚାଲିଆସିଥିଲା। ତେବେ ଫିଲ୍ମ ନ ରିଲିଜ ହେବା ପୂର୍ବରୁ ଏହି ଫିଲ୍ମ ବକ୍ସ ଅଫିସରେ ୫୦ କୋଟିରୁ ଅଧିକ ଟଙ୍କା ରୋଜଗାର କରିସାରିଛି। ତେବେ ଫିଲ୍ମ ଦେଖିବା ପରେ ଲୋକଙ୍କ ପ୍ରତିକ୍ରିୟା ବର୍ତ୍ତମାନ ସାମ୍ନାକୁ ଆସିଛି।

ଅଲ୍ଲୁ ଅର୍ଜୁନ ଷ୍ଟାରଙ୍କର ‘ପୁଷ୍ପା୨: ଦ ରୁଲ’ ହାଇପ୍ ମଧ୍ୟରେ ୫ ଡିସେମ୍ବର ଅର୍ଥାତ ଆଜି ସିନେମାଘରମାନଙ୍କରେ ରିଲିଜ ହୋଇଛି। ଏହି ଫିଲ୍ମ ରିଲିଜ ହେବା ମାତ୍ରେ ଧମାଲ ସୃଷ୍ଟି କରିଛି। ଫିଲ୍ମକୁ ଦେଖିବା ପାଇଁ ସିନେମା ହଲରେ ଭିଡ଼ ଜମିଛି। ଏଥିସହ ଫିଲ୍ମ ‘ପୁଷ୍ପା-୨’ ପୁଣିଥରେ ଦର୍ଶକଙ୍କ ହୃଦୟ ଜିତିସାରିଛି। ଫିଲ୍ମକୁ ସୋସିଆଲ ମିଡିଆରେ ଲୋକେ ମେଗା ବ୍ଲକବଷ୍ଟର ବୋଲି କହୁଛନ୍ତି।

ରିପୋର୍ଟ ମୁତାବକ, ଫିଲ୍ମକୁ ରିଲିଜର ପୂର୍ବଦିନ ଅଡିଏନ୍ସଙ୍କଠାରୁ ଜବରଦସ୍ତ ରେସପନ୍ସ ମିଳିଛି। ଏଥିସହ ଫିଲ୍ମ ପ୍ରିମିୟରର କିଛି ଘଣ୍ଟାରେ ଖାସ କଲେକ୍ସନ ମଧ୍ୟ କରିସାରିଛି। ଫିଲ୍ମ ପୁଷ୍ପା-୨ ସକାଳ ୮ଟା ସୁଦ୍ଧା ୨୧ କୋଟି ଟଙ୍କାରୁ ଅଧିକ ରୋଜଗାର କରିସାରିଛି। ରାତି ପର୍ଯ୍ୟନ୍ତ ଏହି ଫିଲ୍ମ ଆହୁରି ଅଧିକ ଟଙ୍କା ରୋଜଗାର କରିବାର ଆଶା ରହିଛି। ଯାହାକୁ ଦେଖି ଲାଗୁଛି ଯେ, ‘ପୁଷ୍ପା-୨’ ଓପେନିଙ୍ଗ ଡେ ରେ ସମସ୍ତ ରେକଡ୍ର ବ୍ରେକ୍ କରିଦେବ।