କଂଗ୍ରେସ ସାଂସଦଙ୍କ ମୃତ୍ୟୁ ପରେ, ବନ୍ଦ ହେଲା ଭାରତ ଯୋଡୋ ଯାତ୍ରା!ରାହୁଲ କହିଲେ …
ନୂଆଦିଲ୍ଲୀ: ଭାରତ ଯୋଡୋ ଯାତ୍ରା ସମୟରେ କଂଗ୍ରେସ ସାଂସଦ ସନ୍ତୋଖ ସିଂ ଚୌଧୁରୀଙ୍କ ଦେହାନ୍ତ କୁ ନେଇ ରାହୁଲ ଗାନ୍ଧୀ ଦୁଃଖ ପ୍ରକାଶ କରିଛନ୍ତି। ରାହୁଲ ଗାନ୍ଧୀ କହିଛନ୍ତି ଯେ ସନ୍ତୋଖ ସିଂ ଙ୍କ ହଠାତ୍ ଦେହାନ୍ତ ହୋଇଥିବା ଶୁଣି ସେ ଆଶ୍ଚର୍ଯ୍ୟ ହୋଇଯାଇଛନ୍ତି। ସେ ଜଣେ ପରିଶ୍ରମୀ ନେତା, ଜଣେ ଧାର୍ମିକ ବ୍ୟକ୍ତି ଏବଂ କଂଗ୍ରେସ ପରିବାରର ଏକ ଦୃଢସ୍ତମ୍ଭ ଥିଲେ, ଯିଏ ଯୁବ କଂଗ୍ରେସ ଠାରୁ ସଂସଦ ସଦସ୍ୟ ପର୍ଯ୍ୟନ୍ତ ଜନସେବାରେ ନିଜ ଜୀବନକୁ ଉତ୍ସର୍ଗ କରିଥିଲେ। ଶୋକସନ୍ତପ୍ତ ପରିବାରକୁ ମୁଁ ସମବେଦନା ଜଣାଉଛି।
ଭାରତ ଯୋଡୋ ଯାତ୍ରା ଏବଂ ଦଳର ସାଂସଦ ସନ୍ତୋଖ ସିଂ ଙ୍କ ମୃତ୍ୟୁ ସମ୍ପର୍କରେ ପଞ୍ଜାବ କଂଗ୍ରେସ ମୁଖ୍ୟ କହିଛନ୍ତି ଯେ ଏହି ଯାତ୍ରା ଆଜି ସ୍ଥଗିତ ରଖାଯାଇଛି। ରବିବାର ଦିନ କଂଗ୍ରେସ ସାଂସଦଙ୍କୁ ଶବଦାହ କରାଯିବ। ରାହୁଲ ଗାନ୍ଧୀଙ୍କ ସହ ଏପର୍ଯ୍ୟନ୍ତ କଥା ହୋଇନାହାଁନ୍ତି କିନ୍ତୁ ଆମେ ସମସ୍ତେ ଅନୁଭବ କରୁଛୁ ଯେ ଶେଷ ରୀତିନୀତି ପରେ ଆମେ ଯାତ୍ରା ଆରମ୍ଭ କରିବୁ। ଅନ୍ତିମ ସଂସ୍କାର ପର୍ଯ୍ୟନ୍ତ ଏହାକୁ ସ୍ଥଗିତ ରଖାଯାଇଛି।
ସୂଚନାମୁତାବକ ଶନିବାର ସକାଳେ ପଞ୍ଜାବ ଫିଲ୍ଲୁରରେ ଭାରତ ଯୋଡୋ ଯାତ୍ରା ସମୟରେ ଜଲନ୍ଦର ସନ୍ତୋଖ ସିଂଙ୍କ ଦେହାନ୍ତ ହୋଇଛି। ସେ ରାହୁଲ ଗାନ୍ଧୀଙ୍କ ସହ ଯାତ୍ରାରେ ବୁଲୁଥିବା ବେଳେ ହଠାତ୍ ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହୋଇଯାଇଥିଲା। ଏହା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା।କିନ୍ତୁ ଶେଷରେ ସେ ତାଙ୍କ ଶେଷ ନିଶ୍ୱାସ ତ୍ୟାଗ କରିଛନ୍ତି। ଆସନ୍ତାକାଲି କଂଗ୍ରେସ ସାଂସଦ ସନ୍ତୋଖ ସିଂଙ୍କ ଗାଁରେ ଶେଷ ରୀତିନୀତି ଅନୁଷ୍ଠିତ ହେବ।
श्री संतोख सिंह चौधरी जी के अकस्मात निधन से स्तब्ध हूं।
वो ज़मीन से जुड़े परिश्रमी नेता, एक नेक इंसान और कांग्रेस परिवार के मज़बूत स्तम्भ थे, जिन्होंने युवा कांग्रेस से सांसद तक अपना जीवन जनसेवा को समर्पित किया।
शोकसंतप्त परिवार को अपनी संवेदनाएं व्यक्त करता हूं। pic.twitter.com/1osKsVMugp
— Rahul Gandhi (@RahulGandhi) January 14, 2023
କଂଗ୍ରେସ ରାଷ୍ଟ୍ରୀୟ ସଭାପତି ମଲ୍ଲିକାର୍ଜୁନ ଖଡ଼ଗେ ଦଳର ସାଂସଦ ସନ୍ତୋଖ ସିଂ ଙ୍କ ମୃତ୍ୟୁରେ ସମବେଦନା ଜଣାଇଛନ୍ତି। ସେ ଟ୍ୱିଟ୍ କରି କହିଛନ୍ତି ଯେ ଆମ ସାଂସଦ ସନ୍ତୋଖ ସିଂ ଚୌଧୁରୀଙ୍କ ଅକାଳ ବିୟୋଗ ବିଷୟରେ ଜାଣିବା ପରେ ସେ ଅତ୍ୟନ୍ତ ଚକିତ ଓ ଦୁଃଖିତ .. କଂଗ୍ରେସ ସାଂସଦ ସନ୍ତୋଖ ସିଂ ଚୌଧୁରୀଙ୍କ ଦେହାନ୍ତରେ ଲୋକସଭା ବାଚସ୍ପତି ଓମ ବିର୍ଲା ସମବେଦନା ଜଣାଇଛନ୍ତି।
ସୂଚାନମୂତାବକ ଜଲନ୍ଦର ସଂସଦ ନିର୍ବାଚନମଣ୍ଡଳୀରୁ କଂଗ୍ରେସ ଟିକେଟରେ କଂଗ୍ରେସ ନେତା ସନ୍ତୋଖ ସିଂ ୨୦୧୪ ଏବଂ ୨୦୧୯ ରେ ଲୋକସଭା ନିର୍ବାଚନରେ ଜିତିଥିଲେ। ସେ ଆଇନ ବିଦ୍ୟା ପଢିଥିଲେ ।
