ଦଶମ ପାସ୍ କରିଥିଲେ ସୁବର୍ଣ୍ଣ ସୁଯୋଗ: ରେଲୱେରେ ୧୪,୨୯୮ ପଦବୀ ପାଇଁ ଆରମ୍ଭ ହେଲା ନିଯୁକ୍ତି, ଜାଣନ୍ତୁ କିପରି କରିବେ ଆବେଦନ
ନୂଆଦିଲ୍ଲୀ: ରେଳବାଇ ନିଯୁକ୍ତି ବୋର୍ଡ (ଆରଆରବି) ଟେକ୍ନିସିଆନ୍ ପଦବୀରେ ନିଯୁକ୍ତି ପାଇଁ ଆବେଦନ ପ୍ରକ୍ରିୟା ପୁନଃ ଆରମ୍ଭ କରିବାକୁ ବିଜ୍ଞପ୍ତି ଜାରି କରିଛି । ଆଗ୍ରହୀ ପ୍ରାର୍ଥୀମାନେ ଆରଆରବିର ଅଫିସିଆଲ୍ ୱେବସାଇଟ୍ rrbcdg.gov.inକୁ ଯାଇ ଆବେଦନ କରିପାରିବେ ।
ଯେଉଁ ପ୍ରାର୍ଥୀମାନେ ପୂର୍ବରୁ ଆବେଦନ କରିଛନ୍ତି ସେମାନଙ୍କୁ ପୁନର୍ବାର ଆବେଦନ କରିବାର ଆବଶ୍ୟକତା ନାହିଁ । ଏହାପୂର୍ବରୁ ଏହି ପ୍ରକ୍ରିୟା ମାର୍ଚ୍ଚ ୯ ରୁ ୮ ଏପ୍ରିଲ ୨୦୨୪ ପର୍ଯ୍ୟନ୍ତ ଚାଲିଥିଲା, ଯେଉଁଥିରେ ୯,୧୪୪ ପୋଷ୍ଟ ପାଇଁ ଆବେଦନ କରାଯାଇଥିଲା । ଏହା ପରେ ରେଳ ନିଯୁକ୍ତି ବୋର୍ଡ ପୋଷ୍ଟ ସଂଖ୍ୟାକୁ ୫୧୫୪ ବୃଦ୍ଧି କରିଛି । ବର୍ତ୍ତମାନ ମୋଟ ୧୪,୨୯୮ ପଦବୀରେ ନିଯୁକ୍ତି କରାଯିବ । ଆବେଦନ ପାଇଁ ଶେଷ ତାରିଖ ହେଉଛି ୧୬ ଅକ୍ଟୋବର ୨୦୨୪ ।
ଯୋଗ୍ୟତା :-
ଟେକ୍ନିସିଆନ୍ ଗ୍ରେଡ୍ ୧: ଏଥିପାଇଁ ପ୍ରାର୍ଥୀଙ୍କ ପାଖରେ ବିଇ କିମ୍ବା ବି.ଟେକ୍ ଡିଗ୍ରୀ ରହିବା ଉଚିତ୍ । ଏହା ବ୍ୟତୀତ ଫିଜିକ୍ସ, କମ୍ପ୍ୟୁଟର ସାଇନ୍ସ କିମ୍ବା ସୂଚନା ପ୍ରଯୁକ୍ତିବିଦ୍ୟାରେ ସ୍ନାତକ ଡିଗ୍ରୀ ହାସଲ କରିଥିବା ପ୍ରାର୍ଥୀମାନେ ମଧ୍ୟ ଆବେଦନ କରିପାରିବେ ।
ଟେକ୍ନିସିଆନ୍ ଗ୍ରେଡ୍ : ଏହି ପଦ ପାଇଁ ପ୍ରାର୍ଥୀ ଅତିକମରେ ଦଶମ ପାସ୍ କରିଥିବା ବାଧ୍ୟତାମୂଳକ ଏବଂ ଏହା ସହିତ ଆଇଟିଆଇ (ଇଣ୍ଡଷ୍ଟ୍ରିଆଲ୍ ଟ୍ରେନିଂ ଇନଷ୍ଟିଚ୍ୟୁଟ୍) ସାର୍ଟିଫିକେଟ୍ ମଧ୍ୟ ଆବଶ୍ୟକ ।
ବୟସ :-
ପ୍ରାର୍ଥୀଙ୍କ ବୟସ ୧ ଜୁଲାଇ ୨୦୨୪ ସୁଦ୍ଧା ୧୮ ରୁ ୩୬ ବର୍ଷ ମଧ୍ୟରେ ହେବା ଉଚିତ୍ । ତେବେ ସଂରକ୍ଷିତ ବର୍ଗ ପ୍ରାର୍ଥୀଙ୍କୁ ସରକାରୀ ନିୟମ ଅନୁଯାୟୀ ବୟସରଙ୍କ ଛୁଟ୍ ଦିଆଯିବ ।
ଆବେଦନ ଫି :-
ସାଧାରଣ ବର୍ଗ ପ୍ରାର୍ଥୀଙ୍କ ପାଇଁ ଆବେଦନ ଶୁଳ୍କ ୫୦୦ ଟଙ୍କା, ସେଥିମଧ୍ୟରୁ ସିବିଟି (କମ୍ପ୍ୟୁଟର ଆଧାରିତ ପରୀକ୍ଷା) ପରୀକ୍ଷା ପରେ ୪୦୦ ଟଙ୍କା ଫେରସ୍ତ କରାଯିବ । ଯେଉଁଠାରେ ସଂରକ୍ଷିତ ବର୍ଗ ପ୍ରାର୍ଥୀଙ୍କ ପାଇଁ ଦେୟ ୨୫୦ ଟଙ୍କା, ଯାହା ସିବିଟି ପରୀକ୍ଷା ପରେ ସମ୍ପୂର୍ଣ୍ଣ ଫେରସ୍ତ ହେବ ।
ତିନିଟି ପର୍ଯ୍ୟାୟରେ ପ୍ରାର୍ଥୀ ଚୟନ କରାଯିବ
ସିବିଟି ପରୀକ୍ଷା ।
ଡକ୍ୟୁମେଣ୍ଟ୍ ଯାଞ୍ଚ ।
ଡାକ୍ତରୀ ପରୀକ୍ଷା
ସମସ୍ତ ପର୍ଯ୍ୟାୟରେ ସଫଳ ପ୍ରାର୍ଥୀମାନେ ଅନ୍ତିମ ଚୟନ ତାଲିକାରେ ସ୍ଥାନ ପାଇବେ ।
ଦରମା :-
ମନୋନୀତ ପ୍ରାର୍ଥୀମାନେ ମାସିକ ୧୯,୯୦୦ ରୁ ୯୨,୩୦୦ ଟଙ୍କା ପର୍ଯ୍ୟନ୍ତ ଦରମା ପାଇବେ, ଯାହା ପୋଷ୍ଟ ଅନୁଯାୟୀ ସ୍ଥିର ହେବ । ଏହି ପେ ସ୍କେଲ ସପ୍ତମ ପେ କମିଶନ ଅଧୀନରେ ଆସିଥାଏ ।
କିପରି ଆବେଦନ କରିବେ ?
ଆବେଦନ ପ୍ରକ୍ରିୟା ଅନଲାଇନ୍ ରହିଛି । ପ୍ରାର୍ଥୀଙ୍କୁ ଭାରତୀୟ ରେଳବାଇର ଅଫିସିଆଲ୍ ୱେବସାଇଟ୍ indianrailways.gov.in କୁ ଯିବାକୁ ପଡିବ ଏବଂ “Recruitment” ବିଭାଗରେ ପ୍ରବେଶ କରିବାକୁ ପଡିବ । ଏହା ପରେ ନିଜ ସମ୍ପୃକ୍ତ ଜୋନର ଲିଙ୍କରେ କ୍ଲିକ୍ କରନ୍ତୁ । ପଞ୍ଜୀକରଣ ପ୍ରକ୍ରିୟା ସମାପ୍ତ କରିବା ପରେ, ଆବେଦନ ଫର୍ମ ପୂରଣ କରନ୍ତୁ ଏବଂ ଦେୟ ପ୍ରଦାନ କରନ୍ତୁ । ଫି ଜମା ହେବା ପରେ ତୁମର ଆବେଦନ ପ୍ରକ୍ରିୟା ସମାପ୍ତ ହେବ ।
