ପ୍ରଶାନ୍ତ ମହାସାଗରରୁ ମିଳିଲା ଦୁର୍ଲଭ ଓ ବିଚିତ୍ର ଜୀବ: ବେଜ୍ଞାନିକ ବି ପାଉନାହାନ୍ତି ପତ୍ତା
ନୂଆଦିଲ୍ଲୀ: ପ୍ରଶାନ୍ତ ମହାସାଗରରେ ଏକ ବିଚିତ୍ର ତଥା ଦୁର୍ଲଭ ଜୀବ ଚିହ୍ନଟ କରାଯାଇଛି । ଏହି ବିରଳ ଜୀବର ଲମ୍ବ ୯ ପୁଟ ହୋଇଥିବା ବେଳେ ଏହାର ଲମ୍ବା ଲାଞ୍ଜ ଥିବା ଦେଖାଯାଇଛି । ତେବେ ଏହାର ଏକ ପାଶ୍ୱର୍ରେ ଅନେକ ଗୁଡାଏ ଶୁଣ୍ଢ ଅର୍ଥାତ ଟେଣ୍ଟେକଲ୍ସ ଦେଖିବାକୁ ମିଳିଛି । ତେବେ ଏହି ଜନ୍ତୁ ସାମୁଦ୍ରିକ ଜୀବମାନଙ୍କର ଏକ ନୂଆ ପ୍ରଜାତି ବୋଲି ଅନୁମାନ କରୁଛନ୍ତି ବେଜ୍ଞାନିକ ।
ସମୁଦ୍ର ଭିତରକୁ ଯାଇଥିବା ଏକ ସାମୁଦ୍ରିକ ଯାନ ଏହାକୁ ଖୋଜି ବାହାର କରିବା ସହ ଏହାର ଭିହିଓ ମଧ୍ୟ ରେକର୍ଡ କରିଥିଲା । ସାମୁଦ୍ରିକ ଯାନର ସ୍କ୍ରିନରେ ଏହି ଜୀବକୁ ଦେକିବା ମାତ୍ରେ ଚମକି ପଡିଥିଲେ ବୈଜ୍ଞାନିକ । ନୂତନ ଜୀବ ଉପରେ ଅଧିକ ଜାଣିବା ପାଇଁ ସାମୁଦ୍ରିକ ଯାନକୁ ବୈଜ୍ଞାନିକମାନେ ତା’ ନିକଟକୁ ନେଇ ଯାଇଥିଲେ । ଏହାପରେ ଖୁବ ନିକଟରୁ ଏହାର ବିଭିନ୍ନ ଅଙ୍ଗର ଫଟୋ ଉଠାଇବା ସହ ଭିଡିଓ କରାଯାଇଛି ।
ତେବେ ଏହାପରେ ଜଣାଯାଇଛି ଯେ ଏହି ବିଚିତ୍ର ଜୀବର ଲମ୍ବା ୯ ଫୁଟ ହୋଇଥିବା ବେଳେ ଏହାର ଶୁଣ୍ଢ ୧୬ ଇଞ୍ଚ ଲମ୍ବା ରହିଥିଲା । ପାଣି ଭିତରେ ଏହି ଶୁଣ୍ଢ ସାହାଯ୍ୟରେ ପହଁରୁଥିବା ବୈଜ୍ଞାନିକମାନେ ମତ ଦେଇଛନ୍ତି । ତେବେ ବୈଜ୍ଞାନିକଙ୍କ ମତ ଅନୁସାେରେ, ଏହା ପ୍ରଶାନ୍ତ ମହାସାଗରର ପ୍ରାୟ ୯୮୨୩ ଫୁଟ ତଳେ ଏହି ଜୀବକୁ ଚିହ୍ନଟ କରାଯାଇଛି ।
ତେବେ ଏହା କେଉଁ ପ୍ରକାର ଜୀବ ତାହାକୁ ନେଇ ବୈଜ୍ଞାନିକମାନେ କୌଣସି ସ୍ପଷ୍ଟ ସୂଚନା ଦେଇ ନାହାନ୍ତି । ଏହି ନୂଆ ଜୀବ ସୋଲମବେଲୁଲା ମୋନୋସିଫେଲସର ପ୍ରଜାତିର କିମ୍ବା ଏକ ଅନ୍ୟ କୌଣସି ଜୀବ ବୋଲି ସେମାନେ ପ୍ରକାଶ କରି ନାହାନ୍ତି । ତେବେ ଏହାର ଅଧ୍ୟୟନ ଜାରି ରହିଥିବା ବେଳେ ଏହା ଏକ ନୂତନ ପ୍ରଜାତିର ଜୀବ ହୋଇପାରେ ବୋଲି ମଧ୍ୟ ବୈଜ୍ଞାନିକମାନେ ଅନୁମାନ କରିଛନ୍ତି ।
