ସିଷ୍ଟମରୁ ୫୦୦ ଟଙ୍କା ନୋଟ୍ ନିଖୋଜ ଥିବା ରିପୋର୍ଟକୁ RBI କଲା ଅସ୍ୱୀକାର, ଜାଣନ୍ତୁ କଣ କହିଛି
ନୂଆଦିଲ୍ଲୀ: ଦେଶର କେନ୍ଦ୍ରୀୟ ବ୍ୟାଙ୍କ, ଭାରତୀୟ ରିଜର୍ଭ ବ୍ୟାଙ୍କ ବଜାରରୁ ୫୦୦ ଟଙ୍କା ନୋଟ୍ ଅଦୃଶ୍ୟ ହେବାର ଖବରକୁ ଅସ୍ୱୀକାର କରିଛି ଏବଂ ଏହା ଉପରେ ସ୍ପଷ୍ଟୀକରଣ ଜାରି କରିଛି। ଗତକାଲି ଆରବିଆଇ ଏକ ପ୍ରେସ ବିଜ୍ଞପ୍ତି ମାଧ୍ୟମରେ କହିଛି ଯେ, ଏହାର ସିଷ୍ଟମରୁ ୮୮,୦୩୨.୫ କୋଟି ଟଙ୍କା ନିଖୋଜ ହେବାର ଖବର ଭୁଲ ନୁହେଁ। RTI ରୁ ପ୍ରାପ୍ତ ତଥ୍ୟର ଭୁଲ ବ୍ୟାଖ୍ୟା ହେତୁ ଏହା ଘଟିଛି । ଆରବିଆଇ କହିଛି ଯେ, ଦେଶର ତିନୋଟି ପ୍ରିଣ୍ଟିଂ ପ୍ରେସରୁ ୫୦୦ ଟଙ୍କିଆ ନୋଟ ବିଷୟରେ ଆରଟିଆଇ ଅଧୀନରେ ଦିଆଯାଇଥିବା ସୂଚନାକୁ ଭୁଲ ବ୍ୟାଖ୍ୟା କରାଯାଇଛି।
ଗତକାଲି ଅନେକ ଗଣମାଧ୍ୟମରେ ରିପୋର୍ଟ କରାଯାଇଥିଲା ଯେ, ମନୋରଂଜନ ରୟ ରାଇଟ୍ ଟୁ ଇନଫର୍ମେସନ୍ ଯଥା ଆରଟିଆଇ ଅଧୀନରେ କିଛି ପ୍ରଶ୍ନ ପଚାରିଥିଲେ ଏବଂ ଏହାର ଉତ୍ତରରେ କୁହାଯାଇଥିଲା ଯେ, ନୂତନ ଡିଜାଇନ୍ ସହିତ ୫୦୦ ଲକ୍ଷ ନୋଟ୍ ହଜିଯାଇଛି, ଏହାର ମୂଲ୍ୟ ୮୮,୦୩୨.୫ କୋଟି ଟଙ୍କା। ମିଳିଥିବା ସୂଚନା ଅନୁଯାୟୀ, ଦେଶର ତିନୋଟି ପ୍ରିଣ୍ଟିଂ ପ୍ରେସ୍ ମିଳିତ ଭାବେ ନୂତନ ଡିଜାଇନ୍ ସହିତ ୫୦୦ ଟଙ୍କାର ୮୮୧୦.୬୫ କୋଟି ନୋଟ୍ ଛପା କରିଥିଲେ, କିନ୍ତୁ ରିଜର୍ଭ ବ୍ୟାଙ୍କ ଏଥିରୁ ମାତ୍ର ୭୨୬ କୋଟି ନୋଟ୍ ପାଇଲା। ମୋଟ ଉପରେ ୫୦୦ ଟଙ୍କା ୧୭୬୦.୬୫ କୋଟି ନୋଟ୍ ନିଖୋଜ ହୋଇଯାଇଛି, ଯାହାର ମୂଲ୍ୟ ୮୮,୦୩୨.୫ କୋଟି ଟଙ୍କା।
Clarification on Banknote pic.twitter.com/PsATVk1hxw
— ReserveBankOfIndia (@RBI) June 17, 2023
ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ନିଜର ପ୍ରେସ ବିଜ୍ଞପ୍ତିରେ ଏବଂ ଟ୍ୱିଟରରେ ପୋଷ୍ଟରେ କହିଛି ଯେ, ଆରବିଆଇ ସୂଚନା ପାଇଛି ଯେ, ବିଭିନ୍ନ ମିଡିଆ ରିପୋର୍ଟରେ ସିଷ୍ଟମରୁ ୫୦୦ ଟଙ୍କିଆ ନୋଟ୍ ଅଦୃଶ୍ୟ ହେବାର ଖବର ଭୁଲ ନୁହେଁ। ପ୍ରିଣ୍ଟିଂ ପ୍ରେସରୁ ମିଳିଥିବା ସୂଚନାକୁ ଭୁଲ ବୁଝାମଣା କରାଯାଇଛି ଏବଂ ଏହା ଜାଣିବା ଜରୁରୀ ଯେ, ପ୍ରିଣ୍ଟିଂ ପ୍ରେସରେ ଯାହା କିଛି ନୋଟ୍ ପ୍ରିଣ୍ଟ୍ ହୋଇଛି ତାହା ସମ୍ପୂର୍ଣ୍ଣ ସୁରକ୍ଷିତ। ଏହି ବ୍ୟାଙ୍କ ନୋଟଗୁଡିକର ଉତ୍ପାଦନ, ସଂରକ୍ଷଣ ଏବଂ ବିତରଣକୁ ଆରବିଆଇ ଦ୍ୱାରା ସମ୍ପୂର୍ଣ୍ଣ ପ୍ରୋଟୋକଲ୍ ସହିତ ତଦାରଖ କରାଯାଏ ଏବଂ ଏଥିପାଇଁ ଏକ ଦୃଢ ବ୍ୟବସ୍ଥା ଅଛି।
ଆରବିଆଇ ଦ୍ୱାରା ପ୍ରକାଶିତ ପ୍ରେସ ବିଜ୍ଞପ୍ତିରେ ଏହା ବ୍ୟାଙ୍କର ମୁଖ୍ୟ ଜେନେରାଲ ମ୍ୟାନେଜର ଯୋଗେଶ୍ୱର ଦିନଲଙ୍କ ନାମରେ ଲେଖାଯାଇଛି ଯେ, ଏପରି କୌଣସି ସୂଚନା ପାଇଁ ସମସ୍ତେ କେବଳ ଆରବିଆଇ ଦ୍ୱାରା ପ୍ରକାଶିତ ତଥ୍ୟ ଉପରେ ନିର୍ଭର କରିବା ଉଚିତ୍।
