(video): BAD NEWZ କରୁଛି ରେକର୍ଡ ରୋଜଗାର, ତ୍ରିପ୍ତିଙ୍କ ରୋମାନ୍ସ ଓ ଭିକିଙ୍କ ଡ୍ୟାନ୍ସରେ ଦର୍ଶକେ ଘାଇଲା, ପଛରେ ପଡିଲା ‘ମିଷ୍ଟର ଆଣ୍ଡ ମିସେଜ ମାହି’
ଓଡିଶା ଭାସ୍କର: ଅଭିନେତା ଭିକି କୌଶଲ ଓ ସେକ୍ସି ଷ୍ଟାର ତ୍ରିପ୍ତି ତଥା ଏମି ୱିର୍କଙ୍କ ସିନେମା ‘ବେଡ ନ୍ୟୁଜ’ ୧୯ ତାରିଖରେ ସିନେମା ହଲରେ ରିଲିଜ ହୋଇଥିଲା । ପ୍ରଥମ ଦିନରୁ ହିଁ ସିନେମାଟି ଛପରଫାଡ କମାଇ କରିଛି । ଏହାବାଦ ଫିଲ୍ମ ‘ବେଡ ନ୍ୟୁଜ’ ପ୍ରତିଦିନ ବକ୍ସ ଅଫିସରେ ଭଲ ଆୟ କରୁଛି । ସିନେମାକୁ ପରଦାକୁ ଆସିବାର ପ୍ରାୟ ୬ ଦିନ ହୋଇସାରିଛି । ମାତ୍ର ଏହାର ଆୟ କମୁନି । ରୋଜଗାର ମାମଲାରେ ଏହା ‘ମିଷ୍ଟର ଆଣ୍ଡ ମିସେସ ମାହି’ଙ୍କୁ ବି ମାତ ଦେଇଛି ।
ରିପୋର୍ଟ ଅନୁସାରେ, ପ୍ରଥମ ଦିନରେ ସିନେମାଟି ପ୍ରାୟ ୮.୩ କୋଟି ରୋଜଗାର କରିଥିଲା । ଦ୍ୱିତୀୟ ଦିନରେ ସିନେମାଟି ପ୍ରାୟ ୧୦.୨୫ କୋଟି, ତୃତୀୟ ଦିନରେ ୧୧.୧୫ କୋଟି ଆୟ କରିଛି । ସେହିଭଳି ରିଲିଜ ହେବାର ଚତୁର୍ଥ ଓ ପଞ୍ଚମ ଦିନରେ ସିନେମାଟି ଯଥାକ୍ରମେ ୩.୫ କୋଟି, ୩.୭୫ କୋଟି ରୋଜଗାର କରି ରେକର୍ଡ କରିଛି । ଷଷ୍ଠ ଦିନରେ ରିପୋର୍ଟ ଲେଖା ହେବା ପର୍ଯ୍ୟନ୍ତ ପ୍ରାୟ ୧.୮୫ କୋଟି ଆୟ କରି ମୋଟ ଭାବରେ ପ୍ରାୟ ୩୮.୮ କୋଟି ଆୟ କରି ସାରିଲାଣି ।
ସେପଟେ ସିନେମାଟି ‘ମିଷ୍ଟର ଆଣ୍ଡ ମିସେସ ମାହି’ ଙ୍କୁ ବି ପଛରେ ପକାଇ ଦେଇଛି । ୩୧ ମଇରେ ରିଲିଜ ହୋଇଥିବା ଏହି ସିନେମା ପ୍ରାୟ ୩୫.୫୫ କୋଟି ଆୟ କରିଛି । ‘ବେଡ ନ୍ୟୁଜ’ରେ ଅଭିନେତା ଭିକି କୌଶଲଙ୍କ ‘ତୋବା ତୋବା’ ଡ୍ୟାନ୍ସ ଓ ଅଭିନେତ୍ରୀ ତ୍ରିପ୍ତି ଡିମରୀଙ୍କ ସେକ୍ସି ଅନ୍ଦାଜ ଦର୍ଶକଙ୍କୁ ଘାଇଲା କରୁଛି ଓ ସେମାନଙ୍କୁ ବାଧ୍ୟ କରୁଛି ସିନେମା ହଲକୁ ଆସିବା ପାଇଁ ।
View this post on Instagram
