ପତ୍ନୀଙ୍କ ସହ ଅକ୍ଷରଧାମ ମନ୍ଦିର ପହଁଚିଲେ ରୁଷି ସୁନକ, ଭଗବାନ ସ୍ୱାମୀ ନାରାୟଣଙ୍କର କଲେ ଦର୍ଶନ

ନୂଆଦିଲ୍ଲୀ: ବ୍ରିଟେନ ପ୍ରଧାନମନ୍ତ୍ରୀ ରୁଷି ସୁନକ ଦିଲ୍ଲୀରେ ହେଉଥିବା ଜି-୨୦ ଶିଖର ସମ୍ମିଳନୀରେ ଭାଗ ନେବା ଲାଗି ଶୁକ୍ରବାର ଦିନ ଭାରତରେ ପହଁଚିଛନ୍ତି । ରବିବାର ଦିନ ସକାଳୁ ସେ ତାଙ୍କ ସ୍ତ୍ରୀ ଅକ୍ଷତା ମୁର୍ତ୍ତିଙ୍କ ସହ ଅକ୍ଷରଧାମ ମନ୍ଦିରରେ ପହଁଚିଛନ୍ତି । ଏଠାରେ ସେମାନେ ରୀତି-ନୀତି ସହିତ ଭଗବାନ ସ୍ୱାମୀ ନାରାୟଣଙ୍କ ଦର୍ଶନ କରିଛନ୍ତି । ପ୍ରଧାନମନ୍ତ୍ରୀ ସୁନକ ବର୍ଷା ମଧ୍ୟରେ ସ୍ତ୍ରୀଙ୍କ ସହିତ ମନ୍ଦିର ପହଁଚିଛନ୍ତି ।

ଇଂଲଣ୍ଡରେ ଆୟୋଜିତ ମୋରାରୀ ବାପୁଙ୍କ କହିବା ଅନୁଯାୟୀ, ପ୍ରଧାନମନ୍ତ୍ରୀ ରୁଷି ସୁନକ ଏଠାରେ ଯୋଗ ଦେଇଥିଲେ । ଏଠାରେ ସେମାନେ ରାମାୟଣର ଆରତୀ କରିଛନ୍ତି । ତେବେ ବ୍ରିଟିଶ ପ୍ରଧାନମନ୍ତ୍ରୀ ଜୟ ଶ୍ରୀ ରାମର ଜୟକାର ସହିତ ସମ୍ବୋଧନ କରିଥିଲେ । ଏହାରି ମଧ୍ୟରେ ସେ କହିଥିଲେ ଯେ, ହିନ୍ଦୁ ଧର୍ମ ତାଙ୍କ ଜୀବନର ପ୍ରତ୍ୟେକ ଦିଗରେ ମାର୍ଗଦର୍ଶନ କରିଛି ଏବଂ ବ୍ରିଟେନର ପ୍ରଧାନମନ୍ତ୍ରୀ ଭାବରେ ଯଥାସମ୍ଭବ କାର୍ଯ୍ୟ କରିବାକୁ ତାଙ୍କୁ ସାହସ ଦେଇଥାଏ । ସମ୍ବୋଧନ କରିବା ବେଳେ ସେ କହିଥିଲେ ଯେ, ମୁଁ ଏଠାରେ ଏକ ହିନ୍ଦୁ ଭାବେ ଆସିଛି । ମୋ ପାଇଁ ଧର୍ମ ବ୍ୟକ୍ତି ଗତ ମାମଲା ଅଟେ । ପ୍ରଧାନମନ୍ତ୍ରୀ ହେବା ଏକ ବଡ଼ ସମ୍ମାନ । ହେଲେ ଏହା ଏକ ସହଜ କଥା ନୁହେଁ, ଏଥିପାଇଁ କଠିନ ପରିଶ୍ରମ କରିବାକୁ ପଡେ । ମୋ ଧର୍ମ ମୋତେ ନିଜ ଦେଶ ପାଇଁ ସର୍ବଶ୍ରେଷ୍ଠ କାମ କରିବାର ସାହସ ଏବଂ ଶକ୍ତି ଦେଇଥାଏ ।

ପୋଲିସ ଅଧିକାରୀ କହିଛନ୍ତି ଯେ, ମନ୍ଦିର ଭିତରେ ଏବଂ ବାହାରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ପୋଲିସର ଏକ ବରିଷ୍ଠ ଅଧିକାରୀ କହିଛନ୍ତି ଯେ, ସେ ଆସିବା ପୂର୍ବରୁ ସେହି ଅଞ୍ଚଳରେ ବ୍ୟାରିକେଡ୍ ଲଗାଯାଇଛି ଏବଂ ଜି-୨୦ ଶିଖର ସମ୍ମିଳନୀକୁ ଦୃଷ୍ଟିରେ ରଖି ଯାଞ୍ଚ କରାଯାଉଛି । ବ୍ରିଟେନ ପ୍ରଧାନମନ୍ତ୍ରୀଙ୍କ ଯାତ୍ରା ପାଇଁ ପର୍ଯ୍ୟାପ୍ତ ସଂଖ୍ୟାରେ ସୁରକ୍ଷା କର୍ମୀ ମୁତୟନ କରାଯାଇଛି ।