ନୟାପଲ୍ଲୀ ଓଭରବ୍ରିଜରେ ମର୍ମନ୍ତୁଦ ସଡ଼କ ଦୁର୍ଘଟଣା: ସ୍କୁଟିକୁ ଧକ୍କାଦେଲା ସରକାରୀ ଗାଡି

ଭୁବନେଶ୍ୱର: (ଓଡ଼ିଶାା ଭାସ୍କର) ନୟାପଲ୍ଲୀ ଓଭରବ୍ରିଜରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ସ୍କୁଟିକୁ ଧକ୍କାଦେଇଛି ଏକ ସରକାରୀ କାର। କାରରୁ ଜବତ ହେଲା ନିଶା ସାମଗ୍ରୀ।

ସୂଚନା ଅନୁସାରେ ଘଟଣାସ୍ଥଳରେ କମିଶନରେଟ୍ ପୋଲିସ ପହଞ୍ଚି ଘଟଣାର ଅନୁଧ୍ୟାନ କରୁଛି। ସ୍କୁଟି ଚାଳକ ଗୁରୁତର, ସ୍ଥାନୀୟ ଲୋକ ଉଧାର କରି ଡାକ୍ତରଖାନାରେ ବର୍ତ୍ତି କରିଥିବା ସୂଚନା।

ସ୍ଥାନୀୟ ଲୋକଙ୍କ କହିବା ଅନୁସାରେ ଓଭର ସ୍ପିଡରେ ସରକାରୀ ଗାଡିଟି ପ୍ରଥମେ ଏକ ସ୍କୁଟି ଓ ପରେ ଏକ ପିକ୍ଅପ୍ ଭ୍ୟାନକୁ ଧକ୍କା ଦେଇଥିଲା।  ସ୍କୁଟିରେ ଯାଉଥିବା ଦୁଇ ଜଣ ଆରୋହି ଗୁରୁତର ଥିବା କୁହାଯାଉଛି।

ରାଜଧାନୀରେ ଏପରି ବେପରୁଆ ଓ ଓଭର୍ ସ୍ପିଡରେ ଗାଡି ଚଳାଇବା ତାହା ପୁଣି ଏକ ସରକାରୀ ଗାଡ଼ି, ଏବଂ ଗାଡିରୁ ନିଶା ସାମଗ୍ରୀ ମିଳିବାକୁ ନେଇ ଲୋକ ଅଶାନ୍ତି ଓ ରାସ୍ତାରୋକ ପରିସ୍ଥିତି ଦେଖା ଦେଇଛି।