ରାସ୍ତା ସମସ୍ୟା; କୁମ୍ଭକର୍ଣ୍ଣ ନିଦ୍ରାରେ ବିଞ୍ଝାରପୁର ବ୍ଲକ ପ୍ରଶାସନ, ନାହିଁ ନଥିବା ହଇରାଣ ହେଉଛନ୍ତି ୫ରୁ ଉର୍ଦ୍ଧ୍ୱ ପଞ୍ଚାୟତବାସୀ
ଯାଜପୁର: (ଓଡ଼ିଶା ଭାସ୍କର) ଏ ହେଉଛି ବିଞ୍ଝାରପୁର ବ୍ଲକ ଆଉଁରୀ ପଞ୍ଚାୟତ ଠାରୁ ସିଂହପୁର କୁ ସଂଯୋଗ କରୁଥିବା ରାସ୍ତା ଆଉ ରାସ୍ତାର ଦୁର୍ଦ୍ଦଶା ଏମିତି ଯେ ଯାହା ସଧାରଣ ଲୋକଙ୍କ ଚଳ ପ୍ରଚଳ ପାଇଁ ଯୋଗ୍ୟ ନୁହେଁ ଗାଡ଼ି ମଟର ନେଇ ଯାତାୟାତ କଥା ତ ଭାବିମଧ୍ୟ ହେଉନାହିଁ । ଏହି ରାସ୍ତା ଉପରେ ପ୍ରତ୍ୟକ ଦିନ ୫ରୁ ଅଧିକ ପଞ୍ଚାୟତର ପ୍ରାୟ ୫ହଜାରରୁ ଉର୍ଦ୍ଧ୍ୱ ଜନସାଧାରଣ ନିର୍ଭର କରୁଥିବା ବେଳେ ଏହି ରାସ୍ତା ଏବେ ମରଣ ଯନ୍ତା ପାଲଟିଛି ।
ରାସ୍ତାଟି ସମ୍ପୂର୍ଣ୍ଣ ରୂପେ ଭାଙ୍ଗି ଯାଇଥିବା ବେଳେ, ବିଂଝାରପୁର ବ୍ଲକ ପ୍ରଶାସନ ଏ ରାସ୍ତା ଉପରେ ଦୁଷ୍ଟି ଦେଉନଥିବା ଅଭିଯୋଗ ହୋଇଛି । ହେଲେ ବିଞ୍ଝାରପୁର ବ୍ଲକ ପ୍ରଶାସନ କୁମ୍ଭକର୍ଣ୍ଣ ନିଦ୍ରାରେ ଶୋଇ ରହିଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ପ୍ରତିକ୍ରିୟା ପ୍ରକାଶ ପାଉ ଥିବାର ଦେଖିବାକୁ ମିଳିଛି । ସରକାର ଗମନା ଗମନର ସୁବିଧା ଜନସାଧାରଣଙ୍କୁ ଯୋଗାଇ ଦେବାକୁ ପ୍ରତିଶ୍ରୁତି ଦେଉଥିବା ବେଳେ, ପ୍ରଶାସନର ଉଦାସୀନତା ପାଇଁ ନାହିଁ ନଥିବା ଦୁର୍ଦ୍ଦଶା ଭୋଗୁଛନ୍ତି ଏହି ୫ପଞ୍ଚାୟତର ଜନ ସାଧାରଣ।
