ପୁଟିନ୍ ନେଲେ ପ୍ରତିଶୋଧ: ୟୁକ୍ରେନର ରାଜଧାନୀ କିଭରେ କଲେ ୭୫ଟି ମିସାଇଲ ମାଡ଼: ଚାଲିଗଲା ୧୨ ଜୀବନ
କିଭ: କ୍ରିମିୟା ପୁଲ୍ ବିସ୍ଫୋରଣର ପ୍ରତିଶୋଧ ନେବାକୁ ଯାଇ ସୋମବାର ଦିନ ୟୁକ୍ରେନର ରାଜଧାନୀ କିଭ ସମେତ ଅଲଗା ଅଲଗା ସହରରେ ମିସାଇଲ ମାଡ଼ କରିଛି ରୁଷ । ଏହି ଆକ୍ରମଣରେ ବର୍ତ୍ତମାନ ସୁଦ୍ଧ ପାଖାପାଖି ୧୨ ଜଣଙ୍କର ମୃତ୍ୟୁ ହୋଇଥିବା ବେଳେ ୨୪ ଜଣ ଗୁରୁତର ଆହତ ହୋଇଥିବା ଜଣାପଡିଛି । କିଭର ମେୟର ଏହି ମିସାଇଲ ମାଡ଼ ବିଷୟରେ ସୂଚନା ଦେଇଛନ୍ତି ।
ଏହା ପରେ ୟୁକ୍ରେନର ରାଷ୍ଟ୍ରପତି ଜେଲେସ୍କି ମଧ୍ୟ ମିଡିଆ ସାମ୍ନାରେ କହିଛନ୍ତି ଯେ, ଆଜି ସାରା ଦେଶରେ ଆକ୍ରମଣ ହୋଇଛି । ଏଥିରେ ଅନେକ ଲୋକଙ୍କର ମୃତ୍ୟୁ ହୋଇଥିବା ବେଳେ କିଛି ଲୋକ ଆହତ ହୋଇଛନ୍ତି ।’ ତେବେ କିଭରେ କିଛି ଦିନ ହେବ ଶାନ୍ତିର ବାତାବରଣ ଥିଲା । କୁହାଯାଉଛି କି, ରୁଷ ୟୁକ୍ରେନ ଉପରେ ପ୍ରାୟ ୭୫ଟି ମିସାଇଲ ମାଡ଼ କରିଛି ।
WATCH: Ukrainian girl was filming in Kyiv when a Russian missile hit across the street pic.twitter.com/5V9sLEFNu9
— BNO News (@BNONews) October 10, 2022
ତେବେ ଶନିବାର ଦିନ ରୁଷ ଓ କ୍ରିମିୟାକୁ ଯୋଡ଼ୁଥିବା ପୁଲ ଉପରେ ଏକ ଟ୍ରକରେ ଥିବା ବିସ୍ଫୋଟକରେ ନିଆଁ ଲାଗିଥିଲା । ଯାହାଫଳରେ ବଡ଼ ବିସ୍ଫୋରଣ ହୋଇଥିଲା ଓ ପୁଲର ଅଧାଭାଗ ସମୁଦ୍ରକୁ ଖସିପଡ଼ିଥିଲା । ରୁଷର ରାଷ୍ଟ୍ରପତି ପୁଟିନ୍ ଏହି ବିସ୍ଫୋରଣ ପଛରେ ୟୁକ୍ରେନ୍ ଥିବା କହିଥିଲେ ଓ ଏଭଳି ‘ଆତଙ୍କବାଦୀ କାମ’କୁ ନିନ୍ଦା କରିଥିଲେ । ଏହା ପରେ ପୁଟିନ୍ ଏହାର ପ୍ରତିଶୋଧ ନେବେ ବୋଲି ଆଶଙ୍କା କରାଯାଉଥିବା ବେଳେ ଆଜି ସେ ଏହାକୁ ପ୍ରମାଣିତ କରିଛନ୍ତି ।
The Ukrainians are singing national songs while hiding in improvised bomb shelters (subway stations) from Russian terrorist attacks. This is why Russia attacks. Russia wants to eliminate the very Ukrainian identity, the Ukrainian nation. pic.twitter.com/S2TjjUL5me
— Sergej Sumlenny (@sumlenny) October 10, 2022
