ଉତ୍ତର କୋରିଆକୁ ଜବାବ ଦେଲା ଦକ୍ଷିଣ କୋରିଆ, ଆମେରିକା ସହ ମିଶି କଲା ୮ କ୍ଷେପଣାସ୍ତ୍ର ପରୀକ୍ଷା
ସିଓଲ୍(ଓଡ଼ିଶା ଭାସ୍କର): ରବିବାର ଉତ୍ତର କୋରିଆ ଏକା ଥରକେ ୮ଟି ସ୍ୱଳ୍ପ ଦୂରଗାମୀ ମିସାଇଲ୍ ପରୀକ୍ଷା କରିଥିଲା। ଏହାର ପ୍ରତି ଉତ୍ତରରେ ଯୁକ୍ତରାଷ୍ଟ୍ର ଆମେରିକା ଏବଂ ଦକ୍ଷିଣ କୋରିଆ ୮ଟି କ୍ଷେପଣାସ୍ତ୍ର ପରୀକ୍ଷା କରିଛନ୍ତି। ଏନେଇ ଦକ୍ଷିଣ କୋରିଆର ଜଣେ ସେନା ଅଧିକାରୀ ସୂଚନା ଦେଇଛନ୍ତି। ଦ୍ୱିତୀୟ ସପ୍ତାହ ମଧ୍ୟରେ ୨ୟ ଥର ପାଇଁ ଆମେରିକା ଏବଂ ଦକ୍ଷିଣ ଆଫ୍ରୀକା କ୍ଷେପଣାସ୍ତ୍ର ପରୀକ୍ଷା କରି ଉତ୍ତର କୋରିଆକୁ ଉତ୍ତର ଦେଇଛନ୍ତି।
ଉତ୍ତର କୋରିଆ ଉପରେ ଆର୍ଥିକ ପ୍ରତିବନ୍ଧକ ଲାଗିବା ସତ୍ତ୍ୱେ ପ୍ୟୋଙ୍ଗୟାଙ୍ଗ ଚଳିତ ବର୍ଷ ଅସ୍ତ୍ରଶସ୍ତ୍ର ନବୀକରଣ କରିବା କାର୍ଯ୍ୟକ୍ରମକୁ ଦ୍ୱିଗୁଣିତ କାରିଛି। ସୋମବାରର ଶୁଭାରମ୍ଭ ଦକ୍ଷିଣ କୋରିଆର ନୂତନ ରାଷ୍ଟ୍ରପତି ୟୋନ୍ ସୁକ୍-ୟୋଲଙ୍କ ଅଧୀନରେ ସହଯୋଗୀ ଆମେରିକା ସହିତ ଏହିପରି ଦ୍ୱିତୀୟ ମିଳିତ ପଦକ୍ଷେପ ନେଇଛନ୍ତି, ଯିଏ ପ୍ୟୋଙ୍ଗୟାଙ୍ଗଙ୍କ ଉତ୍ତେଜନା ବିରୋଧରେ କଠୋର ଆଭିମୁଖ୍ୟ ଗ୍ରହଣ କରିଛନ୍ତି।
ଗତ ମେ ମାସରେ ଯୁକ୍ତରାଷ୍ଟ୍ର ଆମେରିକା ରାଷ୍ଟ୍ରପତି ଜୋ ବାଇଡେନ ସିଓଲ ଗସ୍ତ କରିବା ପରେ ଦୁଇ ଦେଶ ମଧ୍ୟରେ ମିଳିତ ସମରାଭ୍ୟାସ କରିବାକୁ ନିଷ୍ପତ୍ତି ହୋଇଥିଲା। ଏହାପରେ ୧୦ ମିନିଟ୍ ରେ ୮ଟି କ୍ଷେପଣାସ୍ତ୍ର ପରୀକ୍ଷା କରିବା ଭଳି ପଦକ୍ଷେପ ଦକ୍ଷିଣ କୋରିଆ ନେଇଛି। ଗତ ମାସରେ, ସିଓଲ୍ ଏବଂ ୱାଶିଂଟନ୍ ମିଳିତ ଭାବରେ ଉତ୍ତର କୋରିଆର କ୍ଷେପଣାସ୍ତ୍ର ପରୀକ୍ଷା ପରେ ତିନୋଟି ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଥିଲେ ଯାହା ୨୦୧୭ ପରଠାରୁ ଏହିପରି ପ୍ରଥମ ମିଳିତ ପଦକ୍ଷେପ।