ଏହିଦିନ ପାଳନ ହେବ ସରସ୍ୱତୀ ପୂଜା, ଦ୍ୱନ୍ଦ୍ୱ ଦୂର କଲେ ଶ୍ରୀମନ୍ଦିର ପ୍ରଶାସନ

ଭୁବନେଶ୍ୱର: ସରସ୍ୱତୀ ପୂଜାକୁ ନେଇ ବର୍ତ୍ତମାନ ଦ୍ୱନ୍ଦ୍ୱ ଦୂର ହୋଇଛି। ସରସ୍ୱତୀ ପୂଜା ୨ ନା ୩ ତାରିଖରେ ହେବ ସେନେଇ ସମସ୍ତର ଦ୍ୱନ୍ଦ୍ୱ ଥିଲା, ଯାହା ବର୍ତ୍ତମାନ ଦୂର ହୋଇଛି। ସରସ୍ୱତୀ ପୂଜା ତାରିଖ ଧାର୍ଯ୍ୟ କଲେ ଶ୍ରୀମନ୍ଦିର ପ୍ରଶାସନ।

ଚଳିତ ବର୍ଷ ବିଭିନ୍ନ ପାଞ୍ଜୀରେ ସରସ୍ୱତୀ ପୂଜା ଭିନ୍ନ ଭିନ୍ନ ତାରିଖରେ ପଡିଥିବାରୁ ଏ ନେଇ ସମସ୍ତେ ଦ୍ୱନ୍ଦ୍ୱରେ ଥିଲେ। ତେବେ ଫେବୃଆରୀ ୨ ତାରିଖ ରବିବାର ଦିନ ଶ୍ରୀପଞ୍ଚମୀ ତଥା ସରସ୍ୱତୀ ପୂଜା ପାଳନ ହେବ।

ଏ ନେଇ ସୂଚନା ଜାରି କରିଛନ୍ତି ଶ୍ରୀମନ୍ଦିର ନୀତି ପ୍ରଶାସକ। ବିଧି ଅନୁସାରେ ସେହି ଦିନ ରଥ କାଠ ଅନୁକୂଳ କରାଯିବ। ମାଘମାସ ଶୁକ୍ଳ ପକ୍ଷ ପଞ୍ଚମୀ ତିଥିରେ ପାଳନ କରାଯାଏ। କିନ୍ତୁ ଚଳିତ ବର୍ଷ ୨ ଦିନ ପଡୁଛି ସରସ୍ୱତୀ ପୂଜା।

କେଉଁ ପାଞ୍ଜୀରେ ଲେଖାଯାଇଛି ସରସ୍ୱତୀ ପୂଜା ୨ତାରିଖରେ ଏବଂ କେତେକ ପାଞ୍ଜୀରେ ପଞ୍ଚମୀ ତିଥି ସୋମବାର ଅର୍ଥାତ ୩ ତାରିଖରେ ପଡୁଛି। ଜ୍ୟେତିଷ ଶାସ୍ତ୍ରୀଙ୍କ ଅନୁଯାୟୀ, ପଞ୍ଚମୀ ତିଥି ଉଦୟା ତିଥିରେ ପାଳନ ହେବ।

ସାରା ଭାରତରେ ୨ ତାରିଖରେ ସରସ୍ୱତୀ ପୂଜା ପାଳନ ହେବା ବେଳେ ଓଡ଼ିଶାରେ ଏହି ଦ୍ୱନ୍ଦ୍ୱ ଭିନ୍ନ ଭିନ୍ନ ପଞ୍ଜିକା ପାଇଁ ଲାଗି ରହିଛି। କୁହାଯାଉଛି ଯେ, ୨ ତାରିଖ ରବିବାର ଦିନ ପଞ୍ଚମୀ ତିଥି ସକାଳ ୯ଟା ରେ ଆରମ୍ଭ ହୋଇ ୩ ତାରିଖ ସକାଳ ୮ଟା ପର୍ଯ୍ୟନ୍ତ ରହିବ।

ତେବେ ଉଦୟା ତିଥି ଏହି ପଞ୍ଚମୀ ତିଥିକୁ ସ୍ପର୍ଶ କରୁଥିବା ଆବଶ୍ୟକ। ତେବେ କେବେ ପାଳନ ହେବ ସେନେଇ ବର୍ତ୍ତମନ ଦ୍ୱନ୍ଦ୍ୱ ଦୂର ହୋଇଛି। ୨ ତାରିଖରେ ରାଜ୍ୟବାସୀ ପାଳନ କରିବେ ସରସ୍ୱତୀ ପୂଜା।