Googleରେ ମହାକୁମ୍ଭ ସର୍ଚ୍ଚ କଲେ ହେଉଛି ‘ପୁଷ୍ପବର୍ଷା’, ଗୋଲାପ ପାଖୁଡ଼ାରେ ଭରିଯାଉଛି ସ୍କ୍ରିନ

ନୂଆଦିଲ୍ଲୀ: ମହାପର୍ବ ମହାକୁମ୍ଭର ଆରମ୍ଭ ହୋଇସାରିଛି। ୧୩ ଜାନୁଆରୀରେ ଆରମ୍ଭ ହେଲା ଦୁନିଆର ସବୁଠୁ ବଡ଼ ମେଳା। ଏହି ମେଳା ୨୬ ଜାନୁଆରୀ ପର୍ଯ୍ୟନ୍ତ ଜାରି ରହିବ। ଏହି ସମୟରେ ଏଥିରେ କୋଟି କୋଟି ସଂଖ୍ୟାରେ ଶ୍ରଦ୍ଧାଳୁ ଭାଗ ନେଉଛନ୍ତି। ଏହି ଅବସରରେ ଗୁଗଲ ମଧ୍ୟ ନିଜ ପକ୍ଷରୁ ମହାକୁମ୍ଭର ପର୍ବ ପାଳନ କରୁଛି।

ଯଦି କିଏ ଗୁଗଲରେ ମହାକୁମ୍ଭ ସର୍ଚ୍ଚ କରିବ ତେବେ ସ୍କ୍ରିନ ଉପରେ ଫୁଲର ବର୍ଷା ହେଉଛି। ଆପଣ ମଧ୍ୟ ନିଜ ଡେସ୍କଟପ ବା ମୋବାଇଲରେ ଏହି ଆନିମେଶନର ମଜା ଉଠାଇପାରିବେ। ଆସନ୍ତୁ ଜାଣିବା ଯେ, ଗୁଗଲ କିପରି ଏହି ଖାସ ବ୍ୟବସ୍ଥା କରିଛି।

ମହାକୁମ୍ଭ ସର୍ଚ୍ଚରେ ହେଉଛି ପୁଷ୍ପ ବର୍ଷା: ଗୁଗଲରେ ମହାକୁମ୍ଭ ସର୍ଚ୍ଚ କଲେ ଗୋଲାପର ପାଖୁଡା ଖସିବା ଦେଖିବାକୁ ମିଳୁଛି। ଏହାର ଆନନ୍ଦ ନେବା ପାଇଁ ନିଜ ମୋବାଇଲ ବା ଡେସ୍କଟପରେ ଆପଣ ଗୁଗୁଲ ସର୍ଚ୍ଚକୁ ଓପେନ କରନ୍ତୁ।

ଏହାପରେ ଏଠାରେ ହିନ୍ଦୀ ବା ଇଂରାଜୀରେ ମହାକୁମ୍ଭ ଲେଖନ୍ତୁ। ବର୍ତ୍ତମାନ ଆପଣ ସର୍ଚ୍ଚ ଉପରେ କ୍ଲିକ କରିବା ମାତ୍ରେ, ମହାକୁମ୍ଭର ପେଜ୍ ଆସିବା ସହ ସ୍କ୍ରିନ ଉପରେ ଗୋଲାପ ପାଖୁଡ଼ାମାନ ଝରିବାକୁ ଲାଗିବ।

ସେୟାର ପାଇଁ ମିଳୁଛି ଅପସନ: ଏହି ଆନିମେଶନ ସହ ସ୍କ୍ରିନ ତଳେ ଅପସନ ମଧ୍ୟ ଦେଖିବାକୁ ମିଳୁଛି। ପ୍ରଥମ ଅପସନରେ କ୍ଲିକ କରିବାରେ ଏହି ଆନିମେଶନକୁ ବନ୍ଦ କରାଯାଇପାରିବ।

ଅନ୍ୟ ଉପରେ ଆପଣ ଯେତେ କ୍ଲିକ କରିବେ, ଆହୁରି ସେତେ ଗୋଲାପ ପାଖୁଡ଼ାମାନ ସେତେ ଝରିବ। ତୃତୀୟ ଅପସନରେ କ୍ଲିକ କରି ଏହାକୁ ଆନିମେଶନ ସହ ସ୍କ୍ରିନକୁ ସେୟାର କରାଯାଇପାରିବ।