(Video) ମୁଖ୍ୟମନ୍ତ୍ରୀ ବସିଥିବା ବେଳେ ହଠାତ୍ ଷ୍ଟେଜରେ ଚଢିଗଲେ ଯୁବକ; ଫିଙ୍ଗିଦେଲେ ଶାଲ୍, ତା’ ପରେ….
ବେଙ୍ଗାଲୁରୁ: ମୁଖ୍ୟମନ୍ତ୍ରୀଙ୍କ ସୁରକ୍ଷାରେ ତ୍ରୁଟି । କର୍ଣ୍ଣାଟକର ମୁଖ୍ୟମନ୍ତ୍ରୀ ସିଦ୍ଦରମୈୟାଙ୍କ ସୁରକ୍ଷାରେ ତ୍ରୁଟି ଦେଖାଯାଇଛି । ମୁଖ୍ୟମନ୍ତ୍ରୀ ବସିଥିବା ବେଳେ ଷ୍ଟେଜ ଉପରକୁ ଚଢି ଯାଇଥିଲେ ଅଜଣା ଯୁବକ । କେହି କିଛି ବୁଝିବା ଆଗରୁ ହଠାତ୍ ମଞ୍ଚ ଉପରକୁ ଚଢି ମୁଖ୍ୟମନ୍ତ୍ରୀଙ୍କ ଆଡକୁ ଦୌଡୁଥିଲେ ଅଜ୍ଞାତ ଯୁବକ । କିନ୍ତୁ ସୌଭାଗ୍ୟବଶତଃ ସେ ମୁଖ୍ୟମନ୍ତ୍ରୀଙ୍କ ପାଖରେ ପହଞ୍ଚିବା ପୂର୍ବରୁ ଅଟକାଇ ଦେଇଥିଲେ ସୁରକ୍ଷାକର୍ମୀ । ତେବେ କେଉଁ କାରଣ ପାଇଁ ଏବଂ କେଉଁ ପରିସ୍ଥିତିରେ ଏଭଳି କାର୍ଯ୍ୟ କରିଲେ ସେନେଇ କୌଣସି ସୂଚନା ମିଳିନଥିବା ବେଳେ ପୋଲିସ ଅଧିକ ପଚରାଉଚରା ଜାରି ରହିଛି । ବେଙ୍ଗାଲୁରୁରେ ଡେମୋକ୍ରାସୀ ଡେ କାର୍ଯ୍ୟକ୍ରମ ଚାଲିଥିବା ବେଳେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ । ତେବେ ବର୍ତ୍ତମାନ ସେହି ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୂଚନା ଅନୁସାରେ, ପ୍ରେସିଡେନ୍ସି ଡେରେ ଯୋଗ ଦେବା ପାଇଁ ମୁଖ୍ୟମନ୍ତ୍ରୀ ଆସିଥିଲେ । ବୈଠକ ଚାଲିଥିବା ବେଳେ ମଞ୍ଚରେ ବସିଥିଲ ସିଦ୍ଦରମୈୟା । ସମସ୍ତେ ଏକାଠି ହୋଇ ବସିଥିବା ବେଳେ ଏହି ମୌକାରେ ଷ୍ଟେଜ ଉପରକୁ ଚଢି ଯାଇଥିଲେ ଜଣେ ଅଜ୍ଞାତ ଯୁବକ । ତେବେ ସେ ଷ୍ଟେଜ ଉପରେ ଦୌଡିବାକୁ ଚେଷ୍ଟା କରୁଥିବା ବେଳେ ତାଙ୍କୁ ଟାଣିଟାଣି ତଳକୁ ଅଣାଯାଇଥିଲା । ଏହାପରେ ସୁରକ୍ଷାକର୍ମୀମାନେ ପୋଲିସକୁ ଜିମା ଦେଇଥିଲେ । ପୋଲିସ ତାଙ୍କୁ ଗିରଫ କରିଥିବା ଜଣାପଡିଛି । ତେବେ ଗିରଫ ହୋଇଥିବା ଯୂବକଙ୍କ କହିବା ଅନୁସାରେ, ସେ ମୁଖ୍ୟମନ୍ତ୍ରୀଙ୍କୁ ଉତ୍ତରୀୟ ଦେବା ପାଇଁ ଆସିଥିଲେ ।
#WATCH | Bengaluru: There was an alleged security breach during an event of Karnataka CM Siddaramaiah. An unidentified person ran towards the stage where CM Siddaramaiah was present, but he was stopped by the police pic.twitter.com/668Ks4ICXt
— ANI (@ANI) September 15, 2024