ହସ୍ପିଟାଲରେ ଭର୍ତ୍ତି ହେଲେ ଶିବସେନା UBT ପ୍ରମୁଖ ଉଦ୍ଧବ ଠାକରେ, ପୁଅ ଆଦିତ୍ୟ ଦେଲେ ସ୍ୱାସ୍ଥ୍ୟ ଅପଡେଟ୍
ନୂଆଦିଲ୍ଲୀ: ମହାରାଷ୍ଟ୍ର ପୂର୍ବତନ ମୁଖ୍ୟମନ୍ତ୍ରୀ ତଥା ଶିବସେନା UBT ପ୍ରମୁଖ ଉଦ୍ଧବ ଠାକରେ ଅସୁସ୍ଥ ଅଛନ୍ତି । ସୋମବାର ଛାତିରେ ସମସ୍ୟା ଯୋଗୁଁ ତାଙ୍କୁ ମୁମ୍ବାଇ ସ୍ଥିତ ରିଲାଏନ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା । ହସ୍ୱିଟାଲରେ ତାଙ୍କ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।
ସୂଚନାରୁ ପ୍ରକାଶ ଦଶହରା ରାଲି ପରେ ଉଦ୍ଧବ ଠାକରେ ଅସୁସ୍ଥତା ଅନୁଭବ କରୁଥିଲେ । ହସ୍ପିଟାଲରେ ଯାଞ୍ଚ ପରେ ଡାକ୍ତର ତାଙ୍କ ହୃଦୟରେ ବ୍ଲକେଜ୍ ଥିବା ଜାଣିବାକୁ ପାଇଥିଲେ । ଏହା ପରେ ଡାକ୍ତର ଟିମ୍ ଉଦ୍ଧବଙ୍କ ଆଞ୍ଜିଓପ୍ଲାଷ୍ଟି କରାଇଥିଲେ । କହିରଖୁଛୁ ଉଦ୍ଧବ ଠାକରେ ପ୍ରଥମ ଥର ପାଇଁ ୨୦୧୨ରେ ଆଞ୍ଜିଓପ୍ଲାଷ୍ଟି କରାଇଥିଲେ । ଅପରପକ୍ଷରେ ଉଦ୍ଧବ ଠାକରେଙ୍କ ପୁଅ ତଥା ମହାରାଷ୍ଟ୍ରର ପୂର୍ବତନ କ୍ୟାବିନେଟ ମନ୍ତ୍ରୀ ଆଦିତ୍ୟ ଠାକରେ ‘ଏକ୍ସ’ରେ ଏକ ପୋଷ୍ଟ କରି ନିଜ ପିତାଙ୍କ ସ୍ୱାସ୍ଥ୍ୟ ଅପଡେଟ୍ ଦେଇ ଲେଖିଛନ୍ତି, ‘ଆଜି ସକାଳେ ରିଲାଏନ୍ସ ହସ୍ପିଟାଲରେ ତାଙ୍କର ଯାଞ୍ଚ କରାଯାଇଥିଲା । ଅପଣ ସମସ୍ତଙ୍କ ଶୁଭକାମନା ପାଇଁ ଧନ୍ୟବାଦ । ବର୍ତ୍ତମାନ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ଏବଂ ଲୋକଙ୍କ ସେବା ପାଇଁ ପ୍ରସ୍ତୁତ ଅଛନ୍ତି ।’
This morning, Uddhav Thackeray ji did a pre planned detailed check up at the Sir HN Reliance Hospital.
With your best wishes, All is well, and he is fully ready to get to work and serve the people.
— Aaditya Thackeray (@AUThackeray) October 14, 2024
