ବଦନାମ ହେବା ଡରରେ HIV ରୋଗୀ ଭାଇର ଥଣ୍ଟି ଚିପି ହତ୍ୟା କଲା ଭଉଣୀ, ଭିଣୋଇ ଫେରାର୍

ବେଙ୍ଗାଲୁରୁ: କର୍ଣ୍ଣାଟକର ଚିତ୍ରଦୁର୍ଗ ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି, ଯେଉଁଠାରେ ଜଣେ ୨୩ ବର୍ଷୀୟ ଯୁବକଙ୍କୁ HIV ରୋଗ ହେବ ପରେ ଭଉଣୀ ହତ୍ୟା କରିଛନ୍ତି।

ମୃତ ମଲ୍ଲିକାର୍ଜୁନ ଚିତ୍ରଦୁର୍ଗ ଜିଲ୍ଲାର ଡୁମ୍ମି ଗାଁର ବାସିନ୍ଦା, ଯାହାଙ୍କ ଭଉଣୀ ଓ ଭିଣୋଇ ପରିବାରର ସମ୍ମାନ ରକ୍ଷା କରିବା ନାମରେ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ଏ ମାମଲାରେ ପୋଲିସ ମୃତକଙ୍କ ଭଉଣୀ ନିଶାଙ୍କୁ ଗିରଫ କରିଥିବାବେଳେ ତାଙ୍କ ସ୍ୱାମୀ ମଞ୍ଜୁନାଥ ଫେରାର୍ ଅଛନ୍ତି।

ତଦନ୍ତ ଅନୁଯାୟୀ, ଅଭିଯୁକ୍ତ ମଲ୍ଲିକାର୍ଜୁନଙ୍କୁ HIV ପଜିଟିଭ୍ ଜଣାପଡିବା ପରେ ତାଙ୍କ ଗଳା ଚିପି ହତ୍ୟା କରାଯାଇଛି। ତାଙ୍କ ଭଉଣୀ ଓ ଭିଣୋଇ ଭୟ କରୁଥିଲେ ଭାଇର ରୋଗ ପରିବାରକୁ ବଦନାମ କରିବ। ପୋଲିସ ଅନୁଯାୟୀ, ମଲ୍ଲିକାର୍ଜୁନ ବେଙ୍ଗାଲୁରୁର ଏକ ଘରୋଇ ସଂସ୍ଥାରେ କାମ କରୁଥିଲେ।

୨୩ ଜୁଲାଇରେ, ଜଣେ ବନ୍ଧୁଙ୍କ କାରରେ ତାଙ୍କ ଗାଁକୁ ଯାଉଥିବା ସମୟରେ, ତାଙ୍କ କାର ଏକ ଟ୍ରକ୍ ସହିତ ଧକ୍କା ହୋଇଥିଲା, ଯାହା ଫଳରେ ମଲ୍ଲିକାର୍ଜୁନ ଗୁରୁତର ଆହତ ହୋଇଥିଲେ।

ନୂଆ ମୋଡ଼

ତାଙ୍କୁ ପ୍ରଥମେ ଚିତ୍ରଦୁର୍ଗର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା। ଅଧିକ ଚିକିତ୍ସା ପାଇଁ, ମଲ୍ଲିକାର୍ଜୁନଙ୍କୁ ଦାଭାନାଗେରେର ଏକ ଘରୋଇ ହସ୍ପିଟାଲକୁ ପଠାଯାଇଥିଲା, ଯେଉଁଠାରେ ଡାକ୍ତରମାନେ ଅସ୍ତ୍ରୋପଚାର ପୂର୍ବରୁ ନିୟମିତ ରକ୍ତ ପରୀକ୍ଷା ସମୟରେ ଆହତ ବ୍ୟକ୍ତିଙ୍କୁ HIV ପଜିଟିଭ୍ ବୋଲି ଜାଣିପାରିଲେ।

ଅସ୍ତ୍ରୋପଚାର ସମୟରେ ତାଙ୍କ ଗୋଡ଼ରେ ଏକ ରଡ୍ ମଧ୍ୟ ଭର୍ତି କରାଯାଇଥିଲା, କିନ୍ତୁ ପରେ ଡାକ୍ତରମାନେ ଅନିୟନ୍ତ୍ରିତ ରକ୍ତସ୍ରାବ ଯୋଗୁଁ ତାଙ୍କୁ ଏକ ବଡ଼ ହସ୍ପିଟାଲକୁ ନେବାକୁ ପରିବାରକୁ ପରାମର୍ଶ ଦେଇଥିଲେ।

ନିଶା ତା’ପରେ ତାଙ୍କୁ ବେଙ୍ଗାଲୁରୁର ଏକ ହସ୍ପିଟାଲକୁ ନେବା ପାଇଁ ପରାମର୍ଶ ଦେଇଥିଲେ। ତାଙ୍କ ବାପା ନାଗରାଜପ୍ପା ନିଶା ଏବଂ ତାଙ୍କ ସ୍ୱାମୀଙ୍କୁ ଅଧିକ ଚିକିତ୍ସା ପାଇଁ ମଲ୍ଲିକାର୍ଜୁନଙ୍କ ସହିତ ବେଙ୍ଗାଲୁରୁ ଯିବାକୁ ଅନୁରୋଧ କରିଥିଲେ।

ଜୁଲାଇ 25 ତାରିଖ ସନ୍ଧ୍ୟାରେ, ନିଶା ତାଙ୍କ ବାପାଙ୍କୁ କହିଥିଲେ ଯେ ସେମାନେ ମଲ୍ଲିକାର୍ଜୁନଙ୍କୁ ବେଙ୍ଗାଲୁରୁ ନେଉଥିଲେ। ହେଲେ ହଠାତ ମଲ୍ଲିକାର୍ଜୁନ ରାସ୍ତାରେ ପ୍ରାଣ ହରାଇଦେଲେ ।

ବାହାରିଲା ସତ

ସନ୍ଦେହ ବଢ଼ିବା ପରେ, ନାଗରାଜପ୍ପା ତାଙ୍କ ଝିଅ ଏବଂ ଜ୍ୱାଇଁଙ୍କୁ ପଚରାଉଚରା କରିଥିଲେ। ନିଶା ସେମାନଙ୍କୁ କହିଥିଲେ ଯେ ମଲ୍ଲିକାର୍ଜୁନ HIVରେ ଆକ୍ରାନ୍ତ ଥିଲେ, ଭାରୀ ଋଣଗ୍ରସ୍ତ ହେବ ଯୋଗୁ ଚିନ୍ତାରେ ଥିଲେ।

ହେଲେ ପରବର୍ତୀ ସମୟରେ ନିଶା ଓ ତାଙ୍କ ସ୍ୱାମୀ ମଲ୍ଲିକାର୍ଜୁନଙ୍କ ମୁହଁରେ କମ୍ବଳ ଦେଇ ହତ୍ୟା କରିଥିବା ସ୍ୱୀକାର କଲେ । ସେମାନଙ୍କୁ ଡର ଥିଲା HIV ତାଙ୍କ ବୁଢା ବାପା, ମା’ଙ୍କୁ ହୋଇଯିବ ସେଥିପାଇଁ ସେମାନେ ଭାଇକୁ ହତ୍ୟା କରିବାର ଷଡ଼ଯନ୍ତ୍ର କଲେ ।