ବଜେଟରେ ମିଳିଲା ମହିଳା ସଶକ୍ତି କରଣକୁ ପ୍ରାଧାନ୍ୟ, ମିଶନ ଶକ୍ତି ପାଇଁ ..

ଭୁବନେଶ୍ୱର: ଆଜି ୨୦୨୩ ଆର୍ଥିକ ବର୍ଷ ପାଇଁ ରାଜ୍ୟ ବଜେଟ ଉପସ୍ଥାପନା ହେଉଛି । ଏହାକୁ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଉପସ୍ଥାପନ କରୁଛନ୍ତି । ତେବେ ଚଳିତ ବଜେଟରେ ସବୁ କ୍ଷେତ୍ରକୁ ଧ୍ୟାନ ଦିଆଯାଉଛି । ୨ଲକ୍ଷ ୩୦ ହଜାର କୋଟିର ବଜେଟ ପ୍ରସ୍ତୁତ ହୋଇଛି । ଏହା ସହିତ ମହିଳା ବିକାଶ ଠାରୁ ଆରମ୍ଭ କରି କୃଷି ,ଶିକ୍ଷା,ଶକ୍ତି କ୍ଷେତ୍ରକୁ ମଧ୍ୟ ପ୍ରାଧାନ୍ୟ ଦିଆଯାଇଛି ।

ଚଳିତ ବଜେଟରେ ଉଚ୍ଚଶିକ୍ଷା ପାଇଁ ୩୧୭୨ କୋଟି ଟଙ୍କା,ମିଶନ ଶକ୍ତି ପାଇଁ ୨,୫୫୪ କୋଟି ବ୍ୟୟବରାଦ ହୋଇଥିବା ବେଳେ ରାଜସ୍ୱ ଓ ବିପର୍ଯ୍ୟୟ ପ୍ରଶମନ ପାଇଁ ୩୭୬୪ କୋଟି ଶକ୍ତିବିଭାଗ ପାଇଁ ୫୯୫୩ କୋଟି ଟଙ୍କା ଗୃହ ବିଭାଗ ପାଇଁ ୭ହଜାର ୩୧୩ କୋଟି ମହିଳା ଓ ଶିଶୁ ବିକାଶ ପାଇଁ ୩୬୭୦ କୋଟି ବ୍ୟୟ ବରାଦ ହୋଇଛି।
ଏହା ସହିତ ଜନସ୍ୱାସ୍ଥ୍ୟ ସେବାପାଇଁ ୧୬ ହଜାର ୪୮ କୋଟି, କାଳିଆ ଯୋଜନା ପାଇଁ ୧ହଜାର ୮ଶହ ୭୯ କୋଟି, କୃଷି ପାଇଁ ୨୪,୮୨୯ କୋଟି ବ୍ୟୟ ବରାଦ ହୋଇଛି।