ଗାଡ଼ିରେ ବସିଲା ବେଳେ ବାନ୍ତି ଲାଗୁଛି କି? ପାଖରେ ରଖନ୍ତୁ ଏହି ୩ଟି ଜିନିଷ
ବହୁତ ଗୁଡିଏ ଲୋକ ଅଛନ୍ତି ଯିଏ ବସ କିମ୍ବା ଚାରି ଚକିଆ ଯାନରେ ବସିବା ମାତ୍ରେ ବାନ୍ତି କରିଥାନ୍ତି । ସେହି ବନ୍ଦ ଗାଡି ଭିତରେ ତାଜା ପବନର ପରିମାଣ କମ ଥାଏ । ଏବଂ ଆପଣଙ୍କ ଶରୀରର ରକ୍ତ ସଂଚାଳନ ମନ୍ଥର ଗତିରେ ହୋଇଥାଏ ହେଲେ ସେହି ହିସାବରେ ଆପଣ ନିୟନ୍ତ୍ରଣ କରିପାରନ୍ତି ନାହିଁ । ଯାହାପାଇଁ ଆପଣଙ୍କ ଦେହ ବୁଲାଇ ବାନ୍ତି ହୋଇଥାଏ । ଏହି କାରଣରୁ ଆପଣଙ୍କ ଯାତ୍ରା ଦୁଃଖ ଦାୟକ ହୋଇଥାଏ । ଆପଣ ଯଦି ଏହି ସମସ୍ୟାର ସାମ୍ନା କରୁଛନ୍ତି ତେବେ ଯାତ୍ରା କରିବା ସମୟରେ ଏହି ୩ଟି ଜିନିଷ ପାଖରେ ରଖନ୍ତୁ । ଏହାକୁ ପାଖରେ ରଖିବା ଦ୍ୱାରା ଆପଣ କେବେ ବି ଅଶୁବିଧାରେ ପଡିବେ ନାହିଁ । ଆସନ୍ତୁ ଜାଣିବା ଏହି ୩ଟି ଜିନିଷ କ’ଣ…
ସାଧାରଣତଃ ଅଦାକୁ ଚା ଏବଂ ତରକାରୀରେ ବାସ୍ନା ପାଇଁ ବ୍ୟବହାର କରାଯାଇଥାଏ । ହେଲେ ପ୍ରକୃତରେ ଏହା ଏକ ଆୟୁର୍ବେଦ ଔଷଧ । ଯଦି ଆପଣଙ୍କୁ ବାନ୍ତି ଲାଗୁଛି ତେବେ ଅଦାକୁ ବ୍ୟବହାର କରିପାରିବେ । ସେଥିପାଇଁ କୌଣସି ଦୂର ଯାଗାକୁ ଯାତ୍ରା କରିବା ସମୟରେ ଏହାକୁ ସାଂଗରେ ନେଇ ଯାଆନ୍ତୁ । ଯଦି ଅଦା ନେବାକୁ ପସନ୍ଦ କରୁ ନାହାନ୍ତି ତେବେ ଅଦା ଯୁକ୍ତ ଗରମ ପାଣି ବା ଚାହାକୁ ନେଇ ପାରିବେ । ବାନ୍ତି ଆସିଲା ମାତ୍ରେ ଏହାକୁ ପି ନିଅନ୍ତୁ ।
ବାନ୍ତି ଲାଗିଲେ ଆପଣ କଦଳୀକୁ ମଧ୍ୟ ଖାଇପାରିବେ । କାରଣ କଦଳୀ ପୋଟାସିୟମକୁ ଷ୍ଟୋର କରିବାରେ ସାହାଯ୍ୟ କରିଥାଏ । ଏହାକୁ ଖାଇବା ମାତ୍ରେ ଦେହ ବୁଲାଇବାକୁ ତୁରନ୍ତ ଠିକ କରିଦିଏ । ଯଦି ଆପଣ କାର, ବସ କିମ୍ବା ଟ୍ରେନରେ କୁଆଡେ ଯାଉଛନ୍ତି ତେବେ ବ୍ୟାଗରେ ୩-୫ଟି କଦଳୀ ରଖିବାକୁ ଭୁଲନ୍ତୁ ନାହିଁ ।
ଆପଣ ସମସ୍ତଙ୍କୁ ଜଣା ଥିବ ବାନ୍ତି ଉଠାଇଲେ ଲେମ୍ବୁକୁ ପାଟିରେ ମାରିଲେ ବାନ୍ତି ଅଟକି ଯାଏ । ତେବେ ଆପଣ ଦୂର ଯାଗାକୁ ଯାତ୍ରା କରିବା ସମୟରେ ଲେମ୍ବୁକୁ ମଧ୍ୟ ପାଖରେ ରଖନ୍ତୁ, । ଯଦି ଗ୍ୟାସ ହେଉଛି କି ଦେହ ବୁଲାଉଛି ତେବେ ଲେମ୍ବୁକୁ ପାଟିରେ ଚିପୁଡ଼ି ରଶକୁ ଖାଆନ୍ତୁ । ଲେମ୍ବୁ ରସକୁ ଖାଇବାର ଫଳ ସାଙ୍ଗେ ସାଙ୍ଗେ ଅନୁଭବ କରିପାରିବେ । ଏହା ବାନ୍ତିକୁ ଅଟକାଇବାର ଅତ୍ୟନ୍ତ ଲାଭ ଦାୟକ ।
