(video)ପ୍ରକୃତିର ବିନାଶକାରୀ ତାଣ୍ଡବ ଦୃଶ୍ୟ, ଭିଡ଼ିଓ ଦେଖିଲେ ଅନୁମାନ କରିପାରିବେ କିଭଳି ଭୟଙ୍କର ରୂପଧାରଣ କରି କରେ..
ନୂଆଦିଲ୍ଲୀ: କାଲିଫର୍ନିଆରେ ପ୍ରବଳ ଘୂର୍ଣ୍ଣିବଳୟ ଯୋଗୁଁ ଅନେକ ଘରର ଛାତ ସମ୍ପୂର୍ଣ୍ଣ ଭାଙ୍ଗି ଯାଇଛି। ଝରକା ଏବଂ କବାଟଠାରୁ ଆରମ୍ଭ କରି ବିଳାସପୂର୍ଣ୍ଣ କାର ପର୍ଯ୍ୟନ୍ତ, ପ୍ରକୃତିର ତାଣ୍ଡବର ସମ୍ମୁଖୀନ ହେଇଛି ।
ବର୍ତ୍ତମାନ ଏହି ଘଟଣାର ଅନେକ ଚିତ୍ର ଏବଂ ଭିଡିଓ ସୋସିଆଲ ମିଡିଆରେ ପ୍ରକାଶ ପାଇଛି । ମଙ୍ଗଳବାର ସନ୍ଧ୍ୟାରେ କାଲିଫର୍ନିଆର ମୋଣ୍ଟେବେଲୋରେ ଏକ ଝଡ ସୃଷ୍ଟି ହୋଇଥିଲା। ରାଜଧାନୀ ଲସ୍ ଆଞ୍ଜେଲସ୍ ରୁ କିଛି କିଲୋମିଟର ଦୂରରେ ଏହି ଝଡ଼ ଯୋଗୁଁ ସହର ଧ୍ୱଂସ ହୋଇଯାଇଥିଲା। ଅନେକ ଘର କ୍ଷତିଗ୍ରସ୍ତ ହୋଇଛି। ସହରର ଅନେକ ବାସିନ୍ଦା ଆହତ ହୋଇଥିଲେ।
Tornado hits south maple ave in Montebello tearing the roof off multiple buildings and destroying multiple cars pic.twitter.com/yJrbuPMccj
— Tornado Nate 🌪️ (@njtehcherchian) March 22, 2023
ଭିଡିଓରେ ଏହା ଦୃଶ୍ୟମାନ ହେଉଛି ଯେ ଚାରିଆଡେ ପବନର ଘୂର୍ଣ୍ଣିବାତ୍ୟା ସବୁ କିଛି ନଷ୍ଟ କରିଦେଉଛି । ଏହାର ପଥରେ ଯାହା ଆସୁଛି କିପରି ଏହା ତୁରନ୍ତ ନଡ଼ା ପରି ଉଡି ଯାଉଛି । ଏହାସହିତଘରଗୁଡ଼ିକର ଛାତ ଉଡିଯାଇଥିବା ଦେଖିବାକୁ ମିଳିଛି ।
ପ୍ରତ୍ୟକ୍ଷଦର୍ଶୀମାନେ ସୋସିଆଲ ମିଡିଆରେ ଏହାର ଭୟଙ୍କର ରୂପର ଚିତ୍ର ସେୟାର କରିଥିଲେ। ଘୂର୍ଣ୍ଣିବଳୟରେ ସେ ତାଙ୍କ ଅନୁଭୂତି ବିଷୟରେ ମଧ୍ୟ କହିଛନ୍ତି। ସେ କହିଛନ୍ତି ଯେ ସହରରେ୨୫ ଟି ଘର କ୍ଷତିଗ୍ରସ୍ତ ହୋଇଛି। ଆହୁରି ମଧ୍ୟ ଅନେକ ଗଛ ପଡିଛି । ଶକ୍ତିଶାଳୀ ଘୂର୍ଣ୍ଣିବଳୟ ଅଧିକ ବିନାଶକାରୀ। ପାଣିପାଗ ବିଜ୍ଞାନୀମାନେ ଘୂର୍ଣ୍ଣିବଳୟକୁ ପ୍ରକୃତିର ସବୁଠାରୁ ବିନାଶକାରୀ ଝଡ଼ ବୋଲି ଚିହ୍ନଟ କରନ୍ତି ।
Part 2 pic.twitter.com/r3nHLvMNUe
— Tornado Nate 🌪️ (@njtehcherchian) March 23, 2023
ସୂଚନାମୁତାବକ ଅନେକ ସ୍ଥାନରେ ବିଦ୍ୟୁତ ଯୋଗାଣ ମଧ୍ୟ ବ୍ୟାହତ ହୋଇଥିଲା। ମିସିସିପିରେ କୋଠାଗୁଡ଼ିକ ନଷ୍ଟ ହୋଇଯାଇଥିଲା । ସବୁ ସ୍ଥାନରେ କେବଳ ତାଣ୍ଡବର ପରବର୍ତ୍ତୀ ଦୃଶ୍ୟ ଦେଖିବାକୁ ମିଳିଛି । ଲୋକଙ୍କୁ ରିଲିଫ ସାମଗ୍ରୀ ଯୋଗାଇ ଦିଆଯାଉଛି।
