ସୁବାଷ ଚନ୍ଦ୍ର ବୋଷଙ୍କର କିପରି ହୋଇଥିଲା ମୃତ୍ୟୁ? ଜାଣନ୍ତୁ ବିମାନ ଦୁର୍ଘଟଣା ଏବଂ ନିଖୋଜ ହେବାର ରହସ୍ୟ
ନୂଆଦିଲ୍ଲୀ: ମହାନ ସ୍ୱାଧୀନତା ସଂଗ୍ରାମୀ ନେତାଜୀ ସୁବାଷ ଚନ୍ଦ୍ର ବୋଷଙ୍କର ଆଜି ଜନ୍ମ ଦିବସ । ସାରା ଦେଶ ଏହି ଦିନକୁ ପରାକ୍ରମ ଦିବସ ଭାବେ ପାଳନ କରୁଛି । ସରକାର ୨୦୨୧ ମସିହାରେ ନେତାଜୀ ସୁବାଷ ଚନ୍ଦ୍ର ବୋସଙ୍କ ଜନ୍ମଦିନକୁ ୨୩ ଜାନୁଆରୀ ଦିନ ପରାକ୍ରମ ଦିବସ ଭାବେ ପାଳନ କରିବାକୁ ଘୋଷଣା କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁବାଷ ଚନ୍ଦ୍ର ବୋଷଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରିଛନ୍ତି ଏବଂ କହିଛନ୍ତି ଯେ, ଦେଶର ସ୍ୱାଧୀନତା ପାଇଁ ତାଙ୍କର ଅତୁଟ ସମର୍ପଣ ଆଜି ମଧ୍ୟ ଯୁବପିଢିଙ୍କୁ ପ୍ରେରିତ କରୁଛି । ସେ ଏକ୍ସର ଏକ ପୋଷ୍ଟରେ କହିଛନ୍ତି ଯେ, ପରାକ୍ରମ ଦିବସରେ ଭାରତର ଲୋକମାନଙ୍କୁ ଅଭିନନ୍ଦନ । ଆଜି ନେତାଜୀ ସୁବାସ ଚନ୍ଦ୍ର ବୋଷଙ୍କ ଜୟନ୍ତି ଏବଂ ଆମେ ତାଙ୍କ ଜୀବନ ଏବଂ ସାହସର ସମ୍ମାନ କରୁଛୁ । ଆମ ଦେଶର ସ୍ୱାଧୀନତା ପାଇଁ ତାଙ୍କର ଅତୁଟ ସମର୍ପଣ ଆଜି ମଧ୍ୟ ଆମକୁ ପ୍ରେରିତ କରୁଛି ।
ଏହାରି ମଧ୍ୟରେ ଆଜି ମଧ୍ୟ ସୁବାଷ ଚନ୍ଦ୍ର ବୋଷଙ୍କର ମୃତ୍ୟୁକୁ ରହସ୍ୟ ବୋଲି କୁହାଯାଉଛି । ବହୁ ଲୋକଙ୍କ କହିବାନୁଯାୟୀ, ବିମାନ ଦୁର୍ଘଟଣାରେ ସୁବାଷ ଚନ୍ଦ୍ର ବୋଷଙ୍କର ମୃତ୍ୟୁ ଘଟିଥିଲା । କିଛି ଲୋକେ କହିଛନ୍ତି ଯେ, ଏହି ଦୁର୍ଘଟଣାରେ ତାଙ୍କର ମୃତ୍ୟୁ ଘଟିନଥିଲା ।
୧୯୪୫ ମସିହା ଅଗଷ୍ଟ ୧୮ ତାରିଖରେ ତାଇବାନର ତାଇପେଇରେ ଉଡାଣ ଭରିବା ସମୟରେ ଏକ ବିମାନ ଦୁର୍ଘଟଣା ଘଟିଥିଲା । କୁହାଯାଏ ଯେ, ସୁବାଷ ଚନ୍ଦ୍ର ବୋଷ ଏହି ଏୟାରକ୍ରାଫ୍ଟରେ ଯାତ୍ରା କରୁଥିଲେ । ଏହାପରେ ବୋଷ କୋମାକୁ ଚାଲିଯାଇଥିଲେ ଏବଂ ରାତି ୯ ରୁ ୧୦ଟା ମଧ୍ୟରେ ତାଙ୍କର ଦେହାନ୍ତ ଘଟିଥିଲା । ହେଲେ ବୋଷଙ୍କର ମୃତଦେହ ବା କୌଣସି ଫଟୋ ଏପର୍ଯ୍ୟନ୍ତ ମିଳିନାହିଁ କି କୌଣସି ଅଫିସିଆଲ ମୃତ୍ୟୁ ପ୍ରମାଣପତ୍ର ଜାରି ହୋଇନାହିଁ । ଏହି କାରଣରୁ ଭାରତୀୟ ରାଷ୍ଟ୍ରୀୟ ସେନାର ଲୋକେ ଏନେଇ ସହମତ ହୋଇନଥିଲେ । ସେ ଏହାକୁ ଷଡଯନ୍ତ୍ର ବୋଲି କହିଥିଲେ । ନେତାଜୀଙ୍କ ଦେହାନ୍ତର କିଛି ଘଣ୍ଟା ମଧ୍ୟରେ କୌଣସି ବିମାନ ଦୁର୍ଘଟଣା ଘଟିନାହିଁ ।
୧୯୫୦ ଦଶକରେ ସୁବାଷ ଚନ୍ଦ୍ର ବୋଷଙ୍କୁ ନେଇ କିଛି କମ୍ପାନୀମାନ ସାମ୍ନାକୁ ଆସିଥିଲେ । ଏପରି କୁହାଗଲା ଯେ, ସୁବାଷ ଚନ୍ଦ୍ର ବୋଷ ଯୋଗୀ ହୋଇଯାଇଛନ୍ତି । ଐତିହାସିକ ଲିୟୋନାର୍ଡ ଏ,ଗାର୍ଡେନ ୧୯୬୦ ମସିହାରେ ଏନେଇ ନିଜର ଯୁକ୍ତି ବାଢିଥିଲେ । ବୋଷଙ୍କର କିଛି ସହଯୋଗୀ ସୁବାଷବାଦୀ ଜନତା ଗୋଷ୍ଠୀ ଗଠନ କରିଥିଲେ । ଏମାନଙ୍କ କହିବା ଅନୁଯାୟୀ, ବୋଷ କଲିକତାର ଶୌଲମାରୀ ସ୍ଥିତ ଅଭ୍ୟାରଣ୍ୟକୁ ଚାଲିଯାଇଛନ୍ତି । କିଛି ଏପରି ମଧ୍ୟ ରିପୋର୍ଟ ଅଛି ଯାହା ବିମାନ ଦୁର୍ଘଟଣାରେ ନେତାଜୀଙ୍କ ମୃତ୍ୟୁକୁ ଏପରି ଦାବି କରନ୍ତି । ସେମାନଙ୍କ କହିବାନୁଯାୟୀ, ବୋଷ ମିସ୍ୟୁବିଶୀ କେ-୨୧ ବୋମାରେ ଯାତ୍ରା କରୁଥିଲେ । ଯାହା ତାଇପେଇରେ ଉଡାଣ ଭରିବାର କିଛି କ୍ଷଣିରେ ଦୁର୍ଘଟଣାଗ୍ରସ୍ତ ହୋଇଛି ।
