ଉତ୍କଳ ସଙ୍ଗୀତ ମହାବିଦ୍ୟାଳୟରେ ଅଘଟଣ: ହଷ୍ଟେଲରେ ଝୁଲିପଡ଼ିଲେ କଲେଜ ଛାତ୍ରୀ

ଭୁବନେଶ୍ୱର: ଉତ୍କଳ ସଙ୍ଗୀତ ମହାବିଦ୍ୟାଳୟର ଜଣେ ଛାତ୍ରୀ ନେଇଛନ୍ତି ବଡ଼ ପଦକ୍ଷେପ । ଲେଡିଜ ହଷ୍ଟେଲରେ ରହୁଥିବା ବେଳେ ସେହିଠାରେ ସେ ଆତ୍ମହତ୍ୟା କରିଛନ୍ତି । ମୃତ ଛାତ୍ରୀଙ୍କ ନାମ ଉତ୍କଳିକା ସ୍ୱାଇଁ ବୋଲି ସୂଚନା ମିଳିଛି ।

କଲେଜର ହଷ୍ଟେଲରେ ରହୁଥିଲେ +୨ ଶ୍ରେଣୀର ଏହି ଛାତ୍ରୀ ଜଣକ । କିନ୍ତୁ ହଷ୍ଟେଲରେ କେହି ନଥିବାର ସୁଯୋଗ ନେଇ ସେ ଆତ୍ମହତ୍ୟା କରିଛନ୍ତି ।

ଓଢ଼ଣୀ ସାଜିଲା ମୃତ୍ୟୁର ଅସ୍ତ୍ର: ହଷ୍ଟେଲରେ ଅନ୍ୟ ପିଲାଙ୍କ ଅନୁପସ୍ଥିତ ସମୟରେ ଓଢଣୀ ଲଗାଇ ଝୁଲି ପଡ଼ିଛନ୍ତି ଏହି ଛାତ୍ରୀ ଜଣକ । ମୃତ ଛାତ୍ରୀଙ୍କ ଘର କେନ୍ଦ୍ରାପଡ଼ାରେ ହୋଇଥିବା ଜାଣିବାକୁ ମିଳିଛି ।

କାରଣ ଅସ୍ପଷ୍ଟ: ଆତ୍ମହତ୍ୟାର କାରଣ ଅସ୍ପଷ୍ଟ ହୋଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।