ଆୟୁର୍ବେଦରୁ ମିଳିଲା ସାଇଟିକାର ସଫଳ ଚିକିତ୍ସା ପଦ୍ଧତି; କରନ୍ତୁ ଏହି ପତ୍ରର ସେବନ….
ଓଡ଼ିଶା ଭାସ୍କର: ହାଡ଼ ଆମ ଶରୀରର ଏକ ଗୁରୁତ୍ୱପୂର୍ଣ୍ଣ ଅଂଶ । ଆମକୁ ଠିଆ ହେବାଠୁ ନେଇ ସବୁ କାର୍ଯ୍ୟ କରିବାକୁ ହାଡ଼ ସାହାଯ୍ୟ କରିଥାଏ । ହାଡ଼ ସାଧାରଣତଃ କ୍ରମାଗତ ଭାବରେ ନଷ୍ଟ ହେବା ଏବଂ ଗଠନ ହେବାରେ ଲାଗିଥାଏ । ଯେତେବେଳେ ଆମ ଶରୀରର ବୃଦ୍ଧି ଘଟେ, ସେତେବେଳେ ହାଡ଼ ଗଠନ ପ୍ରକ୍ରିୟା ଦ୍ରୁତ ହୁଏ, କିନ୍ତୁ ବୟସ ବଢ଼ିବା ସହିତ ଏହି ପ୍ରକ୍ରିୟା ମନ୍ଥର ହୋଇଯାଏ । ଏହି କାରଣରୁ ବୟସ ବଢ଼ିବା ସହିତ ହାଡ଼ ଦୁର୍ବଳ ହେବା ଆରମ୍ଭ ହୋଇଥାଏ। ହାଡ଼କୁ ମଜବୁତ କରିବା ପାଇଁ ଆମକୁ ଖାଦ୍ୟପେୟ ପ୍ରତି ବିଶେଷ ଧ୍ୟାନ ଦେବାକୁ ପଡ଼ିବ । ଏମିତି କିଛି ଜିନିଷ ଅଛି ଯାହା ହାଡ଼କୁ ଦୁର୍ବଳ କରିଥାଏ । ଏବଂ ସାଇଟିକା ଭଳି ରୋଗ ସୃଷ୍ଟି ହୋଇଥାଏ।
ସାଇଟିକାର ଲକ୍ଷଣ- ଗୋଟିଏ ଗୋଡର ଆଙ୍ଗୁଠିରୁ ଅଣ୍ଟା ପର୍ଯ୍ୟନ୍ତ ଯନ୍ତ୍ରଣାକୁ ସାଇଟିକା କୁହାଯାଏ । ଅଧିକାଂଶ ସମୟରେ ଆଙ୍ଗୁଠିରୁ ଅଣ୍ଟା ପର୍ଯ୍ୟନ୍ତ ଯନ୍ତ୍ରଣା ହୋଇଥାଏ ଯାହା କ୍ରମାଗତ ଭାବରେ ହୋଇଥାଏ । ଏହାର ମୁଖ୍ୟ ଲକ୍ଷଣ ହେଉଛି ଯନ୍ତ୍ରଣା କେବଳ ଗୋଟିଏ ଗୋଡରେ ହୋଇଥାଏ । ଯନ୍ତ୍ରଣା ଏତେ ଭୟଙ୍କର ଯେ ରୋଗୀ ଶୋଇପାରେ ନାହିଁ।
ଉପଚାର- ନଷ୍ଟ ହୋଇନଥିବା ୧୦-୧୫ଟି ଗଙ୍ଗ ଶିଉଳି ପତ୍ରକୁ ତୋଳି ନିଅନ୍ତୁ। ପତ୍ରଗୁଡ଼ିକୁ ଧୋଇ ଗ୍ରାଇଣ୍ଡର କିମ୍ବା ଅନ୍ୟ କୌଣସି ଉପାୟରେ ବାଟି ଦିଅନ୍ତୁ। କମ୍ ଆଞ୍ଚରେ ୨ କପ୍ ପାଣିରେ ଫୁଟାନ୍ତୁ। ଚା’ ଭଳି ପ୍ରସ୍ତୁତ କରନ୍ତୁ। ଏହାକୁ ଚା’ଭଳି ଗରମ ଗରମ ପିଅନ୍ତୁ। ପ୍ରଥମ ଥରରେ ୧୦% ଲାଭ ହେବ। ଦିନକୁ ୨ ଥର ପିଅନ୍ତୁ। ଗଙ୍ଗ ଶିଉଳି ପତ୍ରର କାଢ଼ା ପିଇବା ପୂର୍ବରୁ ଓ ପରେ ୧୫ ମିନିଟ୍ ପର୍ଯ୍ୟନ୍ତ ଥଣ୍ଡା ପାଣି ପିଅନ୍ତୁ ନାହିଁ। କୌଣସି ଖଟା ଜିନିଷ ଯେପରିକି- ଦହି, ଲସ୍ସି ଓ ଆଚାର ଖାଆନ୍ତୁ ନାହିଁ।
ବି.ଦ୍ର.- ଏହା ହେଉଛି ଏକ ଆୟୁର୍ବେଦ ଚିକିତ୍ସା ପଦ୍ଧତି, ଏହାର କୌଣସି ସାଇଡ୍ ଇଫେକ୍ଟ୍ ନାହିଁ। ଯଦି ଶରୀରରେ ଅନ୍ୟ କିଛି ସମସ୍ୟା ଥାଏ ତେବେ ଏହି ଉପଚାର କରିବା ପୂର୍ବରୁ ଡାକ୍ତରଙ୍କ ପରାମର୍ଶ କରନ୍ତୁ।