କାଲିଠୁ ଆରମ୍ଭ ହେବ ପିତୃପକ୍ଷ: ଜାଣନ୍ତୁ ସ୍ୱପ୍ନରେ ପିତୃପୁରୁଷଙ୍କୁ ଦେଖିବା ଦ୍ୱାରା ମିଳିଥାଏ ଶୁଭ ନା ଅଶୁଭ ସଙ୍କେତ ?

ଜ୍ୟୋତିଷ ଶାସ୍ତ୍ର ଅନୁସାରେ ଭାଦ୍ରବ ମାସ ପୂର୍ଣ୍ଣିମା ତିଥିରୁ ଆରମ୍ଭ କରି ଆଶ୍ୱିନ ମାସ ଅମାବାସ୍ୟା ପର୍ଯ୍ୟନ୍ତ ପିତୃପକ୍ଷ ରହିଥାଏ । ହିନ୍ଦୁ ଧର୍ମରେ ଏହାର ମହତ୍ୱ ଅଧିକ । ଏହି ସମସୟ ମଧ୍ୟରେ ପିତୃ ପୁରୁଷଙ୍କୁ ଶାନ୍ତି କରିବା ପାଇଁ ତର୍ପଣ ଶ୍ରାଦ୍ଧ ଏବଂ ପିଣ୍ଡଦାନ କରାଯାଇଥାଏ । ଯାହାଫଳରେ ପିତୃପୁରୁଷଙ୍କ ଆର୍ଶିବାଦ ପ୍ରାପ୍ତି ହୋଇଥାଏ ।

ଚଳିବ ବର୍ଷ ୧୭ ସେପ୍ଚେମ୍ବର ରୁ ପିତୃପକ୍ଷ ଆରମ୍ଭ ହେବ । ପିତୃପକ୍ଷ ଚାଲିବା ସମୟରେ ୧୫ ଦିନ ପର୍ଯ୍ୟନ୍ତ ଶ୍ରଦ୍ଧାରେ ରୀତିନୀତି କରାଯାଏ । କୁହାଯାଏ ଯେ, ଏହି ଦିନ ପାଇଁ ପିତୃପୁରୁଷମାନେ ସେମାନଙ୍କ ବଂଶଧରମାନଙ୍କ ମଧ୍ୟରେ ରୁହନ୍ତିି । ସେମାନଙ୍କ ଦ୍ୱାରା କରାଯାଇଥିବା ତର୍ପଣ, ଶ୍ରାଦ୍ଧ ଏବଂ ପିଣ୍ଡ ଦାନ ଇତ୍ୟାଦିରେ ସନ୍ତୁଷ୍ଟ ହୋଇ ସେମାନେ ବଂଶ ବୃଦ୍ଧି, ସୁଖ ଏବଂ ସମୃଦ୍ଧତା ପାଇଁ ଆଶୀର୍ବାଦ କରନ୍ତି । ଏହି ସମୟ ମଧ୍ୟରେ ଶ୍ରାଦ୍ଧ, ତର୍ପଣ ଏବଂ ପିଣ୍ଡ ଦାନ ଇତ୍ୟାଦି କରିବା ଶୁଭ ବୋଲି ବିବେଚନା କରାଯାଏ । ଏକ ବିଶ୍ୱାସ ଅଛି ଯେ ପିତୃପକ୍ଷରେ ପିତୃପୁରୁଷମାନେ ଖୁସି କିମ୍ବା କ୍ରୋଧିତ ହେଲେ ସ୍ୱପ୍ନରେ ଦେଖାଯାଏ । ଏହି ସମୟ ମଧ୍ୟରେ ଯଦି ଆପଣଙ୍କୁ ପିତୃପୁରୁଷଙ୍କ ଦର୍ଶନ ଦେଉଛନ୍ତି, ତେବେ ପିତୃପୁରୁଷଙ୍କ କେଉଁ ରୂପ କ’ଣ ସୂଚାଏ ତାହା ଆସନ୍ତୁ ଜାଣିବା…

ପିତୃପୁରୁଷମାନେ ହାତ ବଢ଼ାଇଥିବାର ନଜର ଆସିବେ :-
ଜ୍ୟୋତିଷ ଶାସ୍ତ୍ର ଅନୁଯାୟୀ, ଯଦି ଜଣେ ବ୍ୟକ୍ତି ପିତୃପକ୍ଷରେ ନିଜ ସ୍ୱପ୍ନରେ ତାଙ୍କର କୌଣସି ପିତୃପୁରୁଷ ତାଙ୍କ ଆଡକୁ ହାତ ବଢ଼଼ାଇଥିବାର ଦେଖନ୍ତି, ତେବେ ଏହା ସ୍ୱପ୍ନ ଶାସ୍ତ୍ରରେ ଶୁଭ ବୋଲି ବିବେଚନା କରାଯାଏ । ଏହି ସ୍ୱପ୍ନର ଅର୍ଥ ହେଉଛି ବ୍ୟକ୍ତିର ପୂର୍ବପୁରୁଷମାନେ ତାଙ୍କ ଉପରେ ଖୁସି ଅଛନ୍ତି ଏବଂ ସମସ୍ତ ସମସ୍ୟା ଶୀଘ୍ର ଦୂର ହେବାକୁ ଯାଉଛି । ଏହା ବ୍ୟତୀତ ସୁଖ ଏବଂ ସମୃଦ୍ଧତା ଘରେ ରହିବାକୁ ଯାଉଛି ।

ମିଠା ବଣ୍ଟନ କରୁଥିବା ଦେଖିଲେ :-

ସ୍ୱପ୍ନ ଶାସ୍ତ୍ର ଅନୁଯାୟୀ, ଯଦି ପିତୃପକ୍ଷରେ ପିତୃପୁରୁଷମାନେ ସ୍ୱପ୍ନରେ ମିଠା ବଣ୍ଟନ କରୁଥିବା ଦେଖାଯାଆନ୍ତି, ତେବେ ଏହା ମଧ୍ୟ ଏକ ଶୁଭ ସଙ୍କେତ ଭାବରେ ବିବେଚନା କରାଯାଏ । ଏହାର ଅର୍ଥ ପିତୃପୁରୁଷମାନେ ଆପଣଙ୍କ ଦ୍ୱାରା କରାଯାଇଥିବା ଶ୍ରାଦ୍ଧ କର୍ମ, ତର୍ପଣ ଏବଂ ପିଣ୍ଡ ଦାନ ଗ୍ରହଣ କରିଛନ୍ତି ଏବଂ ସେମାନେ ସନ୍ତୁଷ୍ଟ ଅଛନ୍ତି । ଏବେ ଖୁବ୍ ଶୀଘ୍ର ଘରେ କିଛି ନୂଆ ଖୁସି ଖବର ଆସିବାକୁ ଯାଉଛି ।

ପିତୃପୁରୁଷଙ୍କ ସହ କଥାବାର୍ତ୍ତା :-

ଯଦି ଜଣେ ବ୍ୟକ୍ତି ସ୍ୱପ୍ନରେ ପିତୃପୁରୁଷଙ୍କ ସହ କଥାବାର୍ତ୍ତା ହୁଅନ୍ତି, ତେବେ ବୁଝିଯିବେ ଯେ, ସେ ଭବିଷ୍ୟତରେ କିଛି କାର୍ଯ୍ୟରେ ବଡ଼ ସଫଳତା ହାସଲ କରିବାକୁ ଯାଉଛନ୍ତି ।

ପିତୃପୁରୁଷମାନେ କେଶ ବନାଉଥିବା ନଜର ଆସିଲେ:-

ଯଦି ଆପଣଙ୍କର ପିତୃପୁରୁଷମାନେ ସ୍ୱପ୍ନରେ ସେମାନଙ୍କର କେଶକୁ କୁଣ୍ଡାଉଥିବା ବା ବନାଉଥିବାର ନଜର ଆସନ୍ତି, ତେବେ ବୁଝିଯିବେ ଯେ ସେ ଖୁସି ଅଛନ୍ତି । ଏହା ଭଲ ଦିନର ଆରମ୍ଭର ସଙ୍କେତ ଅଟେ ।

ପିତୃପୁରୁଷମାନେ ଚୁପଚାପ୍ ଦେଖାଗଲେ :-

ସ୍ୱପ୍ନ ଶାସ୍ତ୍ର ଅନୁଯାୟୀ, ଯଦି ଜଣେ ବ୍ୟକ୍ତିର ପୂର୍ବପୁରୁଷ ତାଙ୍କ ସ୍ୱପ୍ନରେ ଶାନ୍ତି ନଜର ଆସନ୍ତି, ତେବେ ଏହା ବୁଝିଯିବେ ଯେ ସେ ତାଙ୍କ ପରିବାର ସଦସ୍ୟଙ୍କ ମଧ୍ୟରେ ଶାନ୍ତି ଚାହୁଁଛନ୍ତି । ଏଭଳି ପରିସ୍ଥିତିରେ ପିତୃପୁରୁଷଙ୍କ ଶ୍ରାଦ୍ଧ କର୍ମ ସହିତ କିଛି ଉପାୟ ଗ୍ରହଣ କରିବାକୁ ପଡିବ ।