ନୂଆବର୍ଷରେ ଗ୍ରାହକଙ୍କୁ ଝଟକା! ମହଙ୍ଗା ହେବ Tata Motors ଓ Ducati ଯାନ
ନୂଆଦିଲ୍ଲୀ: ଯଦି ଆପଣ ୨୦୨୨ରେ କାର କିଣିବାକୁ ଯୋଜନା କରୁଛନ୍ତି, ତେବେ ଏଥିପାଇଁ ଆପଣଙ୍କୁ ଅଧିକ ଟଙ୍କା ଦେବାକୁ ପଡିବ । ତେବେ ଦେଶର ପ୍ରମୁଖ କମ୍ପାନୀ ଟାଟା ମୋଟର୍ସ ଆସନ୍ତା ମାସରୁ ଯାତ୍ରୀବାହୀ ଯାନର ମୂଲ୍ୟ ବୃଦ୍ଧି କରିବାକୁ ଘୋଷଣା କରିଛି । କଞ୍ଚାମାଲ ମୂଲ୍ୟର ପ୍ରଭାବରୁ ଦୂର କରିବା ପାଇଁ ଜାନୁଆରୀରୁ କମ୍ପାନୀ ଏହାର ସମସ୍ତ ଯାତ୍ରୀବାହୀ ଯାନର ମୂଲ୍ୟ ବୃଦ୍ଧି କରିବ ବୋଲି କମ୍ପାନୀ ଶୁକ୍ରବାର ଦିନ କହିଛି ।
ଟାଟା ମୋଟର୍ସର ପ୍ୟାସେଞ୍ଜର ହ୍ୱିକଲ୍ସ ବିଜନେସ୍ ୟୁନିଟର ସଭାପତି ଶୈଲେଶ ଚନ୍ଦ୍ର କହିଛନ୍ତି, ‘କଞ୍ଚାମାଲ ଜିନିଷ ସହିତ ଅନ୍ୟ ଜିନିଷଗୁଡିର ମୂଲ୍ୟ ଲାଗତାର ଭାବେ ବଢ଼ିବାରେ ଲାଗିଛି । ବଢ଼ୁଥିଥିବା ମୂଲ୍ୟର ପ୍ରଭାବକୁ ଦୂର କରିବା ପାଇଇଁ କମ୍ପାନୀ ଜାନୁଆରୀ ୨୦୨୨ରୁ ଯାତ୍ରୀବାହୀ ଯାନଗୁଡ଼ିକର ମୂଲ୍ୟ ବୃଦ୍ଧି କରିବାକୁ ପଡିବ ।’
ଅନ୍ୟପଟେ ମହଙ୍ଗା ମୋଟରସାଇକେଲ ତିଆରି କରୁଥିବା Ducati ମଧ୍ୟ ଆସନ୍ତା ମାସରୁ ଗାଡିର ମୂଲ୍ୟ ବୃଦ୍ଧି କରିବ ବୋଲି କହିଛି । କମ୍ପାନୀ କହିଛି ଯେ, ମୋଟରସାଇକେଲର ସମସ୍ତ ପ୍ରକାରର ମଡେଲର ମୂଲ୍ୟ ୧ ଜାନୁୟାରୀ ୨୦୨୨ ରୁ ବୃଦ୍ଧି କରାଯିବ । ସଂଶୋଧିତ ମୂଲ୍ୟ ସମସ୍ତ ମଡେଲ ଉପରେ ଲାଗୁ ହେବ ବୋଲି ଏଥିରେ କୁହାଯାଇଛି ।
