ଆଜି କିୱିକୁ ଭେଟିବ ଟିମ ଇଣ୍ଡିଆ: ବିଜୟ ସହ ଆରମ୍ଭ ହେବ ବିଶ୍ୱକପ୍ ଯାତ୍ରା! ଦେଖନ୍ତୁ Playing-11

ନୂଆଦିଲ୍ଲୀ: ୟୁଏଇରେ ଆରମ୍ଭ ହୋଇଯାଇଛି ମହିଳା ବିଶ୍ୱକପ୍-୨୦୨୪ । ଆଜି ଦ୍ୱିତୀୟ ଦିନରେ ମୁହାଁମୁହିଁ ହେବାକୁ ଯାଉଛନ୍ତି ଟୁର୍ଣ୍ଣାମେଣ୍ଟର ୨ ମହାଶକ୍ତି ଭାରତ ଏବଂ ନ୍ୟୁଜିଲାଣ୍ଡ । ଉଭୟ ଦଳ ମହିଳା କ୍ରିକେଟ ଜଗତରେ ବେଶ୍ ଶକ୍ତିଶାଳୀ ଦଳ ଭାବରେ ପରିଚୟ ପାଇଛନ୍ତି । ତେଣୁ ଆଜିର ଏହି ମୁକାବିଲା କଡ଼ା ସଂଘର୍ଷ ହେବ ବୋଲି ଆଶା କରାଯାଉଛି । ତେବେ ଉଭୟ ଦଳ ଏକ ଦମଦାର ବିଜୟ ସହ ବିଶ୍ୱକପ୍ ଅଭିଯାନ ଆରମ୍ଭ କରିବାକୁ ଆଶା ରଖିଛି ।

ଟି-୨୦ ପୁରୁଷ ବିଶ୍ୱକପରେ ଭାରତ ଚମ୍ପିଆନ୍ ହୋଇଛି । ତେଣୁ ମହିଳା ଦଳ ମଧ୍ୟ ବିଶ୍ୱକପ୍ ଟ୍ରଫି ଜିତିବା ଆଶାରେ ରହିଛି । ତେବେ ଏଥିପାଇଁ ଏକ ଦମଦାର ବିଜୟ ସହ ଟୁର୍ଣ୍ଣାମେଣ୍ଟରେ ଯାତ୍ରା ଆରମ୍ଭ କରିବା ଲକ୍ଷ୍ୟରେ ରହିଛନ୍ତି ଅଧିନାୟକ ହରମନପ୍ରୀତ କୌର । ମ୍ୟାଚକୁ ସକରାତ୍ମକ ଭାବରେ ଆରମ୍ଭ କରିବାର ଗୁରୁ ଦାୟିତ୍ୱ ବର୍ତ୍ତମାନ ଭାରତୀୟ ସିନିୟର ଖେଳାଳିଙ୍କ ଉପରେ ରହିଛି । ବୋଲିଂ କିମ୍ବା ବ୍ୟାଟିଂ, ସମସ୍ତ କ୍ଷେତ୍ରରେ ଶକ୍ତି ପ୍ରଦର୍ଶନ କରି ନ୍ୟୁଜିଲାଣ୍ଡକୁ କଡ଼ା ଟକ୍କର ଦେବା ପାଇଁ ପ୍ରସ୍ତୁତ ରହିଛଇ ଟିମ ଇଣ୍ଡିଆ ।

ଅନ୍ୟ ପକ୍ଷରେ ଭାରତ ବିପକ୍ଷରେ ରଣନୀତି ପ୍ରସ୍ତୁତ କରୁଛି ନ୍ୟୁଜିଲାଣ୍ଡ । ଭାରତୀୟ କେଳାଳି ଦୁର୍ବଳତାକୁ ଖୋଜି ମ୍ୟାଚରେ ବିଜୟର ପ୍ଲାନ୍ ରଚୁଛି ଟିମ୍ ମ୍ୟାନେଜମେଣ୍ଟ । ତେବେ ମ୍ୟାଚ୍ ପୂର୍ବରୁ ଦଳ ଖୁବ ସନ୍ତୁଳିତ ରହିଥିବା ବେଳେ ବ୍ୟାଟିଂ ଏବଂ ବୋଲିଂ ବିଭାଗରେ ବେଶ୍ ସୁନ୍ଦର ପ୍ରଦର୍ଶନ କରିବାର ଆତ୍ମବିଶ୍ୱାସ ସହ ମଇଦାନକୁ ଓହ୍ଲାଇବ ଦଳ । ତେବେ ଷ୍ଟାର ଅଲରାଉଣ୍ଡର ଆମେଲିୟା କେରଙ୍କ ଉପରେ ଟିମ ଇଣ୍ଡିଆର ନଜର ରହିବ ।

ଭାରତୀୟ ଦଳର ସମ୍ଭାବ୍ୟ ପ୍ଲେଙ୍ଗ-୧୧: ଶେଫାଳୀ ବର୍ମା, ସ୍ମୃତି ମନ୍ଧାନା, ହରମନପ୍ରୀତ କୌର(ଅଧିନାୟକ), ଡି. ହେମଲତା, ଜେମିମା ରୋଡ୍ରିଗ୍ସ, ଋଚା ଘୋଷ୍, ଦୀପ୍ତି ଶର୍ମା, ଶ୍ରେୟଙ୍କା ପାଟିଲ, ରେଣୁକା ଠାକୁର, ରାଧା ଯାଦବ, ପୂଜା ବସ୍ତ୍ରକାର

ନ୍ୟୁଜିଲାଣ୍ଡ ଦଳର ସମ୍ଭାବ୍ୟ ପ୍ଲେଙ୍ଗ-୧୧: ମେଡୀ ଗ୍ରୀନ୍, ଇଜି ଗେଜ୍, ସୁଜୀ ବେଟ୍ସ, ସୋଫୀ ଡିଭାଇନ୍(ଅଧିନାୟକ), ଲେଧ କାସ୍ପେରେକ, ଜର୍ଜିୟା ପ୍ଲିମର, ବ୍ରୁକ ହାଲିଡେ, ଆମେଲିୟା କେର, ଜେସ କେର, ଲି ତାହୁହୁ, ମୌଲୀ ପେନଫୋଲ୍ଡ