ପହଲଗାମରେ ଆତଙ୍କୀ ହମଲା, ଟାର୍ଗେଟରେ କାଶ୍ମୀରର ଫିଲ୍ମ- ଟୁରିଜିମ୍‌

ଜମ୍ମୁକାଶ୍ମୀର: ପହଲଗାମକୁ ଏହାର ପ୍ରାକୃତିକ ସୌନ୍ଦର୍ଯ୍ୟ ପାଇଁ ଭାରତର ମିନି ସ୍ୱିଜରଲ୍ୟାଣ୍ଡ କୁହାଯାଏ। ଯାହା ସ୍ୱିସ୍ ଆଲପାଇନ୍ ପର୍ଯ୍ୟଟନ ସ୍ଥଳ ସହିତ ସମାନ। ଦଶନ୍ଧି ଧରି ପହଲଗାମ ପର୍ଯ୍ୟଟକ ଏବଂ ବଲିଉଡ୍ ଚଳଚ୍ଚିତ୍ର ନିର୍ମାତାଙ୍କ ପାଇଁ ଏକ ପ୍ରମୁଖ ଗନ୍ତବ୍ୟସ୍ଥଳ ହୋଇଆସିଛି।

ପହଲଗାମ ଆତଙ୍କୀ ଆକ୍ରମଣରେ ୨୬ ଜଣଙ୍କ ଜୀବନ ଯାଇଥିବାରୁ, ଆତଙ୍କବାଦୀମାନେ ପହଲଗାମ ଏବଂ କାଶ୍ମୀରର ଆକର୍ଷଣକୁ ନଷ୍ଟ କରିବାକୁ ଚେଷ୍ଟା କରିଛନ୍ତି।

ଆପଣ ଜାଣିଥିବେ ଅନେକ ବଲିଉଡ୍ ଫିଲ୍ମର ସୁଟିଂ ପହଲଗାମରେ କରାଯାଇଛି। ଏହି ଚଳଚ୍ଚିତ୍ରଗୁଡ଼ିକ ମଧ୍ୟରେ ରହିଛି- ବବି, କଭି କଭି, ସିଲସିଲା, ରାଜି, ହାଇୱେ, ରୋଟି, ଖାମୋଶ, ହାଇଦର, ବିଜୟଙ୍କ ଲିଓ। ନିକଟରେ ୟସରାଜ ଫିଲ୍ମ ‘ଆଲଫା’ର ମଧ୍ୟ ସୁଟିଂ ପହଲଗାମରେ କରାଯାଇଥିଲା।

ଜୀ ନ୍ୟୁଜ୍ ରିପୋର୍ଟ ଅନୁଯାୟୀ, ୨୦୨୩ ମସିହାରେ କାଶ୍ମୀର ଉପତ୍ୟକାରେ ୧୦୦ ରୁ ଅଧିକ ଚଳଚ୍ଚିତ୍ର, ଟିଭି ଧାରାବାହିକ ଏବଂ ୱେବ୍ ଶୋ’ ସୁଟିଂ କରାଯାଇଥିଲା।
ଏଥିରେ ପହଲଗାମରେ ମଧ୍ୟ ସୁଟିଂ ଅନ୍ତର୍ଭୁକ୍ତ ଥିଲା। ୨୦୨୪ ମସିହାରେ, ୨୦୦ ରୁ ଅଧିକ ଚଳଚ୍ଚିତ୍ର ନିର୍ମାତା ପହଲଗାମ ସମେତ କାଶ୍ମୀରରେ ଫିଲ୍ମ କରିବା ପାଇଁ ଅନୁମତି ପାଇଁ ଆବେଦନ କରିଥିଲେ।

ଶାହରୁଖ ଖାନ ଡଙ୍କିର ପ୍ରମୁଖ ଅଂଶ ଜାମ୍ମୁ ଓ କାଶ୍ମୀରର ସୋନମାର୍ଗ, ପାମ୍ପୋର ଏବଂ ଶ୍ରୀନଗରରେ ସୁଟିଂ କରିଥିଲେ। କବୀର ଖାନଙ୍କ ଚାନ୍ଦୁ ଚାମ୍ପିଅନ କାଶ୍ମୀରକୁ ଏହାର ଯୁଦ୍ଧ ପୃଷ୍ଠଭୂମି ଭାବରେ ବ୍ୟବହାର କରିଥିଲେ।

ସୀତା ରାମମ (ତେଲୁଗୁ) ଏବଂ ମିଶନ ମଜନୁ ଏବଂ ନୋଟବୁକ୍ ଭଳି ହିନ୍ଦୀ ପ୍ରଯୋଜନା କାଶ୍ମୀରର ଦୃଶ୍ୟ ମହିମାକୁ ପ୍ରଦର୍ଶିତ କରିଛି।

ଏହା ସୂଚିତ କରେ ଯେ ଚଳଚ୍ଚିତ୍ର ପର୍ଯ୍ୟଟନ ମଧ୍ୟ ସାରା ଭାରତ ଏବଂ ବିଦେଶରୁ ଲୋକଙ୍କୁ ଜାମ୍ମୁ ଓ କାଶ୍ମୀର ପହଲଗାମରେ ପହଞ୍ଚିବାକୁ ଆକର୍ଷିତ କରୁଛି ଯାହା ଏହି ଅଞ୍ଚଳର ଆର୍ôଥକ ବିକାଶକୁ ବୃଦ୍ଧି କରୁଛି।

ଏସବୁ ଆକ୍ରମଣ ଘଟାଇ ଆକ୍ରମଣକାରୀ ଜମ୍ମୁ କାଶ୍ମୀରର ଆର୍ଥିକ ଅବସ୍ଥାକୁ ଦୁର୍ବଳ କରିବାକୁ ଚାହୁୂଁଛନ୍ତି।