ଅର୍ଥନୀତିକୁ ଏକଜୁଟ କରିବ ବୁଲେଟ୍ ଟ୍ରେନ୍; ସାମ୍ନାକୁ ଆସିଲା ଏହି ଅପଡେଟ୍
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡ୍ରିମ୍ ପ୍ରୋଜେକ୍ଟ ବୁଲେଟ୍ ଟ୍ରେନ୍ ଗତ ୧୦ ବର୍ଷ ଧରି ନିରନ୍ତର ଚର୍ଚ୍ଚାରେ ରହିଛି। ଚାଇନା-ଜାପାନ ସମେତ ଅନେକ ଦେଶରେ ସୁପରଫାଷ୍ଟ ବୁଲେଟ୍ ଟ୍ରେନ୍ ଚଳାଚଳ କରୁଛି। ଦେଶର ପ୍ରଥମ ବୁଲେଟ୍ ଟ୍ରେନ୍ କୁ ଭାରତବାସୀ ମଧ୍ୟ ଦୀର୍ଘ ଦିନ ଧରି ଅପେକ୍ଷା କରି ରହିଛନ୍ତି। ଏବେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ବୁଲେଟ୍ ଟ୍ରେନ୍ ପ୍ରକଳ୍ପ ସମ୍ପର୍କରେ ଏକ ବଡ଼ ଅପଡେଟ୍ ଦେଇ କହିଛନ୍ତି ଯେ ମୁମ୍ବାଇରୁ ଅହମ୍ମଦାବାଦ ମଧ୍ୟରେ ଚାଲୁଥିବା ଏହି ସୁପରଫାଷ୍ଟ ଟ୍ରେନ୍ ଦୁଇ ରାଜ୍ୟର ଅର୍ଥନୀତିକୁ ଏକଜୁଟ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏନଡିଟିଭିର ଏକ କାର୍ଯ୍ୟକ୍ରମରେ କହିଛନ୍ତି ଯେ ଭାରତର ବୁଲେଟ୍ ଟ୍ରେନ୍ ପ୍ରକଳ୍ପ ବହୁତ ଭଲ ଭାବେ ଅଗ୍ରଗତି କରୁଛି। ମୁମ୍ବାଇରୁ ଅହମ୍ମଦାବାଦ ପର୍ଯ୍ୟନ୍ତ ପ୍ରଥମ କରିଡର ଅନେକ ଅର୍ଥନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ସହରକୁ ବାନ୍ଧି ରଖିବ । ଏହି କରିଡର ଅନେକ ଅର୍ଥନୀତିକୁ ଏକାଠି କରିବ । ଏହା କେବଳ ଏକ ରେଳ ପ୍ରକଳ୍ପ ନୁହେଁ ବୋଲି ସେ କହିଛନ୍ତି। ଆମକୁ ଏହାକୁ ଅର୍ଥନୀତି ଦୃଷ୍ଟିକୋଣରୁ ଦେଖିବାକୁ ପଡ଼ିବ।
ଅଶ୍ୱିନୀ ବୈଷ୍ଣବ କହିଛନ୍ତି ଯେ ଭାରତୀୟ ରେଳବାଇ ଏହି ପ୍ରଥମ ବୁଲେଟ୍ ଟ୍ରେନ୍ କରିଡରରେ ମୁମ୍ବାଇ, ଥାନେ, ବାପି, ବରୋଦା, ସୁରଟ, ଆନନ୍ଦ ଏବଂ ଅହମ୍ମଦାବାଦକୁ ସଂଯୋଗ କରିବାକୁ ଯାଉଛି। ଏହି ସବୁ ସହରର ଅର୍ଥନୀତି ଏକ ହୋଇଯିବ। ବୁଲେଟ୍ ଟ୍ରେନ୍ ଆସିବା ପରେ ଆପଣ ସୁରଟରେ ଜଳଖିଆ କରିପାରିବେ। ଏହାପରେ ଆପଣ ମୁମ୍ବାଇ ଯାଇ ନିଜର କାମ ଶେଷ କରି ରାତିରେ ନିଜ ପରିବାର ପାଖକୁ ଫେରି ପାରିବେ ।
