ଦେଶର ସବୁଠୁ ଅଧିକ ଦୂର ଯାତ୍ରା କରୁଥିବା ଟ୍ରେନ; ଚାରିଦିନରେ ଯାଏ ୪୧୫୦ କିଲୋମିଟର
ନୂଆଦିଲ୍ଲୀ: ଅମ ଦେଶରେ ପ୍ରେତକ ଦିନ ଅନେକ ଲୋକ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯାତ୍ରା କରିଥାନ୍ତି । ଅଦିକାଂଶ ଲୋକ ରେଳରେ ଯାତ୍ରା କରିବା ପାଇଁ ପସନ୍ଦ କରନ୍ତି । କାଶ୍ମୀର ଠାରୁ କନ୍ୟାକୁମାରୀ ସବୁ ସ୍ଥାନକୁ ଟ୍ରେନରେ ଯିବାକୁ ସୁବିଧା ରହିଛି । ସେଥିପାଇଁ ଭାରତର ମାନଚିତ୍ର ଦେଖିଲେ ଟ୍ରେନ୍ ଲାଇନ ଗୁଡ଼ିକ ଜାଲ ପରି ବିଛାଡ଼ି ହୋଇଥିବା ଦେଖିବାକୁ ମିଳେ । ହେଲେ ଦେଶର ସବୁଠୁ ଅଧିକ ଯାତ୍ରା କରୁଥିବା ଟ୍ରେନ ବିଷୟରେ ଆପଣ ଜାଣିଛନ୍ତି କି ? ଯଦି ଜାଣିନାହାନ୍ତି ତେବେ ଆଗକୁ ଖବରଟିକୁ ପଢନ୍ତୁ ।
ଦେଶର ସବୁଠୁ ଅଧିକ ଯାତ୍ରା କରୁଥିବା ଟ୍ରେନର ନାମ ବିବେକ ଏକ୍ସପ୍ରେସ୍ । ଯାହା ଡିବ୍ରୁଗଡରୁ କନ୍ୟାକୁମାରୀ ପର୍ଯ୍ୟନ୍ତ ଯାତ୍ରା କରିଥାଏ । ଟ୍ରେନ୍ ପାଖା ପାଖି ୮୨ ଘଣ୍ଟାରେ ୪୧୫୦ କିଲୋମିଟରରୁ ଅଧିକ ଯାତ୍ରା କରେ । ଟ୍ରେନ୍ ନମ୍ବର ୧୫୯୦୬ ବିବେକ ଏକ୍ସପ୍ରେସ୍ ଡିବ୍ରୁଗଡରୁ ସନ୍ଧ୍ୟା ୭ଟା ୨୫ ମିନିଟରେ ବାହାରି ଚାରିଦିନ ପରେ କନ୍ୟାକୁମାରୀରେ ପହଁଚିଥାଏ । ଆସାମର ଡିବ୍ରୁଗଡରୁ ଏହି ଟ୍ରେନ୍ ୮-୯ ରୁ ଅଧିକ ରାଜ୍ୟ ଦେଇ ଯାଇଥାଏ । ଏହି ଟ୍ରେନ୍ ଦିମାପୁର, ଗୋହାଟି , ନ୍ୟୁ ବୋଙ୍ଗାଇଗାଓଁ କୋକରାଝର୍ ନ୍ୟୁ ଆଲିପୁରଦ୍ଵାର, ନ୍ୟୁ କୁଚବିହାର, ନ୍ୟୁ ଜଲପାଇଗୁଡ଼ି କିଶାନଗଞ୍ଜ ମାଲଦା ଟାଉନ, ବର୍ଦ୍ଧମାନ୍ ଜଙ୍କସନ, ବାଲେଶ୍ଵର, କଟକ, ଭୁବନେଶ୍ୱର, ବିଶାଖାପାଟଣା, ବିଜୟଓ୍ଵାଡ଼ା, ନେଲ୍ଲୋର୍, କୋଲମ ଜଙ୍କସନ ହୋଇ ଚତୁର୍ଥ ଦିନରେ ତାମିଲନାଡୁର କନ୍ୟାକୁମାରୀରେ ପହଞ୍ଚି ଥାଏ ।
