ପାଦକୁ ଦେଖି ଜାଣନ୍ତୁ ବ୍ୟକ୍ତିତ୍ୱ: ମଣିଷକୁ ଚିହ୍ନିବାର ଇଏ ହେଉଛି ସହଜ ଉପାୟ
ମଣିଷର ପାଦ ଦେଖି ତାଙ୍କର ବ୍ୟକ୍ତିତ୍ୱ ବିଷୟରେ ଜାଣିହୁଏ । ଆପଣ ଏକଥା ଜାଣି ହୁଏତ ଆଶ୍ଚର୍ଯ୍ୟ ହୋଇପାରନ୍ତି । ପାଦ ଆଙ୍ଗୁଳିର ଲମ୍ବ ହିଁ ଆପଣଙ୍କ ବ୍ୟକ୍ତିତ୍ୱକୁ ଦର୍ଶାଇଥାଏ । ଆପଣଙ୍କ ବିଷୟରେ ବହୁତ କିଛି କଥା କହିଥାଏ ଆପଣଙ୍କ ପାଦ । କେବଳ ପାଦ ଦେଖି କୌଣସି ବ୍ୟକ୍ତିଙ୍କ ରହସ୍ୟ ଜାଣିପାରିବେ ଆପଣ ।
ଉପରୋକ୍ତ ଫଟୋର ପ୍ରଥମ ଚିତ୍ର ସହିତ ଯଦି ଆପଣଙ୍କ ପାଦର ଗଢଣୀ ମେଳ ଖାଉଥାଏ, ତେବେ ଆପଣ ଇଜିପ୍ସିଆନ ଟୋ ପର୍ସନାଲିଟି ହୋଇଥାନ୍ତି । ଆପଣ ରଚନାତ୍ମକ, କେନ୍ଦ୍ରିତ ଏବଂ ଇନୋଭେଟିଭ ହୋଇଥାନ୍ତି । ଏଭଳି ଲୋକ ପ୍ରକୃତିକୁ ଭଲ ପାଇଥାନ୍ତି । ଖୁବଶୀଘ୍ର ଏମାନେ ବନ୍ଧୁତା ସ୍ଥାପନ କରି ନିଅନ୍ତି । କିନ୍ତୁ କୌଣସି କାମକୁ ଅଧୁରା ଛାଡନ୍ତି ନାହିଁ ଏଭଳି ବ୍ୟକ୍ତି ।
ତେବେ ଯଦି ଦ୍ୱିତୀୟ ଚିତ୍ର ସହିତ ଆପଣଙ୍କ ପାଦ ମେଳ ଖାଉଛି, ଆପଣ ଗ୍ରୀକ ଟୋ ପର୍ସନାଲିଟିର ବ୍ୟକ୍ତି ଅଟନ୍ତି । ଜଣେ ମହତ୍ତ୍ୱାକାଂକ୍ଷୀ, ରଚନାତ୍ମକ, ଉର୍ଜାବାନ ଏବଂ ଖୁବ ସକ୍ରିୟ ହୋଇଥାନ୍ତି । ଏଭଳି ଲୋକ ଖୁବ ମସ୍ତି କରିବା ସହ ନୂଆ ଅନୁଭୂତିକୁ ପସନ୍ଦ କରିଥାନ୍ତି । ତେବେ ସମ୍ପର୍କକୁ ନେଇ ଏମାନେ ଖୁବ ଭାବୁକ ହୋଇଥାନ୍ତି ।
ସେହିପରି ତୃତୀୟ ଚିତ୍ର ପରି ପାଦ ଥିବା ବ୍ୟକ୍ତିମାନଙ୍କର ରୋମନ ଟୋ ପର୍ସନାଲିଟି ହୋଇଥାଏ । ଏହି ବ୍ୟକ୍ତିମାନେ ଭଲ ଲିସନର ହୋଇଥାନ୍ତି । ତେବେ ଏମାନେ ପ୍ରାୟତଃ ବିପଦପୂର୍ଣ୍ଣ ବା ଚାଲେଞ୍ଜ ଭରା କାମ କରିବା ପାଇଁ ପସନ୍ଦ କରିଥାନ୍ତି । ଏମାନେ ପ୍ରାୟତଃ ବାହାଦୂର ହୋଇଥାନ୍ତି ଏବଂ ଏମାନେଖୁବ ଶୀଘ୍ର ହାର ମାନି ନଥାନ୍ତି ।
ତେବେ ଚତୁର୍ଥ ଚିତ୍ର ପରି ଆପଣଙ୍କ ପାଦ ହୋଇଥିଲେ ଆପଣଙ୍କ ବ୍ୟକ୍ତିତ୍ୱ ପିଲାଳିଆମିରେ ଭରି ହୋଇଥାଏ । ପାଦର ଛୋଟ ଆଙ୍ଗୁଳି ବା ପିଙ୍କି ଆଙ୍ଗୁଳି ହଲାଇ ପାରୁଥିବା ବ୍ୟକ୍ତିମାନେ ଖୁବ ବିଶ୍ୱସ୍ତ ଏବଂ ଭରସାଯୋଗ୍ୟ ହୋଇଥାନ୍ତି । କୌଣସି ବି ନିଷ୍ପତ୍ତି ନେବା ପୂର୍ବରୁ ଏମାନେ ଦୁଇ ଥର ଚିନ୍ତା କରିଥାନ୍ତି ଏହିବ୍ୟକ୍ତିମାନେ ।
