ବତୁରା କିସମିସ୍ ଖାଇଲେ ମିଳେ ଏଭଳି ଲାଭ: କେମିତି ଖାଇବେ-ଜାଣନ୍ତୁ ଟିପ୍ସ
ନୂଆଦିଲ୍ଲୀ: କିସମିସ ଖାଇଲେ ଅନେକ ପ୍ରକାରର ଆମ ଶରୀରକୁ ଫାଇଦା ହୋଇଥାଏ । କିନ୍ତୁ କେମିତି ଖାଇଲେ ଏହା ଲାଭବାନ ହେବ ଆସନ୍ତୁ ଜାଣିବା । କିସମିସ୍କୁ ମିଠା ଜିନିଷ ପ୍ରସ୍ତୁତିରେ ଅଧିକାଂଶ ଲୋକେ ଖାଇବାକୁ ପସନ୍ଦ କରିଥାନ୍ତି । ମାତ୍ର ଏହାର ସ୍ୱାସ୍ଥ୍ୟ ଚମକ୍ରାରୀ ଲାଭ ବିଷୟରେ ହୁଏତ ସଭିଏଁ ଜାଣିନଥିବେ । ପିଲାଙ୍କଠୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ସମସ୍ତଙ୍କୁ କିସମିସ୍ ଖାଇବାକୁ ପରାମର୍ଶ ଦିଆଯାଇଥାଏ ।
ଶୁଖିଲା କିସମିସ୍ ବଦଳରେ ବତୁରା ଯାଇଥିବା କିସମିସ୍ ଖାଇଲେ ଏହା ଦ୍ୱାରା ପୋଷକ ତତ୍ୱ ଦ୍ୱିଗୁଣିତ ହୋଇଥାଏ । ଏହା ଓଜନ ହ୍ରାସ କରାଇବାରେ ସହାୟକ ହୋଇଥାଏ । ଓଜନ ହ୍ରାସ କରିବା ପାଇଁ ଲୋକେ ଅନେକ ଉପାୟ ଆପଣାଇଥାନ୍ତି । ବତୁରା ଯାଇଥିବା କିସମିସ୍ ଖାଇବା ଦ୍ୱାରା ରକ୍ତରେ ଶର୍କରା ନିୟନ୍ତ୍ରଣ ରହେ, କ୍ୟାଲୋରୀ ମଧ୍ୟ ରହିନଥାଏ। ଏଥିରେ ଫାଇବର ରହିଛି। ତେଣୁ ଏହାକୁ ଖାଇବା ଦ୍ୱାରା ଶୀଘ୍ର ଭୋକ ଲାଗିନଥାଏ। ବତୁରା ଯାଇଥିବା କିସମିସରେ ଭିଟାମିନ ବି ଓ ସି ଭରପୁର ମାତ୍ରାରେ ରହିଛି। ଏହା ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ। ଅନେକ ସଂକ୍ରମଣରୁ ମଧ୍ୟ ଶରୀରକୁ ମଧ୍ୟ ଦୂରେଇ ରଖିଥାଏ ଏହି କିସମିସ । ଏଥିରେ ଥିବା ଫାଇବର କୋଷ୍ଠକାଠିନ୍ୟ ରୋଗକୁ ଦୂର କରିବା ସହ ଖାଦ୍ୟକୁ ଭଲ ଭାବେ ହଜମ କରିବାରେ ସହାୟକ ହୋଇଥାଏ।
ଦୃଷ୍ଟି ଶକ୍ତି ବୃଦ୍ଧି କରିବାରେ ସହାୟକ ହୋଇଥାଏ ଏଥିରେ ଥିବା ପୋଷକ ତତ୍ୱ । ଚକ୍ଷୁ ପାଇଁ ମଧ୍ୟ ବେଶ ଉପକାରୀ। ବତୁରା ଯାଇଥିବା କିସମିସ୍ ଓ ଏହାର ପାଣି ପିଇବା ଯକୃତ ପାଇଁ ଖୁବ ଲାଭଦାୟକ। ଏହା ଯକୃତକୁ ସ୍ୱଚ୍ଛ ରଖିବାରେ ସହାୟକ ହେବା ସହ ଅଦରକାରୀ ପଦାର୍ଥ ବାହାର କରି ରକ୍ତକୁ ପରିଷ୍କାର କରିଥାଏ। ମହିଳାଙ୍କ ପାଇଁ କିସମିସର ସେବନ ନିତ୍ୟାନ୍ତ ଆବଶ୍ୟକ। ଏହା ନିରୋଗ ରଖିଥାଏ।
