୧୦ ମହିଳା ଧନୀ ତାଲିକାରେ ରହିଛି ପ୍ରଥମ ଭାରତୀୟ ମହିଳାଙ୍କ ନାମ, ଯିଏ କି ଏତିକି କୋଟି ସମ୍ପତ୍ତିର ମାଲିକାଣୀ
ନୂଆଦିଲ୍ଲୀ,୨୭ା୩: ହାରୁନ୍ ରିସର୍ଚ୍ଚ ଇନଷ୍ଟିଚ୍ୟୁଟ୍ ଏହାର ଗ୍ଲୋବାଲ୍ ରିଚ୍ ବା ଧନୀ ତାଲିକା ୨୦୨୫ ପ୍ରକାଶ କରିଛି। ଏହା ଅନୁଯାୟୀ, HCL ଚେୟାରମ୍ୟାନ୍ ରୋଶନି ନାଡାର ବିଶ୍ୱର ୧୦ ଧନୀ ମହିଳା ତାଲିକାରେ ସ୍ଥାନ ପାଇ ଇତିହାସ ସୃଷ୍ଟି କରିଛନ୍ତି। ସେ ହେଉଛନ୍ତି, ପ୍ରଥମ ଭାରତୀୟ ମହିଳା ଯିଏକି ଏହି ତାଲିକାରେ ଅନ୍ତର୍ଭୁକ୍ତ ହୋଇଛନ୍ତି। ସେ ୩.୫ ଲକ୍ଷ କୋଟି ଟଙ୍କା ସମ୍ପତ୍ତିର ମାଲିକାଣୀ ଅଟନ୍ତି । ଏହା ସହିତ ସେ ବିଶ୍ୱର ପଞ୍ଚମ ମହିଳା ଅଟନ୍ତି ।
ଗୌତମ ଆଦାନୀଙ୍କ ସମ୍ପତ୍ତିରେ ସର୍ବାଧିକ ବୃଦ୍ଧି
ହୁରୁନ୍ ଗ୍ଲୋବାଲ୍ ରିଚ୍ ତାଲିକା ୨୦୨୫ ଅନୁଯାୟୀ, ଆଦାନୀ ଗ୍ରୁପ୍ ଚେୟାରମ୍ୟାନ୍ ଗୌତମ ଆଦାନୀ ହେଉଛନ୍ତି ଭାରତର ବ୍ୟକ୍ତି, ଯାହାଙ୍କ ଧନ ସର୍ବାଧିକ ବୃଦ୍ଧି ପାଇଛି। ତାଙ୍କର ମୋଟ ସମ୍ପତ୍ତି ପ୍ରାୟ ୧ଲକ୍ଷ କୋଟି ଟଙ୍କା ବୃଦ୍ଧି ପାଇଛି, ଯାହା ୧୩ ପ୍ରତିଶତ ଅଭିବୃଦ୍ଧି ହୋଇଛି । ଏହା ସହିତ ତାଙ୍କର ମୋଟ ସମ୍ପତ୍ତି ୮.୪ ଲକ୍ଷ କୋଟିରେ ପରିଣତ ହୋଇଛି। ସେ ହେଉଛନ୍ତି ଭାରତର ଦ୍ୱିତୀୟ ଧନୀ ଏବଂ ବିଶ୍ୱର ୧୮ ତମ ଧନୀ ବ୍ୟକ୍ତି ।
ଅଦାନୀ ଗ୍ରୁପର ବ୍ୟବସାୟ ଅକ୍ଷୟ ଶକ୍ତି, ବିମାନବନ୍ଦର, ଖଣି, ମିଡିଆ, ସିମେଣ୍ଟ, ବିଦ୍ୟୁତ୍ ଭଳି ବିଭିନ୍ନ କ୍ଷେତ୍ରରେ ବ୍ୟବସାୟ ରହିଛି। ୨୦୨୪ରେ କିଛି ସମୟ ପାଇଁ ଗୌତମ ଆଦାନୀ ଏସିଆର ସବୁଠାରୁ ଧନୀ ବ୍ୟକ୍ତି ଭାବରେ ତାଲିକାରେ ରହିଥିଲେ ।
ଅନ୍ୟପକ୍ଷରେ, ଯଦି ଆମେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଚେୟାରମ୍ୟାନ୍ ମୁକେଶ ଅମ୍ବାନୀଙ୍କ ବିଷୟରେ କହିବା, ତେବେ ତାଙ୍କ ସମ୍ପତ୍ତି୧ ଲକ୍ଷ କୋଟି ଟଙ୍କା ହ୍ରାସ ପାଇଛି। ଏହା ସହିତ ତାଙ୍କର ମୋଟ ସମ୍ପତ୍ତି ବର୍ତ୍ତମାନ ୮.୬ ଲକ୍ଷ କୋଟି ଟଙ୍କା। ଏହା ସହ ସେ ଦୁନିଆର ଶ୍ରେଷ୍ଠ ୧୦ ଜଣ ଧନୀ ବ୍ୟକ୍ତିଙ୍କ ତାଲିକାରୁ ବାଦ ପଡିଛନ୍ତି। ତଥାପି ଏହି ହ୍ରାସ ସତ୍ତ୍ୱେ ଅମ୍ବାନୀ ଏସିଆର ସବୁଠାରୁ ଧନୀ ବ୍ୟକ୍ତି ଅଟନ୍ତି ।
ଆଦାନୀ ଏବଂ ଅମ୍ବାନୀଙ୍କ ବ୍ୟତୀତ ଅନ୍ୟ ଅନେକ ଭାରତୀୟ ବିଲିୟନେୟାର ମଧ୍ୟ ହୁରୁନ ଗ୍ଲୋବାଲ ରିଚ୍ ତାଲିକାରେ ଅନ୍ତର୍ଭୁକ୍ତ। ସନ୍ ଫାର୍ମାସ୍ୟୁଟିକାଲ୍ ଇଣ୍ଡଷ୍ଟ୍ରିଜ୍ ପ୍ରତିଷ୍ଠାତା ଦିଲୀପ ଶାଙ୍ଗଭି ହେଉଛନ୍ତି ଭାରତର ଚତୁର୍ଥ ଧନୀ ବ୍ୟକ୍ତି ଯିଏକି ମୋଟ ୨.୫ଲକ୍ଷ କୋଟି ଟଙ୍କା ରହିଛି। ୱିପ୍ରୋ ପ୍ରତିଷ୍ଠାତା ଅଜିଜ ପ୍ରେମଜୀ ୨.୨ ଲକ୍ଷ କୋଟି ଟଙ୍କା ମୂଲ୍ୟର ପଞ୍ଚମ ସ୍ଥାନରେ ଅଛନ୍ତି ।
କୁମାର ମଙ୍ଗଲମ୍ ବିର୍ଲା ଏବଂ ସାଇରସ୍ ଏସ୍ ପୁନାୱାଲା ଭଳି ବ୍ୟବସାୟୀ ମଧ୍ୟ ଅଛନ୍ତି, ଯାହାଙ୍କ ସମ୍ପତ୍ତି ମୂଲ୍ୟ ୨ ଲକ୍ଷ କୋଟି ଟଙ୍କା। ହୁରୁନ୍ ଗ୍ଲୋବାଲ୍ ରିଚ୍ ତାଲିକା ୨୦୨୫ରେ ୭୧ଟି ଦେଶରୁ ୩.୪୪୨ ବିଲିୟନେୟାର ଅନ୍ତର୍ଭୁକ୍ତ, ଯାହା ଗତ ବର୍ଷ ତୁଳନାରେ ବିଲିୟନେୟାରଙ୍କ ସଂଖ୍ୟାରେ ୫ ପ୍ରତିଶତ ବୃଦ୍ଧି ଘଟିଛି। ଏହି ବିଲିୟନେୟାରମାନଙ୍କର ମୋଟ ସମ୍ପତ୍ତି ୧୩ ପ୍ରତିଶତ ବୃଦ୍ଧି ପାଇଛି ।